|
احدثكم من قلب الحدث، ماليزيا ، والجمال الساحر العرب المسافرون ماليزيا السلام عليكم الان في طريقي بحول الله الى الكاميرون بعد 9 ايام قضيتها بسيلانجور و لانكاوي الساحره واخيرا بينانق حبيت اكتب باختصار تجربتي للفائده للمده اللي قضيتها وراح اكمل التجربه لما تبقى من مشواري في نهاية ايامي بكوالا بحول الله قبل البدء الشكر لا يكفي للاخوه ابو عمر هاي مزمز كزامي والبقيه حقيقه على جهدهم و مساعدتهم و توصياتهم الذهبيه اللي الى الان ما استغني عنها جزاهم الله خير جميعا ً البدء يومين بسيلانجور قضيتها بفندق البيراميد دخلت الاستقبال اعطيتهم ورقة حجزي وكنت عامل ملاحظه بكل الفنادق اللي حجزتها اني بشهر العسل وابغى غرف تكون بقسم ممنوع التدخين فقلت لهم اني بشهر عسل ابشوف ايش المفاجأه وحقيقه الفندق ماهو ملزوم يعمل لك ورد و حلى ووو فأخذتها من مبدأ جاك شي او اسكت : ) قالت لي عملت لك ترقيه مجانيه للغرفه اللي انت حاجز عليها فأخذت سويت وحجزي كان غرفه عاديه الموقع جدا ممتاز الاستقبال و اللوبي جدا فخم ومنظم اخذت المفاتيح و على السويت اول ما فتح المصعد وانا بالدور ال 15 صدددددددمه كل شيء تحت اختلف وكأني بشقق مفروشه او حتى لا ابالغ فندق 3 ستار وكبيره فتحت باب الجناح جدا جدا عادي من سرير و دولاب و ودورة مياه اجلكم الله لكن للحق الاطلاله روعه الفطور و البوفيه واسع منظم نظيف جدا وخيارات اللهم لك الحمد المول كان فاتح على البوفيه فالتسوق جدا مريح العاب الصن واي تشوفها من الاطلاله وقريبه اكثر شيء ضايقني صوت الدسكو اللي قريب من كنتاكي مقابل الفندق والمكيف كان مقابل للسرير مباشره بشكل عام الفندق جيدا جدا رغم بساطة الغرف لكن للحق كان نظيف وهالشيء يهمني كثير الجولات بسيلانجور اي سيتي بتروجايا و مول البيرامد ملاحظه : الجدول اللي عملته بالمدن الثلاث نوعا ما تلخبط لانك ببساطه متزوج فلازم تضحي بكذا جوله : ) ---- اربع ليالي لانكاوي فندق الوستن مميزات قمة في الفخامه و الراحه منظمين جدا اللوبي حاجه خرافيه الاستقبال بروفشينال من جد اخذت اطلاله كامله على البحر ميزتها مافيه مصعد بوابة من الاستقبال والغرف يمينك و يسارك الاطفال والعوائل جدا قليل فالمكان مميز للي يحب الراحه وشهر عسل المطعم و البوفيه شيء راقي جدا ونظيف وقت الشيك ان ايضا ذكرت لهم اني بشهر عسل قالي بكره نرتب الغرفه ونضبطك بورد وفعلا هذا الي صار قلت لكم بروفشونال :) عيبها فقط المكان بعيد عن الجولات يعني اوقات طريقي وانا ماخذ جوله اكثر من الجوله نفسها بعكس الدانا كمثال لكن بشكل عام لانكاوي انا افضل تكون اقامتك بالفندق و شاطئه وجلساته اكثر من خروجك بالخارج ايضا عيبها كان النت بالغرفه عليه رسوم او لازم تروح للوبي هذا شيء مؤسف حقيقه شيء اخر مزعج كان كل ليل باللوبي يكون هناك حفل غنائي تسمعه وانت بغرفتك فما فيه عزل كافي للاسف كان فيه خمور للاسف بالميني بار بالغرفه واتمنى من ماليزيا منعها كدوله مسلمه جولاتي مانقروف جدا مميزه الغروب نوعا ما معقوله عن نفسي ما استمتعت كثير يمكن غيري حبها على حسب شلالات روعه ومشيت حافي القدمين بالشلال ضحيت بالجزمات تكرمون للزوجه بسبب خلل مصنعي بجزماتها تكرمون وانقطعت : ) الفواكه جدا روعه ووقتها مافيه مانقو موسمها انتهى بالصيف : ( ---- بينانق وثلاث ليالي بالقولدن ساندس دخلت ابي الاستقبال ما اشوف المضيفه زحمممممممممه تصدقون كان فيه ناس يلعبون تنس ارضي باللوبي جنب الاستقبال يا راااااااجل ليش الزحمه ذي يمكن لاني متعود على الوستن وانصدمت ما ادري المهم ويجي دوري قالوا روح للوبي المكيف طلعت اوراقي جاهزه ممكن لاني حاجز اطلاله على البحر لا اعلم اخذت المفاتيح اطلاله روعه لكن الغرفه نفسها ضيقه للاسف رغم انه اطلاله وبلكونه النطافه ليست ممتازه للاسف المروش منسد لما اخذت شاور! بل الصدمه وشي سريري طالب طبعا كنج سايس واكتشفت جايبين سريرين مفرده والصقهم ببعض ولا احد يدري !!!!! هنا قفلت معي كان وقتها بالليل و اول يوم و وصول ومرهق جدا كلمتهم قالوا تروح الان لغرفه سريرها كنج بس مو اطلاله بحر او تنتظر بكره تاخذ غرفه ثانيه قلبتها براسي قلت نام وبكره يصير خير فانتطرت الى باكر واتلخبط الجدول الى ء3 العصر واخذتها عيب الدور اللي اخذته غرفتي رقمها كان اربع ميه وخمسين وحاجه فتخيل تمشي بالدور لمده دقيقتين مشي ثم توصل غرفتك ليش التعب ما ادري!! ميزت الفندق السوبر ماركت مغاسل كل شي قريب الاطفال و العوائل اعتقد ان هالفندق خيار مناسب لهم برك السباحه معده للاطفال اكثر من غيرهم تعشيت بالبوفيه وبنص الاكل شفنا فأر او ماوس بالانقلش بين الطاولات شيء مقرف صح رحت للاستقبال قالت ان المطعم مفتوح وطبيعي هالاشياء حاسبت وقلت ليش ما اكلم مانجير حقهم كلمتهم وغسلهم ورجع لي المبلغ بالكردت كارد النطافه بالفندق لك عليها هذا رأيي اضف الى ان تجهيز الغرف ماهو محترف تفتح قسم الشاي ما تلاقي سكر ! جولاتي الهضبه وكان فيه حديقه يمارس فيها الرياضه وشيء حميل تشوف ناس اعمارهم 50 ويركضون ماشاء الله عليهم محلات القهوه و الشوكليت بارشوت جيت سكي بشاطيء الفندق --/ اكتب هالتقرير وانا حاجز سياره خاصه بطريقي الى كاميرون يومين ثم كوالا اربع ايام بحول الله قبل ان اختم نصف مشواري .. ماليزيا شيء مذهل بسحر الطبيعه و الاجواء الروعه ما شاء الله وشعبها المحترم سبحان الله وبحمده سبحان الله العظيم |
رد: احدثكم من قلب الحدث، ماليزيا ، والجمال الساحر الله يهنيك وفعلا ماليزيا طبيعة وصناعة وتسوق أرسلت بواسطة iPhone بإستخدام Tapatalk |
رد: احدثكم من قلب الحدث، ماليزيا ، والجمال الساحر الله الله راح تنسى في الكاميرون كل شيء بإذن الله مع الأجواء الباردة والماطرة إستمتع وبصراحة أشكرك على ملاحظاتك ودقتك ولا تنسى اليوم تسوي حجز للرافتنق في إيبوه تطلع للرحلة بدري آخر يوم يعني لما تسوي تشيك أوت من الكاميرون تروح إيبوه تسوي الرافتنق وترجع منها لكوالا ( كلها ساعتين بس ) موفق يا عريس ولا تنس قراءة الأوراد والأذكار :) إستمتع من أجلنا نحن :) |
رد: احدثكم من قلب الحدث، ماليزيا ، والجمال الساحر وعليكم السلام ورحمة الله وبركااااااااااتة شكراً ع الاطراء الجميل وماعملنا الا الواجب , وثق تماماً اعضاء البوابة الماليزية في خدمة الجميع ان شاء الله بالنسبة لفندق البيراميد معاك في كل كلمة قلتها للاسف الشديد يوم بعد يوم يقل مستواه , الاثاث يحتاج تغيير مرة , اصلاً فندق الصن واي ريزورت 5 نجوم قل مستواه كثير فما بالك بالبيراميد الويستن مايحتاج حلو ورايق القولدن ساندس رغم انه نزل شوي مستواه الا انه افضل من بقية الفنادق في الباتو فرينجي مع فندق الهارد روك ماعدا فندق الشانجريلا راسا يغرد خارج السرب مادري في احد يفكر مثلي ولا , انا احس والله اعلم انه مقصودة الحركة في فندق القولدن ساندس لو بيكون نظيف جداً ومعاملة رائعة , يبقى ماراح احد يسكن في فندق الشانجريلا راسا خصوصاً انهم يم بعض ونفس الشركة ----------------------------------------------------------------------------------- توصل بالسلامة للكاميرون وأهم شيء تزور مقهى بووووووه وتاخذلك كميات من الشاي الرائع ماليزيا إدمان لانُريد التعافي منها http://forum.kooora.com/icon.aspx?i=...mile_hearteyeshttp://forum.kooora.com/icon.aspx?i=...mile_hearteyeshttp://forum.kooora.com/icon.aspx?i=...mile_hearteyeshttp://forum.kooora.com/icon.aspx?i=...mile_hearteyeshttp://forum.kooora.com/icon.aspx?i=...mile_hearteyes |
رد: احدثكم من قلب الحدث، ماليزيا ، والجمال الساحر صباح القشطة يا عسل شكرا على ملاحظاتك القيمة اللي راح نستفيد منها اهم شي انك تنبسط وﻻ تخلي شي يعكر الاجواء وزي ما قال اخوي الغالي ابو عمر في كاميرون روح مزارع بوه وتكي هناك ومخمخ على الشاي في الاطلالة الرائعة هناك وﻻتنس زيارة الماينز من كوالا وتجربة تلكروز هناك تحياتي يا عسل |
رد: احدثكم من قلب الحدث، ماليزيا ، والجمال الساحر رحلة موفقة باذن الله شكلك نسيت الصور |
رد: احدثكم من قلب الحدث، ماليزيا ، والجمال الساحر اقتباس:
|
رد: احدثكم من قلب الحدث، ماليزيا ، والجمال الساحر اقتباس:
بخصوص الرافتنق تقصد الحجز نفسه؟ مافهمت عليك النيه اني ازور كل شي ب كاميرون بكره بحول الله جزاك الله خير على التذكير بالادعيه ماقصرت |
رد: احدثكم من قلب الحدث، ماليزيا ، والجمال الساحر مبرووووووووووووووووووك الزواج والله يوفقكم ويسخركم لبعض تقرير سريع ومختصر والاهم انك ذكرت السلبيات وهذا شي مهم وسفره سعيده وترجعون بالسلامه |
رد: احدثكم من قلب الحدث، ماليزيا ، والجمال الساحر اقتباس:
حسيت اني خارج ماليزيا وشيء مختلف الاجواء البارده و الروقان و الفندق الجميل كاميرون هايلاند اللهم لك الحمد شكرا لك دائما يبو عمر تسلم على التعليق و المشاركه |
| الساعة الآن 10:53 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO