|
حجز فندق برجايا تايمز سكوير 5 ليالي (مساعدة لاهل الخبرة ) السلام عليكم اردت ان احجز عن طريق بوكينج فندق برجايا تايمز سكوير 5 ليالي من تاريخ 10-7-2017 الى 15 -7-2017 انا وافراد اسرتي 2 بالغين وطفلان 9 سنوات و6 سنوات طيب البحث في بوكينج يعطيني حجز غرفة ب150 ريال عماني او 1500 ريال سعودي لكن الغرفة يكتب لي بسرير واحد كيف ذلك هل سيتم توفير اسرة للاطفال ام ماذا اخيرا ما رايكم في السكن فيه او فندق انسا او رويال كلهم قريبين من بعض انا اخترت الفندق بناءا على موقعه فوق المول وقريب من محطة ايمبي فندق انسا ورويال في قلب شارع العرب وقريبين من محطة بوكت بينتانج ارجو مساعدتكم |
مرحبا بالنسبة للسراير اتاكد من معلومات الحجز وممكن تطلب سرير اضافي بس بالنسبة للفندق انا ما انزل غير فيه احبه مرة موقعه جدا جميل ومركز المساج اللي بالدور 15رائع وفيه المول والسينما وكل شي جنبه وامان كمان... Sent from my FRD-L09 using Tapatalk |
عليكم السلام مرحبا ابوجواهر عليك التاكد من سياسة الحجز و الاسرة الاضافية بعض الفنادق تتساعد فى اعطائك مراتب اضافية للاطفال و البعض يمتنع و بحجة سياسة الفندق و هناك عليك بدفع مبلغ اضافى للاسرة الاضافية تاكد من نوعية حجزك برجايا تايمز سكوير من الفنادق الجيدة مجمع اسواق و ملاهى اوت ليت |
اقتباس:
والله اثناء الحجز يعطيني سرير واحد ولما اجي اختار غرفة بسريرين وثلاثة يكون السعر مرتفع جدا طيب بوكينج يعطيني هالغرفة قمت بالتواصل مع الفندق عن طريق برنامج بوكينج ولما ياتيني رد منذ ايام لذلك انا ما اريد احجز وبعدين اتوهق معاهم ممكن تشوف الحجز انته وتشوف هل هو فعلا حجز عائلي بنفس السعر |
اقتباس:
شرفت استفساري بردك واضح من خلال ردك ورد الاخ ديرو ان الموقع ممتاز مجمع برجايا تايمز بعد لفلفتي عليه طويلا من برامج الحجوزات بوكينج واجودا عرفت بعد بحث مطول انه يحتوي على فندق برجايا تايمز سكوير 5 نجوم والباقي شقق فندقية ربما مؤجره لشركات وافراد يقومو بتأجيرها للزائرين اما الفندق يتمتع باستقلالية تامة وله لوبي ورسبشن واستقبال على مدار 24 ساعه لذلك افضل الاقامة فيه لكن بسبب انه يعطيني سرير واحد اخاف اتوهق بعدين معاهم وجدت في المجمع شقق (ايست سيرفيس سويت ات برجايا تايمز ) وتحتوي على سرير كبير وسرير مفرد وفوتون ياباني وسعرها مناسب - حاولت ادرج صورة ولم استطع - 😥 هل لك ان تعرف عن هذه الشقق وهل تصلح للسكن وهل احد جربها التقييمات في البوكينج قليله عنه |
اقتباس:
Sent from my FRD-L09 using Tapatalk |
على حسب سياسه الفندق يسمح لطفل واحد بالاقامه مجاناً بدون سرير اضافي، و اذا كان في طفل اخر فيجب دفع ١٣٠ رنجت في الليله و يعطوكم سرير اضافي. السعر اشوفه مبالغ فيه ممكن تلقوا خيارات افضل و ارخص مثل بارك رويال او شقق ايه اند اوه و مواقعهم جميله و قريبه من كل شي. |
على حسب تواريخكم يوجد عرض في بوكينج غرفه سوبيريور باقه عائليه مناسبه لكم و شامله الافطار ب٢٠٥٠ ريال. |
جبتلكم رقم العراقي اللي يأحرنا برجايا بسعر كويس بس صراحة مو فاكرين اسمه ... هذا الرقم ،،يمنع وضع الارقام حسب سياسه المنتدى،، Sent from my FRD-L09 using Tapatalk |
اقتباس:
وان شاءالله تروحون لماليزيا وتنبسطو بامر الله اي مساعدة بكون شاكر وبدعيلك ☺ هذي اول سفرة لي عائلية خارج البلد |
اقتباس:
شكرا لحضورك وردك على استفساري هذا المنتدى الممتاز ما تميز الا بوجود امثالكم في الاشراف وخير دليل حضورك وردك في استفساري شكرا لك من القلب سارى الحجوزات بناءا على ما تفضلت به |
شكرا لك الاخت ديرو في ميزان حسناتك ساقوم بالتواصل معه ⚘ |
اقتباس:
Sent from my FRD-L09 using Tapatalk |
تروح وترجع بالسلامه يابو جواهر وان شاءالله تستمتعون بالسفرة بالنسبه للاخت ديروو ومشرفنا تركي ماقصروا بالمعلومات وتم حذف الرقم من قبل الاخ تركي لانه مخالف لقوانين المنتدى شكراا فاعذرونا |
اقتباس:
🤗 |
والله انا عضوة قديمة في المنتدى من ايام ما كان تبع مكتوب وكان عادي نحط ارقام السواقين للمنفعة لكن انقطعت فترة عن المنتدى والظاهر اتغيرت القوانين ..المعذرة Sent from my FRD-L09 using Tapatalk |
اقتباس:
على فكرة عندى بنت اسمها ( جواهر ) ازى الامورة ؟ لى تجربة سابقة بالاقامة فى فندق تايم سكوير سنة 2010 ميلادى قسم الشقق الفندق و يرمز له بالحرف اعتقد A او B و هذه الشقق تحت ادارة الفندق نفسه اخذت شقة غرفتين و صالة حمامين اجلكم الله للعمل بدون شطاف طبعا من ذيك الفترة نسيت اسعار الشقق .... اذا كان عندك بعض التردد للاقامة فى هذا الفندق ارشح لك فندق خلف التايم سكويرعدة خطوات و مجرب منى و من بعض الاعضاء هو فوراما بوكيت بينتانغ، كوالالمبور جدا ممتاز و مستوى 4 نجوم و سعر جدا مناسب اتمنى لك التوفيق |
فندق بروجاياتايم سكوير من افضل الفنادق في كوالالمبور من جميع النواحي موقع وخدمة والراحة انا سكنت فيه خمس مرات مرتين بالفندق والباقي بالأجنحة المؤجرة من الشركات تكون سعرها ارخص من الفندق بس مستوى النظافة والخدمة اقل وبالنسبة للسرير الاضافي يوفرونه لك بسعر اضافي ... |
اقتباس:
المعذرة ما شفت ردك كنت ألف على تقاير الاعضاء لعلمك من بديت شوي اتعمق بالمنتدى عرفت انك من عمالقة هذا الصرح ويشرفني ويسعدني مرورك الله لا حرمنا منك ومن امثالك ومصادفة جميلة تكون اسم بنتك نفس اسم بنتي جواهر 🙄 الله يخليها لك وتتربى في عزك ان شاءالله وتكون باره بك بالنسبه لفندق برجايا تايمز حاط العين عليه اكيد ولعلمك مستأجر جناح بريمير في الشقق اسمها (ايست سيرفس سويس ات برجايا تايمز ) موجوده بمجمع برجايا تايمز بس متخوف من شغلة انها شقق مؤجره لا يكون فيها الاستقبال وتسجيل الدخول والخروج صعب لان طيارتي للعودة س 8 الصباح ولازم انهي الخروج على الساعه 5 واليوم بالذات مخلين عليها سعر مغري بس الالغاء المجاني يينتهي على بكرا فقررت ما اغامر لحد استقر البرجايا تايمز سعر يقارب ال2000 ريال سعودي بس يعطيني سرير واحد اما بالنسبة للفندق الي ذكرته دخلت عليه من بوكينج لاقيته نفد مافي غرف عندهم عندي عدة حجوزات بالغاء مجاني احاول استقر على حجز معين واميل اكثر للجناح الي ذكرته بشقق (ايست سيرفس سويت ات برجايا تايمز) السعر والموقع عاجبني بس الشغله الي خبرتك متخوف منها + التقييم في البوكينج قليل لا تتضح معه صورة هذه الشقق من مرتاديه عموما مالك في الطويلة راح استقر على شي واذا عندك نصيحة تساعدني في حسم امر الفندق بكون شاكر لك يا ابو جواهر 🙄😏 |
اقتباس:
مشاركتك جدا مهما بما انك سكنتي بفندق برجايا + الشقق الموجوده عنده شوفي ردي السابق على مشرفنا المميز ابو عبدالله وراح تعرفي شو اريد بالضبط حجزي للبرجايا تايمز يكون ل2 بالغين وطفلين لذلك يعطيني حجز بمبلغ فوق الميزانية على عددنا في الاسرة ( السرير) لذلك لفيت على الشقق ولاقيت (ايست سيرفس سويت ات برجايا تايمز) السعر مناسب وعاطني سرير كبير وسرير فردي وفوتون ياباني سؤالي هل سبق وجربتي هذي الشقق المؤجرة بالنسبة لتسجيل الخروج راح يكون معي الساعه 5 الفجر لألحق بالمطار في الموعد بما انه ما عندهم استقبال 24 ساعه هل بامكاني تسجيل الخروج بدون عائق ايهم افضل البرج A او البرج B الشقق التي ذكرتها لا اعلم باي برج اخيرا اي معلومات منك لو بسيطة اكيد راح تفيدني وداعيلك 🙋 |
Up |
اقتباس:
وبالنسبة للشيك اوووت انا مره موعد خروجي الساعة 7 الصباح كلمتهم من بدري ورسلولي العامل اخذ المفاتيح ونزل الشنط بس اهم شي تعلمهم بموعد خروجك صح ماعندهم استقبال 24 ساعة بس عمال الخدمة موجودين بالنسبة لي برج B افضل من A لأن A فيه الأستقبال واللوبي والحوسه B هدوء تدخل ع اللفت وع الغرف على طول واختار الإطلالة الي تكون ع المسبح رووووعة :58: ورحلة سعيدددة يارب ... |
اقتباس:
شاكرا لك ردك وكل معلومة ذكرتيها تم اخذها بالحسبان الي فهمته الحين ان فندق برجايا تايمز + الشقق الموجوده في المجمع ككل لا تختلف عن بعضها حتى انه قد يكون الاثاث متشابه ونوع الغرف شبيهه ببعضها بالرغم من وجود اكثر من 5 شقق مستقله تظهر كلا على حده في مواقع الحجز مثل اجودا وبوكينج وهذا ما لمسته من تشابه الصور لداخل هذه الشقق حتى مع الفندق نفسه ( فندق برجايا تايمز سكوير) ربما الاختلاف فقط في البرجين كموقع فقط ووجود لوبي في احدهم فقط وربما النظافه حسب الشركة او المستثمر المستأجر للشقق...الله اعلم اما حوض السباحه فهو مشترك للجميع مالكم في الطويلة هي بس دوخه بسبب ان مواقع الحجز كبونج واجودا يعطو نفس الموقع ونفس المبنى ونفس المجمع باسامي مختلفه اخيرا...النتيجة الي توصلت لها انهم كلهم زي بعض فقط الاختلاف في البرج والخدمة والنظافه وانته وحظك جزاك الله خيرا ⚘ |
اقتباس:
Sent from my FRD-L09 using Tapatalk |
اقتباس:
بالضبط هذا الي حبيت تعرفه انه كلهم زي بعض تقريباً بس الفرق بالخدمة ومستوى النظافة بس كلهم مستوآهم جيد ومافي اختلاف ابداً بالبرجين من ناحية الشقق غير انه A الرئيسي الي فيه الأستقبال واللوبي و B المدخل مافي غير اللفتات |
خلك على حجزك دام مرتاح له تذكر بان الحمامات ( اجلكم الله ) ليس بها شطااااااااف رحلة موفقة |
اقتباس:
شكرا |
اقتباس:
اسال الله ان يغفر لك ولوالديك وجميع من اثرى الموضوع بردوده |
اقتباس:
هذا شي ما كان في الحسبان وممكن يخليني اكنسل عنهم اتمنى الي جرب الشقق ياكدلي هل دورات المياه اعزكم الله بدون شطاف |
اقتباس:
Sent from my FRD-L09 using Tapatalk |
توكل على الله واحجز الشطاف تقدر تاخذه معاك متنقل اتوقع تلاقيه في ساكو او المحلات الخردوات |
امري لله بحزم الحقائب وبتوكل والتوفيق من الله شاكرا لجميع الاخوه والاخوات بدون لا اخص احدا على مشاركتهم وردهم على استفساري سائلا المولى عز وجل ان ينير دروبهم ويجزيهم خيرا الجزاء ويرزقهم من حيث لا يحتسبون شكرا من القلب ⚘❤ |
اقتباس:
بالتوفيق اخوي وباذن الله تستمتع بالرحلة |
| الساعة الآن 08:47 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO