|
ماندرين او الماريوت؟!! السلام عليكم بالبدايه حابة اشكركم على هذا المنتدى الرائع اللي ماستغنى عنه في اي من سفراتي انا السنه اللي طافت سافرت ماليزيا وكان التخطيط كله من المنتدى ولله الحمد ما كان في مخططنا ولا غلطة لدرجة ان زوجي كان يقول حسيت كأنج مو اول مره تجين ماليزيا من كثر مانا عارفه كل شي وشنو فيه لدرجة مرات كنت ادلي السايق :showoff: وهالسنه حابين نروح ماليزيا مره ثانيه لان ماعطينا كل الاماكن حقها وبنزور لنكاوي لان المرة اللي طافت رحنا بيننج بس بسفرتنا العام سكنا بالماريوت بكوالالمبور وللامانه كان اكثر من رائع الاقامه النظافه مكان الريوق ونوعية الاكل حتى موقعه فانا محتاره زوجي يقول نسكن فيه مره ثانيه وانا اقول نجرب الماندرين كتغيير وخصوصا انه اطلالته اجمل بس زوجي يهمه القرب من الخدمات والمطاعم خصوصا ان معاي اطفال انتوا شرايكم؟! |
رد: ماندرين او الماريوت؟!! اهلا اختي الفاضلة بالنسبة للمندرين من افخم فنادق كوالالمبور وهو ملاصق لمجمع سوريا والبرجين تماما وامامه حديقة البرجين فالخدمات من سوبرماركت ومطاعم وكافيهات موجودة داخل المول لكن طبعا يحكمها مواعيد افتتاح المجمع واقفاله عيب هذا الفندق من وجهة نظري لمن يبحث عن اطلالة تجاه البرجين انها غير جيدة بسبب الملاصقة فنادق ممتازة في نفس المنطقة جراند حياة وتريدز ثم امبيانا اما الماريوت فمعروف في شارع العرب وقربه من الخدمات وفخامته فاذا حابين فندق فخم في نفس الشارع للتغير وقرب الخدمات فعندك ويستن ممتاز جدا عن تجربة وافطارهم من الذ البوفيهات في ماليزيا ويعتبر بجانب الماريوت. او جراند ملينيوم او ريتز كارلتون او رويال شولان رحلة سعيدة اخوكم هاي مزمز |
رد: ماندرين او الماريوت؟!! ماشاء الله تبارك الله اخوي هاي مزمز ماقصر وانا اتفق معاه 100% بالنسبة للماندرين مايحتااااااااج الشخصيات الهامه تنزل في هذا الفندق اضافه الى جراند حياه والشانجريلا من وجهة نظري اذا عاجب الماريوت زوجك فثبتي الخيار ,,, او اذا مدة الجلوس في كوالا فوق 4 ايام قسميها على فندقين مشان ترضون جميع الاطراف والله يوفقكم ان شاء الله |
رد: ماندرين او الماريوت؟!! مشكورين ماقصرتوا وبم ان احنا من ضمن الشخصيات المهمه فبننزل بالماندرين :yolks00250::yolks00250: انا حابه اجرب هالفندق وان شالله اكون احسنت الاختيار |
رد: ماندرين او الماريوت؟!! مايحتاج اختي الفندق واحد من افضل خمس فنادق في كوالا من وجهة نظري ... جراند حياة , ماندرين اورينتال , شانجريلا , ماريوت , تريدرز , وغيرها من الفنادق الرائعه وبالتووووووفيق ان شاء الله ,, رحلة سعيدة |
رد: ماندرين او الماريوت؟!! أختي لو إني مكانج كنت باختار الفندق اللي يتوافر فيه الشطاف مادري يمكن غيري ماتهمه هالنقطة لكن أنا تهمني واااايد خصوصاً مع الأطفال رحلة سعيدة مقدماً |
رد: ماندرين او الماريوت؟!! من تحربة شخصيه المندرين جميل جداً و رائع و اطلالته خياليه |
رد: ماندرين او الماريوت؟!! اختيارات موفقه والشباب ما شاء الله ما قصروا نتمنى لكم رحلة سعيدة |
| الساعة الآن 11:24 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO