|
احتاج مساعدتكم كثييير السلام عليكم يسعد مسائكم/صباحكم .. لي اربع سنوات اقرر اروح ماليزيا بعدها اغير رايي احس حوسه وبنضيع وحدري وين اروح ولا وين اسكن بالاول وقت الطيران طويل ولا اعرف نجلس بكوالا لمبور والا نتوجه على طول لمنطقه اخرى الاجازه قصيره ابي اعرف اشياء كثيره فتحملوني شوي ابي اروحها السنه:32: اول شي اول ما اوصل هل احجز فندق بكوالا والا على طول اتوجه لسلانجور حق صن واي لاجون واجلس ليلتين بعدها نروح بيننانج او لانكاوي وبعدها كوالا تنصحوني امشي كذا حتى اعرف احجز فنادق عشر ليالي وزعوها لياااا .. بعدها ابي اعرف فنادقكم المقترحه علما عندي اطفال ابيهم بغرفه ثانيه جنبي مابي انا بوادي واطفالي بوادي يعني الفنادق اللي تستقبل عوائل وغرف تين يجمعهم باب ان شاء الله فهمتوو علي:21: .. وكمان بما انها اول مره تنصحوني استخدم اوبر والا اتفق. مع مكتب سياحي يوفر لي سياره خاصه ونرشد سياحي تشوفو المرشد ضروري والا عادي بنقدر نمشي حالنا بالاماكن السياحيه والمطاعم موضوعي طويل وملخبط يمكن بس اتممنى تساعدوني.. وباقي عندي اسأله كمان بس نخليها بعديين:32: كمان تنصحوني احجز من الحين طيران وفنادق لشهر يونيو والا انتظر ممك تجون في عروض |
شوفي العروض اللي موجوده فوق عندنا مكتب الشواطئ للسياحه في ماليزيا |
أهلاً أختي ... بالعكس نفرح كثييييير ... بمد يد العون للأحبة الباحثين عن نجاح رحلاتهم ... البوابة الماليزية مميزة جداً بمشرفيها وخبرائها وروادها .. الكل بالخدمة ... ماليزيا .. بلد سياحي ( عائلي ) بامتياز .. وسهل جداً لاعتيادهم على وجود السياح بكثرة .. كزيارة أولى ... إن استطعتوا .. جعل المدة من 12 _ 14 ليلة ... كان أفضل .. عموماً .. شهر ( يونيو ) الإسبوعين الأولين منه راح يكون رمضان .. إن كان وقت السفر بعد رمضان .. فهذا يعني ذروة الموسم السياحي وارتفاع الأسعار وشدة الطلب .. لذلك الأفضل اصطياد سعر مناسب من الآن .. ونصيحة ابتعدوا قدر الإمكان عن الترانزيت ( طال أم قصر ) لسببين .. الأول .. وجود الأطفال .. الثاني .. طول الرحلة قرابة 9 ساعات تزيد أو تنقص .. سأضع مساراً ( أراه مناسباً ) لل 10 ليالي .. الوصول والتوجه مباشرةً إلى سيلانجور ( ليلتين ) .. فندق صن واي لاجون أو فندق البيراميد _ لملاصقتهما لمول وللألعاب المائية .. 4 ليال لنكاوي اختيار فندق إقتصادي لليالي الثلاثة الأولى _ والليلة الأخيرة منتجع الويستن ( للاسترخاء ) 4 ليالي كوالالمبور .. خيارات الفنادق فيها كثيرة ومميزة .. جربت فندق التريدرز ( راااائع ) كخدمة ومرافق و موقع .. بالنسبة للمواصلات .. سيلانجور وكوالا .. تكاسي أو تطبيقات أوبر وجراب .. لنكاوي .. استئجار سيارة ( لقيادتها ) تجربة ناجحة بوصف الأعضاء بتقاريرهم أو الاستعانة بسائق لعمل جولات ( منتشرين بكثرة ) الساعة 25 رنجت .. ولا تنسين قراءة التقارير الرااااائعة بالبوابة .. فيها من النصائح والتجارب والتفاصيل مايجعلكِ خبيرة بالبلد .. وكما ذكرت مشرفتنا ( توبليرون ) شركة شواطئ السياحة .. تعتبر شريك ومعلن معتمد للمنتدى إن أردتِ مراسلتهم .. بالتوفيق .. |
اقتباس:
الله يعطيكم العافيه ويقويكم .. شكرا للمساعدهبس اربع ليالي لنكاوي اشوفها كثير خاصه اني مو حق استرخااا ومعاي اطفال يبغوو يمرحوو ويلعبوو:28::28: تتوقع لو نتأجر سياره بلنكاوي ندبر حالنا عادي بسيط مثل شمال تركيا؟! |
وعليكم السلام ورحمه الله وبركاتو يا اهلا ومسهلا نورتينا اولا الطيران شيكي على الخطوط العمانيه منزله عروض وتخفيضات وسعرها طيب لكن المقاعد اللي عليها عرض تخلص بسرعه فاستعجلي بالحجز ثانيا اذا انتي من جده او الرياض انصحك وبقوه بالطيران المباشر على السعوديه او الماليزيه والطياران كل ماتاخرتي ارتفع السعر ثالثا ياليت تذكرين عدد اطفالك واعمارهم رابعا ياليت تذكرين ميزانيتك للسفره بدون تذاكر الطيران خامسا حلو انك عارفه ايش تحبين ودامك من محبين الحكه انصحك تستبدلين لانكاوي ببينانج يعني الجدول ليلتين سيلانجور في فندق براميد صنواي او فندق صنواي ريسيدنت 4 ليالي بينانج مقسمه على 3 في فندق جولدن ساندس وليله في فندق ليكسيز سويت جناح بمسبح خاض يكفيكم كلكم لام الجناح مكون من سريرين كينج يعني يشيل 4 بالغين بالراحه 4 ليالي كوالمبور السكن في شقق وميزانيتكم تحكم توجد خيااارات كثير منها شقق سكوت وسقق فريزر وشقق لانسون بليس وفندق ايه اند كيو هذي بعض الخيارات ذات الموقع الممتاز سادسا بالنسبه للمواصلات حاليا في اخبار ان شركه جراب شرت اسهم شركة اوبرا في ماليزيا وراح تضم سواقينها لها في شهر ابريل لذلك الاعتماد على جراب او في موضوع سواقين مجربين من قبل الاعضاء لكل مدينه ممكن تتواصلين معاهم وتتفقين معاه مث ماذكر مميزنا الساعه ب 25 رينجيت واخيرا بد مات خلصين حجوزات الطيران نقدر نظبط معاك السكن والجدول لكن استعجلي بحجز الطيران بالتوفيق |
المده المناسبه اشوفها اقل شي ١٢ يوم تكون ٢ سيلانجور ٤ لنكاوي ٦ كوالا لنكاوي جميله جداً و فعالياتها كثيره و اشوفها بنظري افضل من بينانج الافضل حجز الطيران من الان و الفنادق كذلك لان كل ما قربت المده زاد السعر. من الافضل الاعتماد على مواقع الحجوزات اشوفها افضل من المكاتب السياحيه. السواقه مره سهله و تجربه جميله طبعاً في لنكاوي. اغلب الفنادق يوفرون غرف متصله. بس لازم تتركون ملاحظه عند الحجز. افضل الفنادق سيلانجور( فندق صن واي لاقون او بيراميد) لنكاوي( ويستن، ادايا، بيرجايا، بيلانجي، هوليدي فيلا، ذا دانا....) كوالالمبور( شقق ايه اند اوه، فريزر سويتس، ماريوت، بارك رويال، فندق تريدرز...) |
اقتباس:
انا من الشرقيه شيكت عالعمانيه للاسف نفدت اطفالي ثلاث اعمارهم11/9/3 للاسف ماقدر احجز من الحين لان لسى ماتأكدت الاجازه اختف احجز والاجازه يتغيير وقتها الميزانيه محددين مع التذاكر 32 الف الى 35 شكراا لردك الجميل |
اقتباس:
لو اخذنا سياره عادي نمشي عالجي بي اس للاماكن المعروفه والا؟؟ وان شا الله حجز الفنادق والطيران بنعتمد على انفسنا بس عالمرشد وكذا والا مااحتاجه برايكم |
اممم بالنسبه للطيران عطيني التاريخ التقريبي للذهاب والعوده حتى اشوف انسب سعر وانسب طيران مع العلم كم ماتاخرتي بححز الطيران زاد سعرها وميزانيتك ممتازه وباذن الله بتكفي وبتزيد حتى لو مددتي الاقامه لاسبوعين بالنسبه للمرشد ما انصحك فيه بالمره لانه راح يوديك الاماكن اللي له فايد بزيارتكم لها وله عموله كل اللي تحتاجينه انك تدخلين كذا موضوع هنا وتصيرين مرشد نفسك واكتبي كل محل بتروحينه واعملي لك جدول عطيه السايق واصري انه يويك الاماكن اللي انتي تختارينها واعتمدي على التكسي او جراب لانه اوفر او اتفقو مع سايق من القائمه المعروضه تم الإرسال من SM-G935F باستخدام Tapatalk |
هذا موضوع فيه سواقين مجربين https://www.arabtrvl.com/vb/t352.html تم الإرسال من SM-G935F باستخدام Tapatalk |
| الساعة الآن 02:28 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO