شبكة و منتديات العرب المسافرون - اليونان أو البوسنه .. ب أيهم تنصحوني مع شروط الفيزا لكل دوله لاهنتوا

- البوابة السياحية (https://www.arabtrvl.com/vb/f16.html)

اليونان أو البوسنه .. ب أيهم تنصحوني مع شروط الفيزا لكل دوله لاهنتوا

السلام عليكم و رحمة الله و بركاته ..

أخباركم جميعاً ، عساكم بخير :e306:

يارب يكون مكان موضوعي تمام و مب مخالف :e132:

حابه أستفسر عن البوسنه و اليونان ، أي من ه الثنتين تنصحوني أسافر لها تقريبا بعد العيد يمكن على شهر 11 عربي إذا الله أراد و قدر

الخطه كانت على النمسا بس بما إنهم حاظرين النقاب و الحجاب لغينا الفكره و بحثنا عن بديل و وقع الإختيار المبدئي على اليونان أو البوسنه

اللي أبي أعرفه الله يرضى عليكم و يعطيكم العافيه :

- الأجواء كيف بتكون ب الدولتين ، و أي الدولتين تنصحوني بزيارتها بعد العيد

- الحجاب و النقاب عندهم مسموح بعد و لا فيه إشكال

- الفيزا من وين أطلعها ب الشرقيه ، يعني هل عندنا سفاره نقدر نطلعها منها ب الشرقيه ، و إيش هي شروط الفيزا للثنتين و الأسعار

م أدري إذا فيه شي ثاني غاب عن بالي و م كتبته أستفسر عنه نوروني الله يرضى عليكم ..

المسافرين بيكونون / 2 كبار - 3 أطفال ( 7 سنوات - 4 سنوات - 9 شهور )

و يعطيكم العافيه مقدماً

وعليكم السلام

الله يحييك

تم النقل لاستفسارات البوابة السياحية لتخطيط الرحلة

انا ارشح اليونان
والاجواء فيها راح تكون حول 30 درجة يعني تميل للحرارة شوي

اذا كنتوا تبحثون عن الاجواء الباردة
ارشح لكم جنوب افريقيا

الفيزا ملحوق عليها اذا اخترتوا الوجهة أولاً

اقتباس:

المشاركة الأصلية كتبت بواسطة آخـــرفـــرصـــة (المشاركة 397652)

يعطيك العافيه أخوي ، بس ب النسبه لباقي إستفساراتي ب استثناء الفيزا اذا عندك خلفيه عنها تجاوبني

و أكيد ب إنتظار ردود باقي الأعضاء

يعطيكم العافيه جميعًا

بالنسبة للجو :
البوسنة اجواءها افضل في الصيف حول 22 درجة

بالنسبة للنقاب :
الدولتين ما عندهم مشكلة فيه
لكن اليونان كلها جزر بحرية ممكن بالصيف يكون غير مناسب مع الوضع العام

عليكم السلام

انا ارشح لك البوسنه اشوفها افضل من اليونان والطبيعه فيها حلوة عكس اليونان التي تغلب عليها الطبيعه البحرية

البوسنه اهم شي تشوف اسعار التذاكر وخط سير الرحلة اما الفيزا امرها سهل تطلعها لك المكاتب بحدود 650 ريال للشخص او تسافر على طيران نسمه من الرياض مع وكالة الشدي وهم يتكفلوا بالفيزا

عزيزتي
الحجاب مافيه مشكلة بالنمسا
المشكلة مع النقاب

اتوقع البوسنة افضل بلد اسلامي

اما اليونان كما تفضلوا الخبراء شواطيء

للعوائل لاشك أن البوسنة أفضل

اذا انتي منقبة .. انصحج بالبوسنة

اغلب الانشطة في اليونان بحرية .. و صعبة علينا عدا المناظر اللي مش ولا بد
او تاريخية و الغالب انه بيكون حر و مع النقاب بتتعبين من الحر بشدة

اما البوسنة ف جوها ابرد بمراحل و السياحة فيها تناسب العائلة المحافظة اكثر في نظري