مساعدة في تخطيط شهر العسل (النمسا,سلوفينيا,ايطاليا)
 

السلام عليكم ورحمة الله

بعد بحث وتخطيط وحوسة وصلت لهالمخطط المبدأي, لكن احتاج مساعدتكم لأني ماقد سافرت برا الخليج

رحلتي لشهر العسل ان شاء الله بتكون في 4 اغسطس
وراح تكون مدتها 15 يوم ان شاء الله

المخطط الحالي كالتالي:
-ابدأ من النمسا (مابين كابرون وزيلامسي وممكن اذا عندكم اقتراحات لمناطق حولها) لمدة 5 ايام.
-سلوفينيا (بليد واذا عندكم اقتراح لمناطق حولها) لمدة 4 ايام.
-ايطاليا (برغامو و غرادا) لمدة 4 ايام.
-ايطاليا (ميلان) يومين.


الإستفسارات:
1- تشوفون الجدول مناسب؟
2-انا من الدمام, ارخص الرحلات ممكن احصلها من وين؟ الدمام او البحرين؟
3- احجز الروحة لأي مطار والرجعة من اي مطار؟ من حيث الرخص والقرب من المناطق اللي ببدا منها وبنتهي فيها.
4-المسافة بين المناطق اللي بروحها, هل هي بسيطة بالسيارة ولا في مناطق اروحها طيران احسن؟


هذا مجرد مخطط مبدأي ممكن يتغير اذا عندكم اقتراحات احلى
اهم الاشياء عندي, اروح بليد (الفعاليات اللي فيها عجبتني انا وزوجتي), واروح ميلان او فينيسيا وتكون في نهاية الرحلة (عشان التسوق من الآوت لت).


انتظر ردكم واقتراحاتكم

الف مبروك
ترتيبك حلو
بس بليد يكفيها يومين
الذهاب ميونخ او انسبروك و العودة ميلان
كل الرحله بالسياره


ابشر بشوف لك حجوزات طيران مناسبة
اهم شي طلع فيزا

شكرا لك على ردك
طيب السفر من سلوفينيا إلى برغامو كم ساعة؟

وهل تنصحين اني اسكن في برغامو واتنقل بينها وبين المناطق اللي حولها ولا ؟

وبما ان بليد يكفيها يومين, في مناطق اخرى تنصحين اروحلها يومين او 3 بس يكون فيها فعاليات مو اماكن استرخاء ؟

https://uploads.tapatalk-cdn.com/201...fc30e981fd.jpghttps://uploads.tapatalk-cdn.com/201...22dce6b82f.jpg
https://uploads.tapatalk-cdn.com/201...996ef0ac55.jpg


السعودية ارخص 2250
المقارنة كانت بينها وبين اللوفتهانزا


Sent from my iPhone using Tapatalk

من بليد الي برغامو في حدود 5 ساعات
ممكن تتوقف في اوتلت فينيسيا سبق و تكلمت عنه في مواضيعي

اي برغامو افضل للسكن اذا بترجع لموضوع اين تذهب في الشمال الايطالي
https://www.arabtrvl.com/vb/t32312.html



https://www.arabtrvl.com/vb/t32018.html


اليومين زيد يوم في برغامو وفي النمسا يوم

شكراً لك ����☺️

سؤال اخير اختي منيرة

الصور اللي حطيتيها حقت اسعار التذاكر، عن طريق اي موقع باحثة عنها؟

دايركت من الخطوط السعودية
و خطوط لوفتهنزا

اختي منيرة..
عندي استفسارين مهمين

ايش افضل شركة لإستئجار السيارة؟ وهل استأجرها من ميونخ وارجعها فميلان؟
وبالنسبة لحجوزات الفنادق, حجزتها عن طريق بوكنق, وواحد من الشباب قالي عن موقف حصل معاه ان الفندق حجز المبلغ ويوم دخل الفندق سحبو المبلغ غير المبلغ المحجوز وقالوله البنك الحجز ينفتح بعد 14 يوم وتورط في سفرته ان اللمت حق الفيزا نقص, هل في طريقة لحل هذي المشكلة؟

مع الشركات المعروفة وشرط عدم وضع عدد كليومترات محددة
عندك sixt hertz avis budget europe car

جرب من محركات البحث مثل اكسبيديا و رينتال كارلز راح يقارن لك ويعطيك افضل الاسعار

اذا خذتها خط واحد احتمال يكلفك كثير كون مكان الاستلام مختلف عن التسليم
انا اذا حسيت المبلغ معقول و مايتعدي سعر تذاكر القطار بكثير اخذها خط اذا حسيت السعر عالي جدا اخذ قطار و ااجر من جديد

في طرق كثيره للدفع
عمل حجز للمبلغ ووقت السكن يقطعونه
حجز ليله و الباقي وقت السكن
او بدون اي مبلغ
او قطع المبلغ كامل

لذا مهم قراءة تفاصيل الدفع و الافضل قابل للاسترداد

من ناحيتي افضل كامل المبلغ عشان وقت السفر فيزتي ماعليها التزامات