|
محتاج مساعدتكم للسفر لماليزيا في نوفمبر السلام عليكم ورحمة الله وبركاته محتاج مساعدتكم في عمل جدول لرحلة في نوفمبر (من 6-7 نوفمبر) مدة 12-13 يوم اول مرة اسافر ماليزيا ولا عندي معلومات كافية عن الاماكن والمدن الممتازة اللي الواحد المفروض يزورها وكيفية التنقل وكيف بتكون الاجواء هناك لاني ما ابغى اسافر واقعد في الفندق ملاحظة غير مهمة: ناوي اروح اندونيسيا بعد ماليزيا على طول واقعد نفس المدة |
اقتباس:
هلا اخوي تروح وترجع بالسلامة يعني انت نيتك تقعد 13 يوم في ماليزيا و 13 يوم في اندونسيا ااقترح ثلاث ايام سلانجور خمس ايام لانكاوي خمس ايام كوالالمبور وبعدين تروح لاندونسيا خمسه ايام بونشاك اربع ايام بالي اربع ايام جاكرتا وممكن يصير الجدول كذا ثلاث ايام سلانجور خمسة ايام لانكاوي خمسة ايام بونشاك خمسة ايام بالي اربع ايام جاكرتا اربع ايام كوالالمبور اهم شي اعطينا العدد وايش انت تفضل الهدوء او الحركة والاعضاء ماراح يقصروا معاك |
اقتباس:
شكرا لك عزيزي على وقتك وردك والجدول المقترح انا راح اسافر لحالي انا احب اخذ من كل بستان زهرة , يعني انا رايح انبسط رايح اشوف الطبيعة والعب في الملاهي واشوف الاماكن المميزة ما احب اركز على شيء واحد لاني ممكن ما اسافر مرة ثانية لماليزيا |
وعليكم السلام ورحمة الله وبركاته دام فيها ماليزيا و اندونوسيا انصحك بقراءة موضوعي المتواضع وان شاء الله يفيدك وهو بعنوان https://www.arabtrvl.com/vb/t21181.html تحياتي |
قريت مواضيع كثيرة عن ماليزيا هنا جدولي المبدئي راح يكون كالتالي 3 ايام سالانقور 3-4 ايام لينكاوي 3 ايام بينانج الباقي كوالا رأيكم؟ حبيت كمان استفسر عن وسائل التنقل واش افضل الاماكن السياحية اللي المفروض ازورها افضل الفنادق ووسائل التنقل داخل وبين المدن؟ |
محتاج مساعدتكم للسفر لماليزيا في نوفمبر اقتباس:
اقترح يومين سلانجور اربع لانكاوي اربع بينانغ الباقي كوالا وسائل التنقل افضل شي جراب او اوبر داخل المدينة اذا بتروح مكان بعيد زي جنتنغ يوم كامل اللتفاق مع تاكسي الفنادق حسب ميزانتيتك مانقدر نحدد لك بس انت خارج الموسم بتلاقي اسعار طيبه من سلانجور للنكاوي طيران من لانكاوي لبينانغ طيران او فيري من بينانغ لكوالالمبور باص او طيران افضل الاماكن حسب انت ايش تحب سلانجور الالعاب المائية صنواي لاقون و الاي سيتي وحديقة شاه علم وبوتراجايا وحديقة الحيوان زوو نيجارا وشلال تمبرلاك لانكاوي رحلة المانغروف والتلفزيك والقرية الشرقية والانشطة فيها وحديقة الفواكة والفورملا ون وجولة الدبابات وخديقة لجيندا والانشطة البحرية بينانغ الهضبة وحديقة الفراشات والفواكة والتوابل و رحلة الصيد والشوي و البيت المقلوب والعاب الليزر وبيت الخدع والليكو سكيب وبرج كومتار وسينما والباص السياحي كوالالمبور النافورة الراقصة وحديقة البرجين والاكواريوم وحديقة الطيور والزهور. والقبة الفلكية وبرج المنارة ومتحف الباترونس و حديقة تبتي وانغستي والباص السياحي و رحلة يوم لجنتنغ والسينما ملاحظة سلانجور تبعد عن كوالالمبور 20 دقيقة اعطينا ميزانيتك وباذن الله نساعدك |
بالتوفيق |
اقتباس:
ميزانية الفنادق حول ال300 تقريبا , بس طبعا الموقع مهم يعني ممكن فندق شوية غالي لكن قريب من كل شيء ويجنبني ضياع الوقت في المشاوير افضل من واحد رخيص لكن بعيد الباقي حق التمشيات مو حاط له ميزانية محددة يعني الواحد امكن ما راح يجي ماليزيا مرة ثانية بخصوص بعد كوالا عن سالانقور , هل من الممكن اني اسكن في كوالا واروح لسالانقور باوبر اتمشى هناك وبعدين ارجع؟ يعني اكنسل السكن في سالانقور مرة وحدة؟ جنتنغ اش فيها؟ يعني ما شاء الله يا غالي ما قصرت حطيت امامكن كثيرة لكن اذا فيها اشياء متشابهة احاول اكنسل من هنا وهناك عشان اقدر اروح على قد ما اقدر |
اقتباس:
سوال بسيط السكن 3000 ريال صح كم عدد ايام الرحلة كم عددكم هل يوجد اطفال وايش مودك تحب الحركة والنشاط او تحب الهدوء |
اقتباس:
13 يوم انا لحالي بس انا احب التنوع ما احب الزم نفسي بمود معين , يعني انا اعرف ان فيه نشاطات هادئة ومتشابهة مثل زيارة الحدايق او نشاطات فيها حركة وحماس وحاجة مختلفة ما تلاقيها في كل مكان او كل مدينة. ايضا اماكن مثل حدايق الحيوانات/اكواريوم/سفاري او اماكن مرتفعة اقدر اشوف كامل المدينة منها 95% مهمة عندي و احس سفري ما يكمل بدونها خطتي هي كالتالي يومين في كوالا اول شيء (يوم الوصول لكوالا واليوم الثاني اروح سالانجور عشان الصن واي لاجون وارجع كوالا) الفندق لقيت اكثر من خيار مثل دوريست ريجنسي وبولمان سيتي سنتر بعدها اروح لينكاوي مخطط لها 4 ايام مدري كثير او قليل بعدها بيننانج زيها 4 ايام (نصحوني البعض ب فندق باي فيو) اذا فيه فنادق تنصحوني فيها اكون شاكر لكم بعدها ارجع كوالا 3 ايام واسافر حاجة لاحظتها وانا اتصفح المواضيع , تكرار بعض الاماكن او الاشياء في بعض المدن مثل حديقة الفواكه/الزهور. افضل اروح اماكن اكثر ومتنوعة على اني اروح حديقة الفواكه/الزهور او اي شيء ثاني في اكثر من مدينة (في حالة ما كان في فرق كبير بينها) عشان كذا محتار جدا في الجدول وعدد الايام اعرف ان التنقل بين المدن راح يكون بالطيارة لكن داخل المدن؟ هل اتفق مع سواق طول اليوم ولا كل مشوار لحاله مع اوبر/جراب؟ ايضا بالنسبة للفعاليات او الانشطة هل افضل احجز من النت او من عند نفس المكان لما اروح له؟ واعذروني على استفساراتي الكثيرة والمتنوعة ملاحظة: انا رايح اندونيسيا اول شيء وبعدين جاي على ماليزيا , شكلي راح اختم الحدايق:24: |
اصلا اذا اخخذت جولة في بينناغ او لنكاوي راح يوديك علي كل او اغلب الاماكن السياحية الي فيها واحسن شي لرحت هناك تتف مع سواق يوديك جولة الساعة تقريبا ب 35 الي 30 ريجنت وحديقة الفواكه في بيناغ افضل من لنكاوي وحديقة الفراشات الي فبينناغ افضل من حدية الفراشات الي في كوالا لنكاوي حلوة اربعة ايام ي الي 3 يوم الي تجي فيه ماتسوي فيه شي علي حسب الفندق الي تاخذه اذا فيه شاطى يصير تسبح فيه والثاني جولة المنغروف وهذه (اهم شي) والثالث الجولة السياحية بينناغ يومين الجولة السياحية لان اماكنها كثير ويوم ترتاح فيه يوم الوصول ويوم تروح المولات وفندق باي فيو ممتاز جد علي شاطى الباتو فر نجي وقريب من السوق الللي والمطاعم واذا اول مرة تسافر لازم تغطي كل الاماكن عشان مايفوتك شي لانه الي مايعجب غيرك يمكن يعجبك |
بوجهة نظري اذا مو حاب التكرار ، فلنكاوي تغنيك عن بينانج رايي خل ايامك لنكاوي ، الكاميرون و كوالا لنكاوي الاهم فيها : رحلة المانغروف ودامك لحالك اطلعها مع جروب سياحي وانصحك بالسكن بمنطقة سينانغ لانها فيها خدمات وانشطه ع البحر وفي عندك عروض التماسيح على ما افتكر وكمان عندك التلفريك جميل جدا وثلاث ايام تكفيها لنكاوي الكاميرون ما رحتها بس كانت امنيتي ، اذا تحب الخضار ومزارع الشاي والجو ، يكفيها يومين كوالا فيها السينما ، المولات ، تقدر تروح للصن واي لاجون وترجع ، غير باص الهوب اون هوب اوف اللي يلف على اهم الاماكن السياحيه وتقدر تنزل عند كل مكان وتشوفه زي المناره والبرجين والاكواريوم ومتحاف انصحك بالسكن قرب محطة بودورايا ، فيها باصات تاخدك لجنتنغ بس على ايامي ماكان فيها شي ، كان مدينة العاب مدري اذا فتحوها او لا ، بس التلفريك جدا حلو وطويل وسط الضباب والجو الحلو قريب من المحطه كمان السوق الصيني اذا حبيت تاخد هدايا وانت راجع بينانج اذا انت ملزم تروحها ، تقدر تتنقل بالباصات ، والفنادق يساعدوك من هم في الاستقبال . رغم ان وجهة نظري ما فيها شي يستحق الاهتمام . لنكاوي تغطيها اذا انت من عشاق الهدوء والاسترخاء بس اذا انت من عشاق الصخب فبينانج افضل لك . مواصلات لنكاوي ، تكاسي ومعظم من ركبت معهم محترمين كوالا ، افضل لك المترو ثم التكاسي . اذا سكنت قريب من بودو رايا وتحب المشي فما راح تحتاج تكسي الا اذا بتروح الصن واي لاجون انا اختلف مع الناس في قصة انو اخد تكسي ويلف فيني ، المتعه في انك تبحث وتسال وتقرا وتاخد المواصلات العامه مع اهل البلد وتكون مخطط من قبل . انا رحت بينانج وكانت متعه لما ناخد الباص وتنتظر وتشوف المواعيد وخريطة وو الخ . كنا احنا العرب الوحيد بالباصات مع السياح الاجانب او المواطنين اخر شي اكتفي بزياره لدوله وحده وخلي اندونيسيا رحلة ومغامرة اخرى ، فلسفه اعذرني عليها :) بس اذا ملزم فخلي ماليزيا اول بعدين اندونيسيا ، انا ما رحت اندونيسيا لكن اللي سمعته انها افضل من الناحية الطبيعيه والله اعلم سامحنا ع الاطاله والله يوفقك |
شكرا لكم جميعا فنادق ممتازة في لينكاوي؟ |
السلام عليكم تقريبا هذا جدولي شبه النهائي بعد قراءة الكثير من التقارير والمشاركات الوصول الى كوالا يوم السبت 18 نوفمبر الساعة 1:00 (مخطط احجز بدري عشان اقدر استغل اليوم كامل) الفندق محتار بين دوريست ريجنسي و ميلا (كلها جنب البرجين) راح اجلس فيها يومين منها يوم لالعاب صن واي لاجون اللي في سيلانجور بعدها بروح بينانج يوم الثلاثاء يوم 21 نوفمبر (مخطط اوصل الصباح عشان احاول استغل اليوم كامل) محتار بين فندق هوليدي ان وباي فيو , غالبا راح احط الشنطة عند الاستقبال وراح اتمشى مدري كم يوم تكفيها؟ بس غالبا راح اجلس 3-4 ايام بحيث امشي منها الجمعة الصباح او اخر اليوم وصولي ل لينكاوي يعتمد على السطر اللي فوق , اذا تكفيها 3 ايام ووصلت الجمعة الصباح ممكن اجلس فيها الين الاثنين بحيث اني اسجل خروج الثلاثاء 28 وعلى كوالا كوالا راح اجلس فيها تقريبا الى الجمعة/السبت مدري راح تكفيها او لا يعني يا اني امشي الجمعة العصر او السبت الظهر من كوالا الى الوطن الغالي اعتذر ازعجتكم لكن تقريبا اول مرة اسافر هناك واول مرة اخطط لسفرة كبيرة زي كذا والموضوع حوووسة |
وعليكم السلام إذا وصولك كوالا يوم السبت 18 نوفمبر والعودة للوطن يوم السبت 2 ديسمبر معناه عندك 14 ليلة وتوزيعك حسب ما ذكرت أشوفه مناسب : 3 ليالي كوالا 3 ليالي بينانج 4 ليالي لنكاوي 4 ليالي كوالا بالنسبة لفندق بينانج إختار أحد فنادق شاطئ الباتو فرنجي حسب ما يناسب ميزانيتك وهي : الشانغريلا ساينج راسا أو الجولدن ساندس أو البارك رويال أو الهوليداي إن أو الباي فيو الباي فيو يعتبر خيار جيد لا بأس فيه فقط يعتبر الأبعد عن السوق الليلي مسافة 15 دقيقة مشي ، أما الهوليداي إن يقع في وسط السوق الليلي ، لكن إذا ميزانيتك تسمح باقي الفنادق إللي ذكرتها تعتبر أفضل من الباي فيو والهوليداي إن أفضل فنادق لنكاوي هي الويستن أو ذا دانا أو كاسا دل مار أو البلانجي أو ذا اندمان أو برجايا ، لأن متعة لنكاوي السكن في منتجع على البحر إنتقالك من كوالا إلى بينانج إما بالطائرة أو باص إيرولاين الفخم أتوقع بسعر 60 رنجت والباص العادي في حدود 35 - 40 رنجت وباقي التنقلات بين المدن يكون فقط بالطائرة ونسأل الله لك رحلة سعيدة وموفقة |
موضوعك جميل وانا مثلك طالع لماليزيا شهر ديسمبر لحالي, كثير من اصحابي ينصحوني ماروح لحالي يقولون بتطفش!! المهم انا ماعرف اي شي بماليزيا وافكر اخذ مرشد سياحي؟ هل الفكرة جيدة ام لا ؟ |
اقتباس:
ماتحتاج مرشد اقراي التقارير واحفظ الاماكن السياحية المهم بقوقل ماب وانت بتقدر ترتب جدول وبتاخذ فكرة ممتازة عن البلد أرسلت بواسطة iPhone بإستخدام Tapatalk |
حجزت فندق ايديا في لنكاوي لكن قرأت ان مرة مهم يكون فندقك على الشاطيء في لنكاوي (ايديا مو على الشاطيء) ممكن ترشحوا لي اسماء فنادق على الشاطيء في لنكاوي |
اقتباس:
أخي رشحت لك في الرد السابق |
| الساعة الآن 04:23 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO