|
لحقوووووني للأهمية أنا والعايلة الكريمة ناويين نسافر ماليزيا في 24 يناير إن شاء الله والفترة من 27 إلى 31 يناير خططنا نقضيها في بوكيت - تايلاند طبعاً أنا خلصت حجوزات كل شي طيران دولي ووداخلي وفنادق وكل شي بس طيران آسيا اللي تكررت معاها حوادث آخرها توني سامعة عنه اليوم خرعني بصراحة أنا وأهلي 12 شخص كلهم في ذمتي ومن صجي بديت أخاف وأدور طيران ثاني جيكت بانكوك أير بالتواريخ المطلوبة مافي للأسف كل الرحلات فل جيكت الفاير فلاي مالقيت رحلات تروح بوكيت والوقت ضيق وأنا حدي متوترة ومتنكدة كنا مستانسين ونعد الأيام والحين كل الحماس اللي فيني تراجع بسبب اللي قاعد يصير أستغفر الله كفاية بنخسر قيمة التذاكر لهالعدد من الأشخاص مانبي نخسر قيمة الفنادق بعد واللي يرحم والديكم ساعدوني شورو علي دلوني أنا اللي في ويه المدفع شاسووووي |
رد: لحقوووووني للأهمية هلا كرسالتي الجميله الله يسسهل عليكم وييسر اموركم شوفي الماليزيه انا جربتها لبوكيت |
رد: لحقوووووني للأهمية الله ييسر امركم لو ما حصلتوا طيران اخر توكلوا على الله اير اسيا وكل شي مقدر ومكتوب بأمر الله انا سافرت على الماليزية وقبلها طائرتين محطمة وكنت متخوف لكن ما نقول الا (قل لن يصيبنا إلا ما كتب الله لنا) |
رد: لحقوووووني للأهمية اقتباس:
الماليزية نفس المشكلة نسيتي الطيارة اللي راحت من صيد أمس بديت أتعقد من الطيارات الماليزية مع إني مجربة أير آسيا وكان تمام التمام |
رد: لحقوووووني للأهمية اقتباس:
ونعم بالله بس ياخوي أنا بصراحة خايفة على أهلي وعيالي ودخل الشك قلبي وهذاني أقلبها في مخي وماعرف شاسوي لو مالقيت بديل مناسب |
رد: لحقوووووني للأهمية والله ردي مثل رد اخوي الغالي هاي مزمز سقوط طائرات الماليزيه لم يمنعني من السفر مرتين و بنصف السعر عن رحلات الاماراتيه و الإتحاد و الحمدلله انا ميسور الحال و التوفير لوضع المبلغ في مكان آخر في السفر لماذا الخوف اختي و الفوبيا , توكلوا على الله بالمناسبه هناك دراج الماني تفادى ان يكون في الطائرتان الماليزيتان اللي حصلة بهم حوادث بمحض الصدفه |
رد: لحقوووووني للأهمية مرحبا اختنا الكريمة كريستالة اقترح عليك بتجربة طيران تايقر هناك امكانية للطيران من كوالا او بينانج او لنكاوى الى بوكيت هذا رابط موقعهم Tigerair رحلة موفقة |
رد: لحقوووووني للأهمية اقول توكلوا على الله و قولوا لن يصيبنا الا ما كتب الله لنا. |
رد: لحقوووووني للأهمية اولا لو انا مكانكم لما تطيرت وتشائمت ولسافرت على نفس الرحلة ثانيا اذا أردت تغير الحجز فلديك شركة تايغر مثل ما أفادك مشرفنا الأسفار ولديك شركة جيت ستار وشيكت عليها في رحلات بنفس الوقت المطلوب من كوالا أستخيري الله بأمرك والله سيهديك للخير وفقك الله |
رد: لحقوووووني للأهمية ماشاء الله ماقصروا الاخوان استودعي نفسك ومن معك الله وتوكلي على الله هو خير حافظ ان شاء الله تتسهل رحلتكم وتروحو تنبسطواوترجعوا بالسلامه |
| الساعة الآن 04:05 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO