|
حجزت الطيران وتبقى الفنادق | مساعدتكم السلام عليكم حجزت تذاكر الطيران وهي كالتالي: الوصول الى كوالالمبور: 3 يوليو 2017 الساعة : 14:05 العودة إلى ارض الوطن : 14 يوليو 2017 موعد الاقلاع: 9:20 بتكون 11 ليلة ولا انا غلطان؟ الشي الثاني احنا شخصين فقط لا اطفال ولا شئ وافضل الطبيعه والشواطئ يعني الاماكن اللي فيها هدوووء ومن خبرتكم ولمن سبق له السفر الى ماليزيا اتمنى ترتب لي جدول رحلتي من المطار الى المطار حسب تجربتك *واسماء الفنادق اللي يكون سعرها مناسب مو غاليه مره *والامكان اللي تستحق الزيارة في كل مدينة وشكرا مقدماً :e032: |
حجزت الطيران وتبقى الفنادق | مساعدتكم عليكم السلام ورحمة الله وبركاته صحيح 11 ليلة التقسيم تقريباً سوف يكون 2 سلانجور 3 لنكاوي 2 بينانج 4 كوالا الفنادق تعتمد على ميزانيتكم الأعضاء ماراح يقصرون معاك رحلة موفقة بإذن الله أرسلت بواسطة iPhone بإستخدام Tapatalk |
وعليكم السلام انا وجهة نظري 11 ليله تكتفي ب3 مناطق فقط حتى تعطي كل مكان حقه 3 من تاريخ 3-4-5-6 سيلانجور لان اول يوم راح توصلون للفندق على الساعه خمس ونص ومرهقين ممكن تروح المول تتعشا وترجع تنام لان اليوم الثاني راح يكون حافل 4 لانكاوي من تاريخ6-7-8-9-10 (تتميز بالهدوء والطبيعه والشواطى الهاديه من 6 المغرب انت بالفندق والمجلات مقفله )او بينانج ( فيها حياة المدينه والحركه والشاطي وفعاليات الشاطى ونلقى املكن تروحخا الى بالليل ) 4ايام من تاريخ -10-11-12-13-14 في كولالمبور طبعا يوم السفر ماراح تستفيد منعه او ممكن تخلي الجدول كالاتي 2(3-4-5 )سيلانجور __باص او تكسي او طائره ___4 (5-6-7-8-9 )بينانج ____ باص او تكسي ____ 2 (9-10-11)كاميرون هايلاند او ايبوه فندق فيلا بمسبح __باص او تكسي ___ 3(11-12-13-14) كوالالمبور قللت ايام كوالالمبور بسبب انك تبي طبيعه وهدوء اكثر من التسوق والمولات بالنسبه للفنادق فحسب الميزانيه عطنا سعر تقريبي لميزانية السكن بين 7500الى 8200 ريال لان سفرك موسم العيد وحاليا قرب الموعد والسعر ارتفع بالتوفيق تم الإرسال من SM-G935F باستخدام Tapatalk |
الاخوان Lover121 و عشقي السفر ما قصروا الله يجزاهم الخير وهذه زياده مني ... وزياده الخير خيرين :13: نعم صحيح عدد الليالي هو 11 ليله كما تفضل به الاخوان وجداولهم مناسبه جدا ... وانا اتفق معهم بالتوزيع ... لكنني ايضا ارشح توزيع اخر .... ارى انها مناسب ان شاء الله وهو: ( كوالالمبور 4 ليالي ثم لنكاوي 4 ليالي ثم بوكيت تنجي ليلتين ثم فندق مطار كوالالمبور ليله ) = 11 ليله ملاحظه: مغادرتك كوالالمبور الساعه 09:20 ( اي صباحا وليس مساء ) ... اقتباس:
لذا انصح وبشده ان تخصص اخر ليله لك في فندق المطار .. ارجو التاكد مره اخرى من التذكره .. هل صباحا او مساء ..موفق |
حجزت الطيران وتبقى الفنادق | مساعدتكم الوصول لكوالالمبور اليوم ضايع عليك الافضل انك تاخذ اي فندق تربح فيه في كوالالمبور يوم الوصول كوالالمبور خمس ايام لانكاوي خمس ايام كوالالمبور منها يوم للصنواي لاقون ويوم لمرتفعات جنتنغ وثلاث ايام لكوالالمبور الحين اهم شي تحجز طيران داخلي من كوالا الى لانكاوي او بينانج واذا بغيت تغير ممكن تختار خمس ايام بينانج خمس ايام كوالالمبور ومنها يوم للصنواي ويوم لجنتنغ الاماكن اللي تستخق الزيارة لانكاوي التلفريك والقرية الشرقية رحلة المانغروف + جولة الدبابات الفورملا ون حديقة الفواكة حديقة لجيندا ونصب النسر بيوم الوصول بينانج الهضبة حديقة التوابل والفواكه والفراشات البيت المقلوب ورحلة الصيد العاب اللغز كوالالمبور الاسواق ملاهي التايمز سكوير حديقة الطيور المنارة حديقة البرجين يقضل بالصباح او المساء وجهة نظري اقرا معلومات اكثر عن كل مدينه وشوف الانشطة اللي تناسبك وعلى اساسها قرر اي مدينة تختار ترتيب جدول من المطار للمطار بكرة ارسله لك باذن الله |
|
الله يسعدكم ويجزاكم خير جميعا عندي سؤال نسيت اكتبه ينفع اسافر بفيزا التسوق من الراجحي (مسبقة الدفع) ولا لازم اخذ غيرها؟؟ وبالنسبه للكاش كم اخذ معي والافضل التحويل من هنا ولا بالبلد نفسه؟ Sent from my iPhone using Tapatalk |
امين اجمعين بالنسبه للفيزا عادي تشتغل معاك لكن في ماايزية لاتستخدمها الا في الفنادق والمحلات العالميه والمعروفه فقط او تسحب من الصرافه وهذي بيصير عليها عموله حتى تامين الفندق دفعه كاش علشان تاخذه كاش ونستفيد منه او تاخذ بطاقه الصراف والراحجي تشنغل هناك وتسحب كاش كل مره تسحب الحد الاقصى واذا خلص نسحب مره ثانيه الحد الاقصى وهو 3000 رنجيت باليوم والبنك ياخذ عموله لكن اقل من الفيز وبالحالتين لازم تبلغ البنك انك مسافر او الطريق الافضل انت راح تكون مسدد الفنادق والطيران من قبل السفر وبتحتاج المصروف اليومي فقط وهو حوالي 500 ريال في اليوم ممكن تنقص او تزيد في ايام لكن بتتوازن وبتكفي في 11يوم بيطله 5500 ريال اصرفها رانجيت من السعوديه وخذها معاك وكل يوم وانت طالع خذ معاك مصروف اليوم والباقي بالخزنه مع الجوازات امن لهم وتحط مبلغ احتياطي بالبنك اذا احتجت تسحب بالتوفيق تم الإرسال من SM-G935F باستخدام Tapatalk |
شزف اخوي انت حدد ميزانية الفنادق عندك والاخوان ماراح يقصرون بترشيح الفنادق اللي تناسبها لان في فنادق متعارف عليها نرشحها لانها الافضل والانظف وتلقى ارخص لكن يكون مستواها اقل لطن نصيحه اذا بتروح لانكاوي لاتاخذ بفندق الا ممتاز لان الجزيره مستوى النظافه في فنادقها الرخيصه متوسط ومو بالمستوى المطلوب او تكون مستهلكه او تكون بعيده من الشاطئ وهذي بتحس بالملل فيها لانك من المغرب ان بالفندق لان المدينه هاديه ومن المغرب اعلب المحلات مسكره وجب علي تنبيهم ولابد ان تقارن بين الاسعار في المواقع والمكاتب حتةدى تلقى سعر مناسب اوقات المكاتب يكون عندها عروض فانت قارن تم الإرسال من SM-G935F باستخدام Tapatalk |
وعليكم السلام أنا صراحة رايح إن شاء الله ماليزيا والمرة الأولى وسألت عن الفنادق ا ورشحوا لي بسيلانجور فندق حياة غراند ولنكاوي رشحوا لي فندق الدانا وتم الحجز الحمدلله ومازال البحث جاري عن باقي الفنادق طبعا يختلف الحجز من البوكنق عن أقودا عن المسافر طبعا المسافر فية عروض للي معه بطاقة الراجحي فيزا . |
| الساعة الآن 05:54 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO