|
فيزا الراجحي تسوق والفنادق السلام عليكم يا شباب زي ما هو واضح في العنوان من استخدم بطاقة فيزا تسوق من الراجحي في الفنادق في النمسا والمانيا هل مشت الامور وهل فيها اي مشاكل واذا مشت مع احد في تاجير السيارات يا ليت يطرح تجربته ارائكم وتجاربكم جزاكم الله خير |
رد: فيزا الراجحي تسوق والفنادق اخي الكريم بالنسبة للفنادق ما في مشكلة ان شاء الله المهم ان تكون البطاقة باسمك السيارة على حسب الموقع اللي تحجز منه و حسب الموظف ناس مشت معاهم تمام و ناس لا لا احد يستطيع ضمان قبول البطاقة المسبقة الدفع المهم بكل الاحوال ان تكون نافرة و فيها رصيد ضعف التامين بالتوفيق |
رد: فيزا الراجحي تسوق والفنادق عن نفسي وانا مجربه ابدا ماراح تمشي معك فيزا تسوووق الراجحي باستجار سياره وزوجي كان معه فيزا تسوق الراجحي وفيها مبلغ ورفضووو نهائيا وحتى انا رفضوووو مع اني معي بطاقتين فيزا فضيه وفيزا بلاتينووم الاني امراه وبعد محاولات وافق علي وماراح يمشي معك الا فيزا اومستر كارد وفيزا تسوووق ا تمشي بالفنادق فقط وعلى حسب الفندق وانت ريح راسك وطلع فيزا الفضيه من الراجحي |
رد: فيزا الراجحي تسوق والفنادق اقتباس:
اهلا اخي طارق بالنسبة للبطاقة باسمي والاحرف بارزه وكل شي تمام ان شاء الله تمشي الامور شكر لك اخي الكريم |
رد: فيزا الراجحي تسوق والفنادق اقتباس:
من وين مستاجرين واي شركة لان فيه ناس مشت معهم بطاقة الراجحي تسوق وناس ما مشت وانا لو قبل البنك يطلع لي الفيزا العاديه ما كان شاورت فيها عشان كذا طلعت من البلاد مداد مسبقة الدفع محفورة وايضا الرجحي طلعتها محفورة اذا ما مشت الاولى تمشي الثانيه ان شاء الله في تاجير السيارات الله يسهلها |
رد: فيزا الراجحي تسوق والفنادق الشهري تبي نصحيتي خلك في السليم وريح بالك تقدر تتطلع فيزة عادية فضية او ذهبية بدون مشاكل بس المهم انك ما يكون عندك تعثر في سما لا تسافر على امل انها تقبل او لا نصحيه لان السيارة هي اساس الرحلة اذا معتمد على ايجار السيارة وبخصوص التسوق او مداد ماشيه في الفنادق والتسوق مافيها اي مشاكل |
رد: فيزا الراجحي تسوق والفنادق عني انا جربتها بالفنادق ومشت عال العال بشركات الايجار لم يسبق لي تجربتها |
رد: فيزا الراجحي تسوق والفنادق واالله ناسيه من اي شركه استجارنها بس من جد لاتتوووهق على قولة اخونا azzamوالشركات المشهووره هي اللي ماتقبل فيزا التسوووق والدنيا حظوووظ بس نصيحه حاول قدماتقدر انك اطلع فيزا واالله من يووم طلعتمن السعوووديه لين وووصلت وانا شايله هم البطاقه لاني خايفه يرفضوونها وفعلا رفضووها ولولا بطاقتي كان للحين بسويسرا |
رد: فيزا الراجحي تسوق والفنادق اقتباس:
وما عندي اي تعثر في سما عشان كذا اضطريت اطلع مسبقة الدفع ولا عادي بطلعها بس ما ضبطت وانا اخوك المشكلة معتمد بعد الله على السيارة لو ما ظبطت لا سمح الله عز الله رحت فيها الله يسهلها يا رب |
رد: فيزا الراجحي تسوق والفنادق اسمع العلم الوكااااااااد:(101): روح لبنك الراجحي وقله ابي بطاقة ائتمانيه عادية بضمان مالي الضمان المالي هو انك تعطي البنك مبلغ والبنك راح يعمل بلوك على المبلغ هذا مثـــــــــــــال الفضية اللي انا طلعهتا قيمة الايداع هو 5625 ريال البنك راح يعمل عليها بولك وراح يصدر لك بطاقة ائتميانه بنفس قيمة المبلغ اللي اودعتة مع العلم اني معي بطاقة تسوق وبطاقة ائتماينه عادية فضية هذي من تجربة انا عملتها العام وليس البنوك كلها تعملها وكمان مو شرط تحول الراتب اهم شي ما يكون اسمك في سمة او ما تكون عليك فواتير في الاتصلات واتسجلست في سمة لان انا قدمت عليها وقالو لي عليك فواتير وتسجلت في سمة ورحت سددتها في الاتصلات فواتير هاتف ثابت تقريبا 1500 ريال لها 7 سنين اهم شي ونصيحه مني البطاقة لا تسخدمها نهائيا الا في ايجار السيارة فقط ولا تسحب منها عشان تبعد عن الفائدة والربا وخلي مسبقة الدفع للفنادق والمشتريات اتمنى اني افدتك واذا احتجت اي مساعدة انا حاظر |
رد: فيزا الراجحي تسوق والفنادق اقتباس:
يا بعدي والله فكرة ممتازة اول مره اسمع فيها بكره امر البنك ان شاء الله واستفسر منهم لا خلا ولا عدم يا الامير ما قصرت |
رد: فيزا الراجحي تسوق والفنادق في البوسنة مشت في الاجار والفنادق المستشفيات |
رد: فيزا الراجحي تسوق والفنادق فيه بطاقه اعتقد في الانماء تمشي بطاقه صراف وفيزا |
رد: فيزا الراجحي تسوق والفنادق ريح نفسك واترك المسبقه هولمز |
رد: فيزا الراجحي تسوق والفنادق اقتباس:
هلا اخوي عزام للاسف مريت اليوم اكثر من فرع وقالوا انهم وقفوا هالطريقة حتى طحت في فرع يحلف انه مقدم لاحد زملائه في الفرع اكثر من ثلاث مرات ورفضت والسبب ( الاكتفاء بتسوق) طبعا هذا رد الادارة وايضا قعدت اسولف معه فاضي ما عنده احد يقول استاجر بمسبقة الدفع تسوق الراجحير من الدنمارك وايضا سال احد زملائه في المكتب المجاور له يقول استاجر فيها من فرانكفورت على العموم ما قصرت اشكرك من كل اعماق قلبي انت وجميع الزملاء هنا ما معي الا اتوكل على الله ثم باخذ تسوق ومداد وايضا باقدم على ماستر كارد من سامبا مسبقة الدفع لعل احدها يمشي باذن الله |
رد: فيزا الراجحي تسوق والفنادق الله يكتبلك الخير اذا شركة رفضت جرب اخرى معظم الاحيان الموضوع مزاجي فحاول معاهم ملاحظة اخيرة معظم الموظفين لا يميزون بين المسبقة و العادية ؟؟؟؟؟ بالتوفيق وطمنا عنك بعد عودتك من السفر |
رد: فيزا الراجحي تسوق والفنادق اقتباس:
اللهم امين لعل في الامر خير السؤال اللي يطرح نفسه كيف يفرق الموظف بين البطاقتين وجميعها نفس الاشكال وتقبل البلوك وفيها المبلغ الذي يريد مو الجهاز اللي يمرر عليه البطاقة نفس اجهزتنا اللي في المحلات عندنا هنا |
رد: فيزا الراجحي تسوق والفنادق اقتباس:
لم اصل لاجابة شافية !!!!! صعب التميز بينهما اذا كان فيها رصيد يغطي مبلغ التامين و الايجار فلا اظن انه يستطيع التميز و هذا ما حاولت ان ابينه لك حتى مواقع كبيرة مثل الباي بال تحتاج ل 24 ساعة للتحقق من نوع بطاقتك اخيرا اخي الكريم اشحن البطاقة بمبلغ اضافي كبير للتامين و ايجار السيارة وتوكل على الله لا تنسى ان تحاول في عدة شركات وفقك الله |
رد: فيزا الراجحي تسوق والفنادق اقتباس:
راح احجز في يورب كار وهرتز وبدجت ونبدا فيهم بالافضل وان شاء الله تمشي الامور جزاك الله اخي طارق |
رد: فيزا الراجحي تسوق والفنادق الإخوه ما قصروا معك اتمنى لك رحلة سعيده ميسره |
رد: فيزا الراجحي تسوق والفنادق يورب كار من باريس استاجرت بفيزا الراجحي تسوق بارزة الحروف ومشت وفي دبي كذلك حط فيها فلوس في باريس حطو بلوك 200 يورو تقريبا خذ معك بطاقة مداد للاحتياط ولا الراجحي تمشي ان شاء الله وريح بالك |
رد: فيزا الراجحي تسوق والفنادق اقتباس:
طيب سؤال: ما تقدر ألحين تحجز السيارة من الموقع وتدفع المبلغ عن طريق فيزا الراجحي ( مسبقة الدفع ) + دفع التأمين ولما تروح لهم المطار تسلمهم الإيصال ويتأكدون من إنها فعلا بطاقة فيزا بإسمك وإنك دافع المبلغ كاملا مع التأمين وتفتك من شغلة الدفع هناك ومشاكل الحجز على المبلغ ؟ ولا لازم تحجز قدام عينه ؟ |
رد: فيزا الراجحي تسوق والفنادق اقتباس:
ارشح لك الموقع هاذا Billiger Mietwagen, Beste Preise Garantiert, Buchen Sie Heute! - rentalcars.com تعاملهم ممتاز وواضح واحياناً ارخص من المواقع الرسمية لحجز السيارات زي يورب كار او سكست او غيرها وسبق وتعاملت معهم بحجز سيارة بمكة لشركة بدجت وصارت لخبطة من بدجت فرع النزهة بمكة وتساعدو معي باتصالهم من اوروبا ( انا متصل عليهم ) ومن السعودية على الرقم المجاني وعندهم شباب عربي محترم وحجزت من جديد بالرياض من نفس الشركة بدجت بحجز جديد ورجعو لي مبلغ الحجز الاول ... |
رد: فيزا الراجحي تسوق والفنادق القحطاني جربت المسبقه دبي اسطنبول ومشت الامور بطاقه بارزه الحروف |
رد: فيزا الراجحي تسوق والفنادق اقتباس:
حجز المبلغ وش قصدهم منه ؟! اقتباس:
هذا يعني ﻻزم يكون في البطاقة مبلغ اعلى من قيمة السيارة والتأمين ﻷنه حقيقة ما يقدرون يفرقون بين البطاقتين Sent from my SM-N9005 |
رد: فيزا الراجحي تسوق والفنادق اقتباس:
رسالة من ايميل المراسلات مع وسيط تاجير اتعامل معه توضح انه ما عندهم مشكلة بخصم باقي مبلغ الايجار الماشر عليه باللون الاحمر(فيزا شحن) ومقصدهم الفيزا سوا كانت شحن او كريدت اهم شي يكون المبلغ متوفر فيه وهاذا فقط لوسيط اما الشركة الي راح استلم منها السيارة راح يسئلون عن الفيزا الكريدت ... يحجزون مبلغ احتياطي غير قيمة ايجار السيارة علشان الوقود (البنزبن او الديزل) ما ترجع السيارة والتانكي فاضي وعلشان مخالفات السير |
رد: فيزا الراجحي تسوق والفنادق بالنسبه لي معي فيزا الراجحي تسوق من 2012 وشغاله تمام ومقبوله عند الاغلب وبعض الفنادق ما يقبلها الجهاز لان الحروف حقت الفيزا مو بارزه رجعت استخرجت وحده جديده بارقام بارزه والى اليوم ما انرفضت كل شي تمام معي تجربتي فبريطانيا |
| الساعة الآن 06:50 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO