|
مساعدة ترتيب رحله لاوروبا في اجازه الصيف السلام عليكم ورحمة الله وبركاته ممكن مساعدة بترتيب رحله الى اوروبا في اجازة الصيف مع العلم اني لسى اخطط ما حجزت اي شي هل الوقت مناسب لترتيب الحجوزات لشهر 7 ميلادي 2016 او بدري لسى ؟ السفر مع العائله ان شاءالله 6 اشخاص لمدة شهر مافي اطفال مدة السفر من 27 شهر 7 الى 27 شهر 8 اي شهر يوليو واغسطس المدن : ايطاليا ، النمسا ، البوسنه ، سويسرا ، فرنسا ، وانتظر منكم الاضافات نحب الاماكن الغير مزدحمه والقرى اكثر الله يسعدكم ابغى اقتراحاتكم للمدن والفنادق والتنقلات الافضل للعائله سياره بسائق او نستأجر بعض الأسئله تنفع اوروبا للعوائل المحافظة ؟ نقدر نروح باريس بالنقاب ؟ طريقة استخراج الفيزا بعد اكمال الحجوزات او قبل ؟ شكراً لكل اعضاء المنتدى استفدت منكم كثير الله يسعد كل من قرينا له موضوع واستفدنا منه ومعليش ع الاطاله |
وعليكم السلام ورحمة الله وبركاته التخطيط والحجز ضروري لأن سفرتكم في الصيف والأفضل استئجار سيارة بحكم طزل الفترة المقترح المبدأي من غير تفاصيل فرانكفورت - بادن بادن - كونستانس -بيرتساو - زيلامسي - سيرميوني - ميلان - انترلاكن - جنيف - باريس ما اضفت البوسنة لعدم معرفتي بها ولأنها تحتاج تأشيرة خاصة غير الشنجن هذا اقتراحي وهو قابل للتعديل والتغيير حسب متطلباتك الفيزا نحددها بعد وضع المخطط والحجوزات بالنسبة للنقاب، اجمالا ممنوع في أوروبا نظاما لكن الأمور سهالات في أغلب الأوقات |
ماقصر خبيرنا أبو مهاب في الرد وأيضا وضع اقتراحه. .. بالنسبه لي ارشح الآتي باريس لوزان فرايبورغ انترلاكن القرى اللي حولينها خيار مناسب دامكم 6 أشخاص كونستانس انسبروك او القرى اللي حولينها زيلامسي او كابرون. .. قارمش ميونيخ ... |
اقتراح حبيبنا الجوكر كمان ممتاز (بس من غير ايطاليا) بالنسبة لي احب الطيران دايركت (اتوقع انتي من السعودية عشان كدة ما حطيت الرجعة ميونخ) رغم وجود تاكيدات من السعودية باضافة رحلات مباشرة الى ميونخ صيف 2016 اذا حصل هذا الموضوع يتغير المخطط شوي البداية باريس والنهاية ميونخ زي ما قال الجوكر (توكلي على الله وسوي حجوزات الطيران) او خلي الرجعة فرانكفورت ونعمل تغيير في الجدول بس احتمال كبير ما فيها ايطاليا وما بينهما يحدد لاحقا |
قرأت تقرير نزاف عن جورجيا ممكن تقرأئينه النقاب في فرنسا بالسابق ليس عليه خلاف لكن بعد الأحداث الأخيره لا أعلم النمسا بلد متقبل أكثر من غيره وممكن بشهر زيارته مع سلوفينا والمانيا |
ماقصروا الاخوان الفيزا تطلعونها قبل سفركم بــ 3 شهور كحد أقصى التذاكر تقدرون تقصونها قبل اذا فيه عرض كويس اذا تبون أرياف وأماكن مافيها زحمه باريس ما تنفع لكم .. برضو مشكلتهم مع النقاب حالياً طبعا افضل لكم تستأجرون سيارة مايحتاج سواق .. جهاز ملاحة وأموركم طيبة |
| الساعة الآن 05:57 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO