|
شهر عسل 21 نوفمبر - 5 ديسمبر مساعدة بخط الرحله السلام عليكم أحب اشكر كل شخص كتب موضوع او مشاركه في المنتدى استفتدت كثير لتخطيطي لشهر العسل احتاج منكم الله يعطيكم العافيه اقتراحاتكم ومساعدتكم, أول مرة أسافر لماليزيا بدايه السفرة زي ماهو بالعنوان بيكون وصولي بنوفمبر كيف الأجواء بماليزيا عموما في هالشهر وبدايه ديسمبر, فيه شخص رجع بشهر 2 وكان يسب ويقول كأني برطوبه الشرقيه لكن ما راح احكم على كلام شخص واحد خط سفري ان شاء الله تقريبا راح يكون كالتالي الوصول 21 نوفمبر صباحا والرجعه 5 ديسمبر 11 بالليل 1- سيلانجور ليلتين 2- كاميرون ليلتين 3- أيبوه ليلتين 4- بينانج ليلتين 5- لينكاوي ثلاث ليالي 6- كوالا ثلاث ليالي هل هو جيد لشهر عسل او اني مزود اماكن ما احتاجها وممكن اخلي لياليها لجزر (يعني مثلا الغي آيبوه وأزود يوم بلينكاوي ويوم ب بينانج) ثالثا وهو الأهم المواصلات اشوف كثير يبدا بكوالا او سيلانجور وبعدها لينكاوي ثم ينزل جنوب لحد العاصمه ثم يسافر ديرته انا راح اخذها عكس ومحتار بالتنقل وياليت اذا عندكم اسعار تقريبيه تفيدونا لان هالنقطه محيرتني جدا: سيلانجور ل كاميرون باخذ تاكسي او اوبر بحيث اخذ راحتي بالوقفات والتمشي بالخط كاميرون ل أيبوه باخذ باص او تاكسي ايبوه لبينانج بتكون باص بينانج ل لينكاوي باخذ الفيري لينكاوي ل كوالا بطلع طيران اذا فيه اماكن بارده وجميله وتستاهل ياليت تذكرونها وتضيفونها ملينا من هالرطوبه وخسنا:8: شاكر لكم |
وعليكم السلام أخي الكريم بما إنك رايح شهر عسل فيفضل جدولك يكون مريح وتكتفي بأربع أو خمس مدن أو إنك تزيد عدد الأيام ، وبما إنك تحب الأجواء الباردة فعندك مرتفعات الكاميرون ومنطقة جنتينج ممكن تزورها من كوالا مسافة ساعة فقط أنا أرشح لك التوزيع التالي : 2 ليلة سيلانجور 2 أو 3 ليالي كاميرون هايلاند 3 ليالي بينانج 3 أو 4 ليالي لنكاوي 4 ليالي كوالالمبور ومنها يوم لزيارة جنتنج إذا حبيت تضيف إيبوه عليك بزيادة عدد الأيام التي سوف تقضيها في ماليزيا وإلا لا ، لأن الجدول يصبح مضغوط ومتعب لكم . كذلك الجميع لا ينصح بإستخدام الفيري للتنقل بين بينانج ولنكاوي لأنها تأخذ 3 ساعات تقريبا والطيران أريح لكم ساعة واحدة فقط وتكونوا واصلين التاكسي أتوقع لا يقل عن 350 رنجت من سيلانجور أو كوالا إلى الكاميرون وبالباص 35 رنجت للشخص فقط جو ماليزيا استوائي فهو حار رطب طوال العام والأمطار تلطف الجو بإستثناء المرتفعات تكون باردة قليلا . ومبارك لكم الزواج والله يتمم لكم بالخير ورحلة موفقة إن شاء الله |
وعليكم السلام ورحمة الله وبركاته اولا الف الف مبرووك والله يتمم لك على خير ثانيا ,,, بما انك مسافر الى ماليزيا اول مره و شهر عسل فأشوف انك تكتفي بألاماكن الرئيسيه و اذا ربي كتبلك المرات القادمه فأضف اماكن جديده لا سيما انو انتقالك من كوالا الى كاميرون ومنها الى ايبوه ومنها الى بينانق راح تكون بريه يا باص يا سائق خاص والطريقتين متعبه وانت عريس ورايح تستجم مو تتهجول سلانجور ليلتين بينانج ثلاث ليالي لنكاوي ثلاث ليالي او اربع كوالا باقي المده اهم من الاماكن تعرف ايش افضل الاماكن الي تستحق الزياره في كل جزيره او مدينه وترتب وقتك بحيث ما يكون عندك وقت فراغ طويل وتمل الطيران افضل وسيله للأنتقال بين المدن والجزر هذي ورخيص جدا خلي رحلاتك دائما ما بين الساعه 11 الى 1:30 لاستغلال الوقت و نسأل الله لك التوفيق و السداد تحياتي |
الله يعطيكم العافيه جميعا ماقصرتوا يبدوا اني بروح مع اقتراح Hunter ولكن عندي سؤال عن بينانج ل لينكاوي لو باخذ الفيري هل هي فعلا متعبه وممكن تسبب دوار بحر ببالي اطلع الفيري من زمان واحسها حلوه مع المدام افيدونا |
انا جربته مره ممتع ولاكن متعب 1- وقت الرحله يتجاوز الساعتين وفيه انتظار قبلها 2- الدور العلوي زجاجي ممتع ولاكن حرارة لاهبه ولا يفيد التكييف 3 - سترى امامك مناظر مقززه ممن يصابون بدوار البحر ويرجع امامك 4- راح تخسر اكثر من 4 ساعات على رحله تستغرق منك اقل من 30 دقيقه بالطائره بالتوفيق |
اقتباس:
معليش ياصاحب الموضوع بس ماني قادر اكتب مةضوع او ارسل خاص السلام عليكم ورحمة الله وبركاته كل عام وانتم بخير وعاد عيدكم انا حاجز شهر عسل نوفمبر رحلتي اطلع من مطار جدة: باليل والعودة نوفمبر اوصل جدة الساعة الليل طبعا كله بتوقيت السعودية كيف التنقل للاماكن السياحية تنصحون بسواق ولا تاكسي ناوي ليلتين صن واي لاقون مرتفعات كاميرون ليلتين بيننغ ليالي لنكاوي ليالي كوالا ليالي كيف التنقل بهالاماكن وايش افضل الاماكن اللي تنصحون فيها نزورها طبعا معالم وتاريخيه احس وقتها غلط لانه شهر عسل وش رايكم بالجدول هذا واذا شفتوه تمام تنصحون احجز لحالي من بوكنق ولا اشوف مكتب علما باني محدد الفنادق تقريبا وكل شي بس انه شايل هم التنقل للاماكن السياحية ... حتي التذاكر الداخلية اقدرد احجزها ف نصيحتكم ياشباب ويارب القي رد جلست نص ساعة اكتب ههههههه ً أرسلت بواسطة iPhone بإستخدام Tapatalk |
| الساعة الآن 05:48 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO