|
استفسار ثاني السلام عليكم ورحمة الله وبركاته احبائي اعضاء المنتدى الشامخ مانستغني عنكم عندي استفسار بسيط نزلت موضوع سابق بخصوص شهر العسل ورشحتولي ماليزيا وبعد مشاورات مع المدام حسيت انو نفسها ف اوربا وانا ودي اني افاجئها برحلة لأوربا ميزانيتي 25 الف وممكن اوصلها ل 30 الف فكرت في النمسا وجات في بالي اسبانيا ابغى ارائكم وبرنامج لمدة 12 الى 14 يوم ويعطيكم العافية مقدماً |
متى تواريخ سفرك ؟؟ |
في شهر يوليو وتحديداً في 7 يوليو |
وعليكم السلام ورحمة الله وبركاته ألف مبروك اخوي مقدماً .. النمسا الريف فيها اجمل .. عموماً انصحك تزور 3 مدن مثلاً عشان ما تكثر عليك التنقلات فيينا 3 ايام .. سالزبورغ يومين او 3 .. زيلامسي وماجاورها تقدر تجلس اسبوع ياليت لو تشوف المواضيع في البوابة النمسا واسبانيا وتاخذ فكرة عن المدن والاماكن السياحية بالتوفيق |
بالتوفيق اخوي النمسا جميله لكن الحين مع منع االسياقه فيها الناس تتجنبها جمال اوروبا بتاجير السياره والتنقل براحتك اذا ماحلو المشكله هذي انصحك تختار دولة اوروبيه ثانيه |
25 الف شاملة التذاكر والفنادق والا مصروف النمسا زي ماقالت الاخت عشقي السفر بعد منع السعوديين من القياده في النمسا اصبح الكثير يتجنبها لان المتعه في التنقل بالسيارة بين الارياف والقرى خلك ع سويسرا والجنوب الفرنسي افضل بكثير من النمسا 15 الف بائجار السياره تكفي 12 يوم بمعدل كل يوم 1000 ريال وكمان الصرف على حسب الشخص وطريقته كيف يصرف فيه ناس تصرف بدون حساب وناس خلاص تحط لكل يوم ميزانيه محدده مثلا 200 يورو باليوم مايتعداها وهذا الافضل اذا تبي تقتصد خصص ميزانيه لكل يوم واعرف مصروفك اكثر شي مكلف هناك المطاعم وانصحك انس موضوع التسوق والهدايا انت طالع تستانس وتنبسط مو رايح تتسوق وتشتري هدايا |
يعطيكم العافية وبالنسبة للميزانية تقريباً ٣٠ الف شاملة كل شي |
ما قصروا الخبراء مع ابو راكان سويسرا و الجنوب الفرنسي و الميزانية تكفي |
يعطيكم العافية ي شباب لو سمحتوا ابغى برنامج يكون جميل لمدة 14 يوم وبخصوص اجار السيارة انا معاي فيزا تسوق الراجحي واعرف ناس مشت معاهم وفي ناس قريت انها ماتمشي ابغى الجواب الاكيد عشان مااروح وانا على اعصابي |
انتظر ارائكم لاهنتوا |
أبشر في الاول والأخير انت من تحدد هل ترغب ف المدن ام الارياف مبدأين استعبد النمسا لك وذلك لظروف منع السياره |
ارغب بالارياف بس مايمنع انا نحط مدينة من باب التغيير وبخصوص اجار السيارة ياليت تفيدني ويعطييك العافية |
هلا اخوي بخصوص الفيزا تمشي ماعدا الايجار في مكاتب شركات السيارات الجدول ممكن تجمع بين سويسرا وشمال ايطاليا والجنوب الفرنسي 4 ليالي جنيف او مونترو اسكن باحداهم 3 ليالي انترلاكن 4ليالي بحيرة كومو وتزور منها الشمال الايطالي فينيسيا وجاردا وميلان وماجوري 4 ليالي الجنوب الفرنسي انسي وماحولها |
الله يعطيك العافية ياخوي وانتظر باقي الاعضاء بخصوص الاقتراحات طيب اخوي بخصوص اجار السيارات اش الحل المناسب عشان استاجر سيارة |
بطاقه فيزا او ماستر تكون ارقامها محفوره |
انا معاي بطاقة فيزا الراجحي تسوق والارقام محفورة اعرف كم واحد مشت معاهم بس قريت تجارب انها انرفضت في حجز السيارة انا خوفي اروح اتوهق هناك |
ايجار السياره ضروري فيزا او ماستر مسبقة الدفع ترفض |
رائيك اخوي لاهنت احسن حل تشوفوا لي هل اطلع فيزا ائتمانية بس خوفي من مديونيتها اللي ماتخلص ويعطيك العافية تعبتك معاي |
لاتعب ولاشي احنا بخدمتك طلعي فيزا وبمجرد ماترجعين من السفر قفليها وحاولي لاتستخدمينها الا بحجز السياره فقط ومابيصير عليك مديونيه |
يعطيك العافية اخوي ابو طلال ماقصرت معاااك اخووك ايمن ���� |
اهم شيء الفيزا مسبقة الدفع بارزه ومحفوره الأرقام والاسم الأفضل مطابق للجواز وتمشي حتى ف ايجار السياره الفيزا خذ لك من باب احتياط للظروف الطارئة لو قدر الله وإذا رجعت كنسلها ماشاء الله عطاك ابو طلال جدول ممتاز أنا بعطيك رأي وشاور الكثير واستخير ربك قبل كل شيء لايختلف اثنان عن جمال أوروبا في اريافها وتكمل المتعة في ايجار السياره في ظل ضروف منع القياده ف النمسا ارشح لك الآتي وصول زيوريخ ومغادره باريس استلام السياره اول ماتوصل من المطار الذهاب مباشره الى سانت غالن ثلاث ايام فرايبورغ يومين انترلاكن ٤ ايام انسي يومين تسليم السياره في مطار جنيف المغادرة الي باريس ٣ ايام |
اقتباس:
|
اخوي الجوكر هل هي شركه معروفه كبيره مثل سكست هيرتز يوروب كار او شركات عاديه |
يورب كار في ألمانيا |
الله يعطيكم العافية ي شباب رايك يالجوكر اكنسل ايطاليا وخليها على سويسرا وفرنسا مع اني ميال لايطاليا بس مانستغني عنكم وبخصوص الفيزا انا اللي معاي تسوق ومحفوره والاسم مطابق للجواز واحتياط شكلي ابطلع فيزا ائتمانية اذا حجزت اون لاين وحطيت ارقام فيزا التسوق ومانقلبت هناك عوافي لو اغير الفيزا؟ طيب ي شباب في فيزا ف الراجحي تمدحونها لي ؟ |
عليك بفيزا السفر من بنك الاستثمار |
استخرج بطاقه فيزا مداد من بنك البلاد مآشيه معي في حجوزات فنادق او سياره من أحلى مايكون ٠٠٠ ايضا قم باستخراج فيزا من البنك ولا تستخدمها آلى للضروره القصوى الفيزا فقر يعني خلها اخر احتمال تستخدمها الأمور تساهيل يالامير فوق ماتتخيل ابني جدولك ع بناء ع رغبتك وليس رأي مني او من غيري فالاذواق تختلف وإذا تبي إيطاليا ماذا تعشق أرياف طبيعه ام تسوق وأسواق ام زيارة متاحف وآثار تاريخيه هنا انت اللي تحدد وأبشر رأي و وجهت نظري جمال أوروبا في اريافها وليس مدنها |
الله يوفقك اختار الافضل من وجهة نظرك احنا اعطيناك وجهات نظر كل شخص ولك الخيار بخصوص الفيزا اللي اتكلم عنها والخاصه للسفر من بنك الاستثمار انا افضلها للي سفراته كثيره الى اوروبا او امريكا او لندن او دبي وذالك لسبب وجود 4 عملات فيها وماتحتاج تروح تحول من مطار او بنك فقط من حسابك تحول من الريال لاحدى العملات وبدون فائده تذكر ولاتحتاج لفارق العمله للعمليات لانك بتشحنها بالعمله اللي انت تبيها فبيفرق معك كعموله اكيد |
يعطيك العافية اخوي ابو طلال ولايهنون الشباب |
| الساعة الآن 01:17 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO