|
هل هذه عملية نصب ارجوكم دلوني السلام عليكم يااخوان حجزت من مكتب سياحة في جده على الخطوط السعودية تذكرتين انا وزوجتي جدة - جنيف - جدة وقال لي قيمة التذاكر ب 6500 ريال + 100 ريال حق المكتب على كل تذكرة 50 ريال يعني المجموع 6600 ريال حاسبته وطلعت ،،،،، وسافرت ورجعت والحمد لله الامور تمام ودخلت موقع الخطوط واستفسرت عن تذاكري وكانت المفاجأة حصلت التذكرتين ب 6152 ريال اتصلت على المكتب ولما قلت له الموضوع قال لي \ احما بناخذ 5٪ على التذاكر 6600_ 6152=448 ريال - 100=348 تساؤلي هل نصب علي !؟!؟ واذا كان نصب وين اشتكيه هل اروح للشرطة؟ ولا على الخطوط السعودية!! اللي عنده خلفيه وخبره عن الموضوع ينورني ويدلني وله جزيل الشكر |
لا اعتقد فيه عملية نصب أخي الكريم لعدة اسباب
|
المعذرة استفسرت عن الحجز قبل اسافر يعني فترة 5 ايام وموظف المكتب لم ينكر السعر |
اقتباس:
المكتب السياحي ليس ملزم بالبيع حسب سعر الخطوط. والخطوط لا تلزمهم بالبيع بسعر معين. ربما كان سعر التذكرة لديهم 3250 ريال. وهو اغلي من سعر بالموقع. لان المكتب لديه تكاليف مالية عليه تغطيتها بالاضافة الى ارباحه. انا لا ادافع عن المكتب ولكن اتحدث عن سبب اختلاف السعر. نقطة اخيرة. في حالات كثيرة الاسعار التي تحصلها من الموقع ارخص من الاسعار التي تحصل عليها من المكاتب. |
اتفق مع اخوي الفارس احيانا يكون السعر لدى المكتب ثابت بينما الخطوط قاموا بتخفيض السعر لعدم وجود ركاب على الرحلة ولا يريدون ان تكون الرحلة عليهم بخسارة او انه فعلا مثل ما قال لك موظف المكتب ولا تنسى ان البائع لو باعك علبة ماء ابو ريال بمبلغ خمسة ريال فهو حر وانت حر تشتريها ام لا :1::63: |
وعليكم السلام ورحمة الله شوف لك محامي شاطر وجده مليانه منهم وهوا يقلك كيف الطريقة لأخذ حقك كامل باْذن الله أَعْط الخبز خبازه والله ييسر لك |
الحمد لله على السلامة الله يعوض عليك اخوي هذا نصب بعينه ولكن الشكوى لله والمكاتب دائما استغلاليه في مثل هالامور ثانياً الخطأ منك ليش تحجز عن طريق مكتب خاصة الطيران نحن الحين ولله الحمد مع وجود الانترنت وبرامج كثيرة تخدمنا يمكن الحجز بانفسنا ونشوف ونقارن الاسعار بين شركات الطيران فالامر سهل كذلك لو ذهبت لمكتب السعودية افضل من المكاتب السياحية بكثير واسعارهم واضحة وبدون عمولات طبعا حقك ضايع والحمد لله المبلغ بسيط صحيح يقهر ولكن يعتبر درس لك في المستقبل لو استفسرت هنا الكل راح يساعدك ويعلمك طريقة الحجز عن طريق المواقع لو ماتعرف عموما السعودية لن تقبل دعواك مالها شغل وكذلك الشرطة ولو قبلت الشرطة دعواك راح تتبهذل في الروحات والجيات وجلسات المحاكم وربما لا تطلع بشي واخيرا المبلغ الحمد لله يعتبر بسيط لا حسافه عليه اهم شي انك استمتعت برحلتك والعوض من الله اعتبرها صدقة ههههههههه او فقدت منك |
تم حذف موضوعك المكرر من بوابة سويسرا ويبقى هنا في بوابة التحذيرات السياحية |
بالنسبة لي ما اشوف فيها نصب وهذي اسعار المكاتب لازم تاخذ فايده هذا شي مفروغ منه وسعره بيكون اعلى من الخطوط حق الخدمه الأولى انك تحجز من الخطوط نفسها وما يكون فيه خدمه بهذا الوقت المستفاد هو في القادم يكون حجزك من مكاتب الخطوط الرسميه مثل مواقعهم بالنت وتطبيقهم |
السلام عليكم و رحمة الله و بركاته ... أخي الفاضل .... مسافر سويسرا مثل ما تفضل بعض الأخوان و ما قصروا في ردودهم ... العملية سليمة و لا فيها نصب و لا شئ ... أسعار التذاكر في كل مكان تختلف و يوم شراء التذاكر يختلف فيه السعر ... و السعر الذي يعرض في موقع الخطوط السعودية دائما يكون أقل من السعر لدي الوكالات السياحية ... لأنه سعر تشجيعي للراكب فقط و لا يستطيع موظفي و مندوبي الوكالات السياحية بحجزه من الموقع .... |
السلام عليكم ورحمة الله وبركاته *** اولا معوض خير اخي الكريم... وكل دقة بتعليمة *** الاخوان ماقصرو كل ادلى بدلوه *** المسئلة هذي الي امامنا مافيها وجهة نظر... واضحة وضوح الشمس ولاغبار عليها ولا يوجد فيها عملية نصب... والي يقول غير كذا يغالط نفسه تماما المكتب اعطاك سعر وانت قبلت... بعد مارجعت اكتشفت ان السعر اقل من موقع الخطوط... هذا طبيعي وين المشكلة او عملية النصب في الموضوع يمكن في نفس اللحظة الي دفعت فيها قيمة التذاكر للمكتب كان قبلك بساعة واحد دفع القيمة اعلى من القيمة الي اعطوها لك هل هذا يعني انهم نصبو على الي قبلك يا اخي هذا عرض وطلب وكل شي واضح والدليل ان المكتب ما انكر... لما سالتهم وقالو لك ناخذ نسبة معينة ارباح المكتب وين المشكلة الاسعار تتفوات من مكان الى مكان وهذا طبيعي حتى بين مواقع الخطوط... هل يعني اي موقع سعره اعلى يعتبر نصاب انا مرة حجزت 7 تذاكر دولية من موقع طيران الكترونيا... وبعدها بيوم اردت ان احجز تذكرة ثامنة لنفس الرحلة ومن نفس الموقع وطلعلي ان الرحلة فل وحاولت مرارا ولم استطع وبعدها رحت لمكتب نفس الخطوط وذكرت لهم الموضوع قالو فيه امكانية الان عن طريقنا بس السعر بيكون اعلى من موقعنا الاكتروني قلت ليش قال جميع خطوط الطيران في العالم اسعارهم الكترونيا اقل من مكاتبهم وهم نفس الخطوط تخيل... فمابالك مكتب ثاني تجاري عادي طبيعي جدا قلت الشكوى على الله حجزت التذكرة ودفعت سعر اعلى من السعر الي دفعته للسبع التذاكر الكترونيا هل هذا يعني انهم نصبو علي بصراحة الموضوع بسيط وواضح ولا يحتاج كل هذا التاويل *** اقدر وضعك اخي الكريم وحرقتك على فارق السعر ولكن قدر الله وماشاء فعل واحب ان اقول لك كل هذا طبيعي... لا يوجد نصب ولا الومك في نفس الوقت وبالتوفيق للجميع |
من وجهة نظري هذه عملية نصب وانا اخوك الشركة تأخذ من كل شخص 50 بالكثير 100 على التذكرة الواحدة وماتزيد بأقصى شيء 150 ريال عن الفرق عن الموقع ثانياً حسب خبرتي والحجز عن طريق كل المواقع من سابع المستحيلات يوصل الفرق الى اكثر من 400 ريال على نفس الفئة نهائياً لان المكتب ماعلمك انه يأخذ 5% من قيمة التذكرة ولم يسبق ليه نهائيا اني شفت مكتب غير شركات الطيران نفسهم وهم ماوضحوا لك انهم يأخذون لو شفتلك محامي ممتاز ممكن يعوضونك بمبلغ محترم جداً |
بالنسبة للخطوط السعودية فاسعار التذاكر عن طريق الموقع ارخص من المكاتب السياحية وايضا مكاتب السعودية نفسها. فحاول اذا حجزت عن طريق الموقع مثلا تسدد عن طريق خدمة سداد وتضمن سعر ارخص |
| الساعة الآن 02:15 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO