|
للفائدة لي ولمن يبحث عن ذلك السلام عليكم ورحمة الله وبركاته ايها المسافرون العرب اسعد الله اوقاتكم بكل خير وسعيد جدا بانضمامي لهذا الصرح الجميل واتمنى بان افيد واستفيد معكم.. لا اريد الاطالة في المقدمة اريد منكم الافادة ولكم جزيل الشكر.. باذن الله راح ازور ماليزيا في شهر 4 هجري ومتردد في امرين الاول اما ان اعتمد على بكج من مكتب سياحي ام اعتمد على نفسي بكل شي من حجوزات فنادق ومواصلات وطيران وهذي هي الزيارة الاولى ان قاله الله الى ماليزيا طبعا سافرت قبل كذا لاندونيسيا كم مره واعتمدت على نفسي بكل شي والحمدلله الامور تمام التمام لكن ماليزيا هذي المره الاولى وشايل هم بعض الشي راح تكون الرحلة 10 ايام صحيح انها قليلة لكن ماعليه بخليها تجربة وباذن الله تكون ممتازة ابي اقسم الايام بين مدنتين او ثلاث ووش رايكم لو اخليها في مدينتين فقط بحكم قصر المدة لنكاوي وكوالا.. ودمتم بحفظ الله ..، محبكم ابو زياد. ، |
اضافة سؤال مهم بالنسبة لي .. كم تقريبا يكفي صرف باليوم طبعا شامل كل شي سكن مواصلات زيارات من غير المطاعم والاسواق |
عليكم السلام ورحمة الله وبركاته حياك الله وان شاء الله تكون سفرة ممتعة دامك رحت اندونيسيا وعندك فكرة مسبقا عن الترتيبات فما يحتاج مكتب ولا شيء انت تقدر تسوي كل شيء بنفسك بالنسبة للايام كالتالي : يومين سيلانجور 3 ايام لنكاوي يومين بينانج 3 ايام كوالالمبور اقتراح ثاني يوم سيلانجور 3 ايام لنكاوي 3 ايام بينانج 3 ايام كوالالمبور اقتراح ثالث يومين سيلانجور 3 ايام لنكاوي او بينانج 5 ايام كوالالمبور بالنسبة للصرفية تعتمد على حسب الأشخاص ولكن احسب لك 500 رينجت كمصروف يومي .. اما التسوق فله حساب لحاله أتمنى افدتك وان شاء الله الاخوان بيفيدوك اكثر أرسلت بواسطة iPhone بإستخدام Tapatalk |
وعليكم السلام ورحمة الله وبركاته اعتمد على نفسك بالحجوزات السفر مع العائله و إلا سفره شبابيه ؟ لقلة الأيام اقترح عليك التالي سفره عائليه = يومين سيلانجور - اربع ايام لنكاوي - اربع ايام كوالا اما لو السفره شبابيه اربع ايام لنكاوي - يومين بينانق - اربع ايام كوالا و منها تخصص يوم لزيارة صنواي لاقون و مول البيراميد يعتمد الصرف عليك ... هناك فنادق و مطاعم لجميع الميزانيات انت تحدد كم سعر الصرف اليومي المتوسط |
اهلين وسهلين فيك ماليزيا كتاب مفتوح ولا تحتاج بكجات سياحية رتب جميع التنقلات والفنادق بنفسك والمنتدى مليان تقارير وسوف نقوم بمساعدتكـ |
مرحباً 10 ليالي 2 سيلانجور 4 لنكاوي 4 كوالالمبور ......... تنقلات اقل . وتقدر تزور المناطق السياحية وانت مرتاح طبعا لنكاوي عن نفسي افضل من بينانج. بسبب الجو فيها افضل و الطبيعه اكثر والنشاطات افضل و التمشيات اكثر بالاضافة الى العامل المهم وهو الاستجمام في لنكاوي شي عجيب .. ....... ممكن تاخذ الفنادق من المكاتب و تقارنها مع بوكينق و تشوف الفرق بشرط تكون نفس الغرفه ونفس نوعها و سياستها. بعذ المكاتب المحترمه عندهم اسعار ممتازة للفنادق و ارخص من بوكينق ( بعض) طبعاً الطيران الدولي و الداخلي انت تحجزها بنفسي ماعندك مشكله فيها بحكم خبرتك. الميزانيه اليوميه 500 رينجت لشخصين باليوم شامله الاكل و اشرب و المواصلات و دخوليات المنتزهات و الحدائق وغيرها . بدون حساب الطيران و الفنادق |
انا قبل اسبوع رجعت نفس المدة جلست بين كوالا ولنكاوي وهو الجدول الأفضل ل10 ايام أقترح عليك: 3 كوالالمبور 4 لنكاوي 3 كوالالمبور طبعاً ماانصحك تسكن في سيلانجور ابداً اسكن في كوالا مناسبة وفيها كل الفعاليات ماعدا صنواي لاجون تبعد نصف ساعة في بيتالينج جايا تكلفة مشوارها 25 رنجت تقريباً عن طريق أوبر. وممكن تزور تقارير الاخوان وترتب جدولك,من ناحية الحجوزات احجز بنفسك واستخدم بوكينج للفنادق واوبر في كوالا والمطار,اما لنكاوي التكسي رخيص وفي مواضيع سابقة عن كيفية التعامل معهم. من ناحية التكاليف حسب تعاملك ممكن تصرف مليون وممكن تصرف 5 الاف وحسب هل انت لوحدك او مع مجموعة بالنسبة لي سافرت مفرد شامل التكاليف مع الطيران الدولي والداخلي والفنادق والمصروفات كانت اقل من 5000 وممكن تزور تقريري اذا بيفيدك http://www.arabtrvl.com/vb/t24406.html |
اشكركم على مروركم العطر |
ما ازيد عن كلام الاخوان طالما انت متعود على تنسيق سفراتك استمر بنفس الطريقه ونسق سفرتك بنفسك افضل من المكاتب السياحيه تقسيم الايام راجع لعددكم واذا اليوم اللي تنتقلوا فيه من مدينه لمدينه تقدروا تستفيدوا منه نصيحتي اذا كنت بتكتفي في كوالا وبينانق خلي تنقلاتك بالباص افضل من الطيران مطار كوالالمبور يعتبر بعيد ولازم تخرج بدري وتتاكد من حضورك المطار قبل الرحله على الاقل بساعه او ساعه ونص ومن ناحيه التكلفه اوفر لك وقللوا العفش عشان تسهل العمليه |
انا ان شاء الله بقسم المدة على كوالا ولنكاوي لا بد من الطيران:11: |
| الساعة الآن 02:25 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO