|
شهرر العسسل :) السلام عليكم ورحمة الله وبركاته مساكم الله بالخير اخواني واخواتي أعضاء منتدى المسافرون العرب بإذن الله زواجي في شهر 10 هجري .. حقيقه ما قد سافرت خارج المملكه لا انا ولا خطيبتي وبصراحهه محتاار ولا عندي أي فكره للسفر ناس نصحوني في تركيا و ماليزيا والمالديف وافكر جديًا في ايطاليا ميزانيتي 25 الف ريال تقريبًا شامله التذاكر .. وايام السفر 15 يوم اللي احتاجه منكم دلوني ع الطريق الصحيح وطبعًا مالي غنى عن نصايحكم وتويصاتكم والله يحفظكم جميع |
اهلا بك مبروك مقدما والله يتمم لكم على خير ويحفظكم غالبا كل شخص بيرشح لك الوجهة اللي هو يميل لها ويحاول يقنعك فيها وراح تتشتت بين الآراء لهذا طالما لك ميول لايطاليا حاول تدخل على البوابة الايطالية وتقرأ التقارير وتشوف الأسعار وأكيد بتلاقي أعضاء متخصصين بيساعدوك ويحسبوا لك الميزانية وبعدها قرر إذا مناسبة لك أو تستبدلها بمكان ثاني بالتوفيق |
عليكم السلام الف مبروك الزواج الله يوفقكم ويتمم لكم بخير بما انك اول مره تسافر انا اشوف انك تروح لدولة سياحية متعودين على السياح العرب خصوصاً اذا كانت لغتك الانجليزية ضعيفه ماليزيا و تركيا خيرات جيدة وممكن تضيف اندونيسيا لهم انت الان قرر واختار الدله و ابشر ان شاء الله الجميع بيساعدك |
الف مبروك مقدما الله يتمم لكم على خير يارب و يرزقكم الذرية الصالحه من وجهه نظري انا سبق و زرت ايطاليا و لكن البلد غاليه تحتاج تزيد الميزانية شوي و اذا خاطرك في اوروبا ممكن تزور اسبانيا لانها تعتبر ارخص و تركيا و ماليزيا خيار ممتاز و بالاخر اطلع على التقارير و حدد وجهتك و الخبراء ماراح يقصرو معك بالتوفيق و رحلة سعيده |
صعب أحد يقرر عنك وين تروح لأول سفرة لكم عن نفسي كأول سفرة أفضل أوروبا لكن مو إيطاليا أو تركيا خيار حلو أنت حدد البلد حسب ميولك وحسب ميزانيتك والباقي الكل بيساعدك فيه ان شاء الله كل التوفيق وألف مبروك مقدماً |
أو إذا خاطرك بإيطاليا تقدر تجمعها مع دولة ثانية |
اول سفرة لك ولزوجتك لا تضع ايطاليا اول خيار تحياتي أرسلت بواسطة iPhone بإستخدام Tapatalk |
ايطاليا و النمسا بس ٢٥٠٠٠ على ١٥ يوم قليل لان ٥٠٠٠ تذاكر و ٢٥٠٠ سيارة هذي ٧٥٠٠ راحت متبقي ١٧٥٠٠ اذا قلنا متوسط السكن ٦٠٠ يعني ٧٢٠٠ ١٢ ليلة تبقي ١٠٣٠٠ صرف ل ١٢ يوم شوف مواضيعي بوابة النمسا و ايطاليا |
ايطاليا خيار رائع وكمان شهر عسل راح تنبسط ومبروك مقدما ياعريس والله يتمم لكم ع خير ان شاء الله 25 الف تكفي ان شاء الله بس لازم تقلل المده مثلا تخليها 10 ايام والذهاب والعوده من ميلانو 3 ايام ميلانو+ كومو+ لوغانو السويسرية 1 يوم فيرونا بما انكم عرسان لازم تمرو بيت روميو وجوليت :3: وكل هاليوم خليك انت روميو والمدام جوليت وانبسطو ياعم اليوم اللي بعده دايركت ع (فينيسيا) البندقية من بدري واستمتع هناك يوم كامل بليلته وبعدها غادر الى فلورنسا تكي هناك 3 ايام وزور كمان بيزا قريبه جدا >>حذفة عصى اخر يومين ارجع ميلانو ومنها العوده 3 ايام ميلانو يوم فيرونا يوم فنيسيا 3 ايام فلورنسا اخر يومين ميلانو طبعا لازم حجوزات من الان عشان تلقى اسعار مناسبه وكمان لازم تقتصد فيه تطبيق اسمه roomer حمله ع الايفون وشيك وان شاء الله تلقى حجوزات فنادق مكنسلة بنص السعر طريقة الموقع انو فيه ناس تحجز فنادق عشان بتسافر ويصير عندهم ظروف ويكنسلو السفر وحجوزاتهم غير مسترده وهما يعرضو هالحجوزات في الموقع ع الاقل يرجع لهم شي احسن من يروح كل المبلغ طبعا هذي فكرة الطبيق وكمان مضمون 100% ونتمنى لك رحلة سعيده وممتعه ان شاء الله لو مازبطتش معاك ايطاليا فتركيا هي الخيار المناسب والافضل |
وعليكم السلام ورحمة الله وبركاته الف مبروك والله يتمم لكم ع خير يارب لفت نظري انها اول سفرة لكم خارج البلد والسفر قطعة من نار زي ما يقولوا نصيحة اخوية استخير اولا ثم روح البلد اللي نفسيا ارتحت لها من خلال اطلاعك ومشاهدتك لتقاريرها ثم أتمنى ان تذهب مع قروب سياحي متكامل بكج كامل من مدينتك للعودة لها بمعنى تذاكر وسكن واستقبال وتوديع ورحلات وهذه تخليك مرتاح وعارف كل امورك من البداية للنهاية واعتبرها تجربة وخبرة لسفراتك القادمة باْذن الله والمكاتب المضمونة كثير والحمد لله وترى كل الدول والمدن فيها ايجابيات وسلبيات شوف هواك إنتا ايه مدن أرياف تسوق سهر رحلات مغامرات وكذلك زوجة المستقبل وعيييييييش حياتك ياغالي فقط الترتيب الترتيب الترييب وفق خياراتكم ومزاجكم وراحتكم النفسية وهيا اهم نقطة لكي تكون سفرة ماتعة باْذنه تعالى وألف الف مبروك مرة اخرى |
| الساعة الآن 04:21 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO