|
اتمنى الجواب على اسئلتي للضروره انا مسافر ان شاء الله انا وعايلتي اول مره اروح لماليزيا احد يقولي ويش تكون معي غير الجوازات طبعا انا حاجز الفنادق من موقع سياحي في ماليزيا من شركة اسمها XXXXXX للسياحه والسفر طيب لما اوصل لمطار كوالامبور ويش يطلبون مني فيه اوراق لازم تكون معي رحلتي في فبراير3 الى14 فبراير كيف تكون الاجواء هناك طيب اجهزة الصراف الالي بماليزيا تنصحوني اصرف من اي جهاز ممكن معلومات وافيه ذكر اسماء الشركات السياحية مخالف تم الغاء الاسم بواسطتي مشرفة البوابة / قصة حب |
رحله موفقه وان شاء الله اقدر افيدك هيا الاوراق اللي معاك تفرق على حسب اذا كنت بترجع لدولتك او مقيم في دوله ثانيه انا بما اني مقيمه في السعوديه اخذت معايا تأشيرات الخروج والعوده لان في المطار وانت راجع يطلبوا منك رقم الاقامه و قريت من واحد من الاخوان أنه لما جا يدخل الفلبين طلبوه رقم الاقامه احتفظ بنسخ من حجوزات الفنادق كامله لانه لو صار وضاعت شنطه من الشنط المطار يلتزم أنه برسلك هيا مكان ما تكون اطبع تذاكر الذهاب والعوده لان الموظف طلب يشوفها وممكن يسأل اش غرضك من الزياره لازم تجاوبه انها سياحه فقط وقريت مره في وحده من المواضيع بس مو في ماليزيا فالفلبين الاخ كان محول فلوسه من السعوديه ل ٣٠٠٠ الاف دولار وطلبوه بالايصال حق تحويل المبلغ وللامانه ماحد يهتم انه يحتفظ بالايصال بس حبيت اذكر المعلومه لاني انصدمت منها احتفظ بصور من جوازات السفر اذا ما كنت ناوي تاخذها معاك كل مكان يصير اكتفي تمشي بالصوره والحمدلله ما صدق واحد كلمنا بس من باب الاحتياط اجهزه الصرف انصحك ب maybank سعرهم افضل من سعر الصرف في السعوديه وموجود في كل مكان لونه اصفر ويمديك تسحب ٣٠٠٠ دفعه وحده موجود فرع لهم في شارع العرب قريب ماكدونالدز ماليزيا بشكل عام ما هي دوله بارده بس دوله ممطره بحق وحقيقة لا تنسى مظلتك لانها تمطر وانت مو متوقع ابدا |
شكرا اخوي طيب انا سعودي ومسافر مع عايلتي بس اطبع اوراق الطيران ولا لازم اوراق حجز الفنادق وفيه ابلكيشن اعبيه في المطار قبل ما ادخل كني سمعت ان فيه اوراق تعبيها قبل الدخول |
اهلين وسهلين فيك ما قصرت الأخت بالنسبة لي ما احد طلب مني شي وصلت ختمت الجوازات استلمت الشنط وعلى التكاسي خارج المطار ولهم مكتب وانت خارج من المطار على اليسار تعطيه اسم الفندق او ورقة الحجز وياخذ فلوس منك ويعطيك وصل وتتجه للخارج تحصل السياره بأنتظاركـ الأمور سهالات |
من جد الامور سهالة في ماليزيا |
حياك الله اخوي في المنتدى ماليزيا حاليا ما في اي نموذج تعبيه عند الدخول بس لما تختم الجواز يبصمونك على الجهاز وبس دائما احتفظ بنسخة من الجواز والحجوزات الجو في ماليزيا دائما جوها صيفي ممكن تشوف الفصول األأربعة بيوم واحد ( مطر - شمس - رطوبه - هواء عليل ) وعموما فبراير الجو فيها حلو تحتاج ملابس صيفية وما أنصح بالجينز ابدا اغلب الفنادق توفر شمسية ( مظله ) بس خذ لك وحدة خفيفة ومش كبيرة احتياط سفرة موفقة ان شاء الله:e030: |
جوازاتكم فقط مايطلبو أي شيء آخر في المطار..خذ نسخ من الحجوزات تحتاجها خذ المبلغ كاش من السعودية ولا تستخدم البطاقة اترك فيها الاحتياط اذا احتجت تصرف او خذ نصف المبلغ كاش ..بخصوص المواصلات لاتاخذ تاكسي المطار نصيحة نزل برنامج اوبر وجراب واستخدمهم أفضل في حال ماكنت ماخذ استقبال في المطار من الشركة السياحية |
دائما احتفظ بفلوسك بالخزنة اللي بالفندق وتأكد من اقفالها وخذ حاجتك بأي مبلغ وانت طالع ووزع الفلوس بينك وبين المدام |
| الساعة الآن 06:48 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO