|
برنامج اوربي لعائلة صغيرة اعزائي الكرام ارغب في برنامج اوربي لمدة 15 الى 20 يوم يكون شامل لاكثر الدول التي تستحق الزيارة وكم تقريباً التكلفة ؟؟ ولا استغني عن نصائحكم ومشوراتكم وتقبلوا تحياتي وتقديري |
الله يحيك كثيرة الدول اللي تستحق الزيارة مثلا المانيا - النمسا - سويسرا - فرنسا - ايطاليا - اسبانيا التكلفة تعتمد على اشياء كثيرة وقت السفر - عدد المسافرين (اطفال او بدون) - المواصلات (الطيران الدولي والداخلي - قطارات - سيارة) - الفنادق - المزارات السياحية والأنشطة المصروف الشخصي التقريبي (اكل وعصيرات وخفايف) لشخصين 800 ريال يوميا |
ينقل استفسارات البوابه السياحيه |
اخوي احمد قبل البرنامج هل حصلت على التأشيرات والتذاكر خلينا نثبت العرش وبعدها نتكلم عن النقش متوسط تكلفة الرحله لمدة عشرين يوم حوالي ستين الف ريال اذا عملت كنترول لرحله منظمه انزل في دوله وارجع من دوله بالاتجاه المقابل وجهة نظري طالما هذي رحلتكم الاولى اقتصروها على دولتين حتى تتعرف على الملامح الأوروبيه وتاخذ فكره بأسلوب الحياه اليوميه عندهم وبالمستقبل تنظم احلى رحلات وتتعلم من اخطاء الرحله السابقه لو نزلت في مطار جنيف واستاجرت سياره من القسم الفرنسي بالمطار ارخص وخليت جنيف مطب واتجهت لآنسي الفرنسيه وقضيت ثلاث ايام بعدها تروح لانتر لاكن تطلع على زيورخ وتتجه الى زيلامسي وجنبها كابرون وسايلسبورق وبنهاية الرحله تكون حاجز من مطار ميونخ كلها 167 كم من زيلامسي لميونخ تقسم ايامكم بين هالمدن صدقني احلى وتعمل انطلاقات للمواقع السياحيه او المدن المجاوره وترجع للفندق لاتنسى زيارت الاوت لوت ببعض المدن او القريبه منها لاتنسى القارمن اشتريه من دار موجه لاتتعامل الا باليورو بسويسرا الفرنك بخمس ريال وقيمته زي اليورو واليورو باربع ريال وخارج سويسرا مايتعاملو مع الفرنك اطلاقاً من الصعب جداً تعاملهم مع الفئات الكبيره لليورو دائم خلي اللي بجيبك فئآت صغيره انتبه لخطوط المشاه الافضليه للمشاه بالمحطات انزل وتزود بالوقود واترك السياره بمكانها تماماً واتجه للحساب بداخل السوبرماركت شييك على صرافات البنك قبل السفر واعتمد على اكثر من صرافه ضروري يكون معاك بطاقة فيزا الخطوط السعوديه تسمح بقطعتين ووزن 23 ك لكل قطعه بقية الخطوط الناقله تسمح بقطعه واحده ووزن 30 ك للقطعه تسجيلكم بالسفاره يسهل على الاقل العوده للوطن الأم ! عند فقدان الجواز اتمنى لكم رحله سعيده |
افضل مده ١٦ يوم ليس اوروبا جميله للكل وممكن تعجبني ولا تعجبك او العكس قبل معرفة التكلفة ( ممكن تكلفك ٥٠ الف وممكن تكلفك نصها اترك هذي النقطه حاليا اذا كنت ترغب في السفر لاوروبا ) هل تحب ان يكون السكن في مدن تشتهر في الاثار التاريخيه او تحب المدن الساحليه على البحر او مدن تشتهر في التسوق وآخر الموضات او تحب ان تسكن في أرياف ليس أمامك غير بساط اخضر وطبيعه خلابه ؟ وبعدها ابشر لو تبي من برنامج الي عشرين برنامج بعدها فعلا نقدر ان نتتطرق اكثر التكلفة ١/ الطيران الدولي ٢/ وسيله التنقل ( طيران داخلي / ايجار السياره / سياره مع سايق / قطار / تكسي / قروب سياحي ) ٣/ السكن ( فنادق / شقق ) ٤/ الانشطه السياحيه ( في اغلبيت المدن هناك بطايق تشتريها بمبلغ مالي توفر لك تخفيض في دخول اغلب أماكنها السياحيه او تخفيض في رسوم التنقل في القطار وماشبها / في اغلب المدن باصات سياحيه توفر ايضا مبلغ مالي لكم / و و ... الخ ٥/ رسوم إصدار التاشيرة ٦/ المصروف اليومي انت من يقدر يتحكم فيه تقدر تصرف ٥٠٠ في اليوم وتقدر تصرف الف في اليوم ملاحظه ** الحرص دايم على العروض في الحجوزات مثال أوقات تلقى حجز في الطيران الدولي لمدة ١٦ يوم بسعر ولمدة ٢٠ يوم تحصله بسعر اقل بس اظطر أني ابحث عن سكن يطلع المبلغ مقارب ل ١٦ يوم وهناك حيل كثيره جدا يجهلها الاغلبيه ** عكس دايم البرنامج السياحي اللتي تختاره مثال حجزت باريس / جنيف / فيينا بسعر معين + التنقل الداخلي + السكن اشوف كم السعر وقارنه في حال أني اخترت برنامج فيينا / جنيف / باريس وللحديث بقيه اذا قررت على اختيارك وميولك دايم في حياتك الشخصيه |
شكراً لكم جميعاً اصدقائي الاعزاء :e030:وأشكر لكم هذه النصائح وهذه التوصيات التي سوف تؤخذ بعين الاعتبار وأشكر لكم مروركم الجميل تقبلوا فائق الاحترام والتقدير |
يل |
| الساعة الآن 02:07 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO