|
افضل وامن طريقه لحفظ المال في السفر؟ السلام عليكم عندي موضوع شاغل بالي اللي هو (المبالغ الماليه الكبيره ) في السفر خارج البلد كيف يتم التعامل معها . هل بالشيكات السياحيه ام هناك طرق وبدائل اخرى ؟ لأني عانيت السفريه اللي فاتت سحبت مبالغ كبيره . فين احطها غير عمولت البنك للسحب المتكرر من البطاقه . هذا اللي براسي الان من الاسئله .... اتمنى الجميع يتفاعل مع الموضوع .......وكل واحد يدلي بدلوه......... |
السلام عليكم احسن طريقة لا تسحب الا بحدود ربع المبلغ وتحتفظ فيه بالخزنة في الفندق والباقي خله بالبطاقه واسحب كل ما احتجت انا افضل هالطريقة وخل البنك ياخذ عموله عند السحب ولا ينسرق المبلغ كامل اذا سحبته كله البطاقه افضل |
يعطيك العافيه ام حسين وشاكر لك ردك طيب الشيكات عندك معلومه عنها |
و عليكم السلام منور يا سامي خلينا نحدد المبلغ الكبير أولاً المبالغ المالية اللي تستخدمها لشراء سيارة أو بضاعة هذي موضوعها يختلف اما المبالغ المستخدمة خلال السفر فهذي يختلف الكثير في التصرف بها خلينا نتوقع أن الرحلة لمدة 10 أيام و المتوقع 1000 ريال باليوم = 10 الاف ريال لو استخدمت بطاقة الفيزا في الشراء خسارتي : عمولة التحويل + عمولة شركة الفيزا 2.5% عمولة التحويل اقصد الدولار يكون 3.75 و البنك يحسبها 3.78 20 ريال عمولة التحويل + 250 ريال = 270 ريال يعني بالكثير 300 ريال لو استخدمت بطاقة الصراف في الشراء خسارتي : عمولة التحويل فقط و دايم استخدم عملة البلد فلو كنت في بريطانيا اشتري بالباوند بعض المحلات يقولك تبغاها بالريال عشان ياخذ هو عمولة التحويل بدل البنك عشان كذا البنك كل شوي يرسل ( لاتستخدم الريال استخدم عملة البلد عند الشراء ) اذا خسارتي 20 ريال فقط بالكثير 50 ريال لو حولت للدولار خسارتي : المبالغ المتبقية من الرحلة + قلقي المستمر بتعرضها للسرقة او الضياع + فرق الصرف لدرجة لو كان الدولار فيه عطفه بسيطة ينزل السعر <<< عجيب والله لا أعلم لماذا يصر البعض على السحب نقداً من الصراف ما تحتاج تسحب ولا مرة من المكينة فلو حبيت تشتري حتى مويه من السوبرماركت استعمل بطاقة الصراف نشوف السحب النقدي لـ 10 الاف كم يكلفني هي عبارة عن 2500 يورو تقريباً لو سحبتها على 5 مرات كل مرة 500 يورو خسارتي على الاكثر = 40 * 5 = 200 ريال + عمولة التحويل 50 ريال تظل معقولة لكن لا داع لسحب النقد لأنها كلها مشتريات بالنهاية و البطاقات ارخص اذاً فين المشكلة ؟ بالعملات الضعيفة اللي لها سوق سوداء سعر صرف البنك يكون أقل لكنه مثل سعر صرف البنوك عندهم وانا اشوفها معقولة جداً مقارنة بالمخاطرة في السوق السوداء شخصياً استخدم بطاقة الصراف من الراجحي في كل المشتريات عدا الفندق و السيارة استخدم الماستركارد لسبب أن الفندق و السيارة دايم يحجزوا مبلغ تأمين و لايتم هذا الا مع البطاقات الائتمانية |
يعطيك العافيه ابوغسان ماقصرت جواب شافي وكافي |
ابو غسان ما قصر بجوابه البطاقات دائما افضل من الكاش مبلغ كبير جدا تحويل وقت الشراء بالتوفيق |
عليكم السلام ما شاء الله أبو غسان ما بقى لنا كلام نقوله الله يعطيه العافية بس جزئية بسيطة ابغى اضيفها وهي لازم تأخذ معك مبلغ احتياطي كااااااااش للطواري لو تعطلت البطاقة او صار خلل في الانترنت او توقف الحساب لسبب ما والشي المهم جداً هو لو قعت كارثة طبيعية لا سمح الله راح كل شي يتعطل لذلك الكاش مهم في السفر خلي معك اقل شي 500 دولار كاش |
سؤالك أخوي سامي ذكرني بشي حزين حصل لي انسرقت فلوسي مني بالسنه الماضيه وكان المبلغ 24 ألف ريال كنت حاملتهم كاش وللأسف انسرقوا لكن الحمد لله على كل حال جواب الأخ أبو غسان واضح وانا من وقتها صرت احمل كاش بسيط والباقي بالبطاقه مشكورين الله يوفقكم |
جزاكم الله خير على التفاعل الطيب والمثمر أشكر الأخ الكريم صاحب المسألة الهامة وأشكر كل من تفاعل بالموضوع حفظكم الرحمن من كل سوء |
| الساعة الآن 07:28 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO