|
شهر العسل وين اروح ودي في أوروبا بس اي منطقه ؟ السلام عليكم ورحمه الله وبركاته ابي ادخل بالموضوع على طول ان شاء الله راح اتزوج قريب و ناوي اروح اوربا في شهر العسل ناس نصحتني في ألمانيا و النمسا و سويسرا و ناس انصحتني ب ايطاليا و فرنسا و اسبانيا و الله اني محتار ياليت الي زار الامكان هذي يعطينا نصائح وش الافضل بالنسبه للمتزوجين و اكثر أمان |
الف الف مبروك ربي يتمم لك على خير اولل وقبل كل شيء لازم تجاوب على هالاسئله 1 . السفر في اي شهر لان اوربا الان داخله بعد شهر ونص بفصل الشتاء والبرد والثلوج واغلب الفعاليات من زحليقات وتلفريك بتقفل الا اذا حاب شهر العسل في سياحه شتويه وماانصحك فيها توجد مناطق باوربا بيكون شتاها افضل من غيرها لكن بتكون بالمدن الكبيره ومولات وتسوق ومتاحف بعيد عن الطبيعه والخضره 2. مو كل مايناسب غيرك بالضروره يناسبك كل شخص بينصحك حسب تجربته وميوله هو واللي يحب لكن المهم تبحث عن اللي يناسبك والمدام فانصحك بقوه تدخل بوابات الدول وتاخذ لفه بسيطه وتشوف الصور وتشوف اللي يميل له قلبك 3. من اهم الاشياء اللي تحدد الوجهه كم عدد الايام وكم الميزانيه للان اوربا ليست برخيصه بالتوفيق تم الإرسال من SM-G935F باستخدام Tapatalk |
و عليكم السلام ورحمة الله وبركاته الف مبروك و الله يتمم لك على خير يا رب اذا بفصل الشتاء انحاش عن اوروبا و روح شرق اسيا ( مجرد اقتراح فقط ) و الله يسعدكم و يوفقكم في سفرتكم |
انا راح اسافر في الصيف و الميزانيه حدود 30 الف ريال سعودي طبعا مده الرحله اسبوع او عشر ايام |
فكر في اليونان اثينا وجزرها يمدحونها |
اقتباس:
:e327::e303::e24d: |
| الساعة الآن 11:22 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO