|
عاداتكم الجميله في السفر / سوالف تايم السلام عليكم ::::::::ايها الشباب والشابات الجميلين المزركشين ايها الشعب الكريم ... تحيه اليكم .. لكل منا عاداته في السفر والتي يفعلها دائما ويستمتع بفعلها .. ويجد نفسه فيها .. تختلف من شخص لاخر .. حدثونا عن عاداتكم ومغامراتكم في السفر ... بالنسبه لي : :18:من عاداتي الجميله في الطرق السريعه بين المدن في سفراتي حول العالم اذا مريت احد بالطريق اشيله معي خصوصا العائلات والعجائز :) تحس انك فعلا مسافر وغريب .. الالتقاء بالغرباء امر جميل فمن عائله يهود فنلنديين برومانيا الى عجوز حليله بكازا بلانكا تتكلم مغربي ماادري وش تقول بس فهمت ان بلادهم زويييينه :) الى عجوز سكرانه بجورجيا يوم مرينا الصليب تصلي الى عازف عود في المانيا .. طلب موسيقى فسمعته اغاني سعوديه قال ابي ترايدشنال ( شعبي ) وشغلت له من اليوتيوب الفيه الصريخ هههههههههه قال ترجم لي قلت يقول الفنان انه اذا فقد حبيبته يبكي كثيرا / الى عائله مراد الشيعي في اذربيجان الى واحد سائق شاحنه قابلته حول ميونخ في باركنج وكنت مسوي قهوة عاقده وبالقرنفل بعد .. فطفا الغاز معي وعطاني الدافور حقه وقهويته له كم فنجان واعجبته القهوه وهو مسافر للنمسا .. شكله مارقد الا بفينا هكالليله :e449: مغامرات جميله وحاجز اللغه مايوقف بينك وبينهم يحاول الناس ان يتلطفوا للغرباء وانت عاد تشرح بكلمتين وكثر الضحك وقول يس لاي شي .. ترا اللي يركبون مع الناس مايحبون يقولون الا الصح :::: واذا شفت انهم عوام مره .. لاتقول الرياض يمكن ماايعرفونه قل لهم ايام فروم دبي .. دبي ذي ماشاء الله كل العالم يعرفونها :e01b::e01b: |
وعليكم السلام ... ماشاء الله عليك ..وسيع صدر وماخليت شي... موضوعك للجميلين والمزركشين وانا منيب جميل واشعث اغبر ... بس اني احرص في،السفر اصحى بدري مررره مع بداية النور نطلع نبدا البرنامج اليومي ..ومع مغيب الشمس اكون رجعت لمكان الاقامة ... واحرص اقراء تعليقات الناس،على المكان سواء اقامة او مزار سياحي قبل الذهاب له ..في المطاعم احيانا يكون فيه احد من سكان البلد خصوصا كبار السن احس انه يبي قول لنا شي فما اخليها بنفسه وابدا خوار معه،بأي سؤال عن المنطقة او افضل اطباق المطعم ...الاعلام في كل بلد مشوه صورة الناس في البلاد الاخرى ..صورتنا سيئة عندهم مثل ماصورتهم جدا سيئة عندنا بس،العكس هو الصحيح ..فاصبحت مااهتم لاي،شي في الاعلام واعتبره كذب في كذب والهدف موب واضح . |
هلا أبو لجين الشاب الوسيم الجميل المزركش من عادتي ادخل فيهم عرض لأني غالباً أسافر لوحدي و بالتالي ابدأ صداقات متعددة لا تنتهي مرة لقيت وحدة برازيلية في ريو دي جانيرو تضرب لها واحد اوروبي و أنا ضايقني تصرفها وهو ساكت ما يتكلم وصراخها مزعج المهم دخلت بينهم وخليته وراي تكلمني برتغالي بس انا معطيها نظرة حقد وهي تحسبني برازيلي وانا ما اعرف ولا كلمة برتغالي وكانت أول ليلة لي بـ ريو خافت مني و تراجعت خبرك عندي نظرات قاتلة هههههه بعدها يكلمني هو برتغالي قلت ما اعرف شي اول ليلة هنا قعد يضحك وطلع الماني صرنا أصحاب طول رحلتي وصار هو المرشد السياحي لي في البلد وبعدها سافرنا الى تايلند مع بعض |
مممم حي الله المزركشين تقريبا بدت فيني عاده الاكل في طاوله مشتركة مع ناس غرب اذا في مطاعم عندهم طاولات الشيرنغ واسولف معاهم .. والثانية حب التعارف في وسائل النقل الباصات و القطارات |
اقتباس:
أصيل أبو غسان راعي فزعات :3: |
بالنسبة لي احرص على تعلم اللغة ولو كانت سفرتي لعدة أيام. اقصد بعض الكلمات والجمل الهامة. أصير راعي ديرة. :13: |
صباح او مساء المواضيع الحلوة الخفيفة اللطيفة و بما انه موضوع مزركش ، قلت ازركشه :ikuy: عادتي قبل السفر لازم على الاقل شنطة جديدة و بعض الملابس جديدة و زوجي ما شاء الله مثلي ايضآ وقبل موعد السفر باسبوع الشنط جاهزة بكل شيء من لاوازم العناية الشخصية و المكياج و القهوة و لازم نشتري شكولاتات و حلويات و شيبسات عشان نتسلى فيهم :17: و شي ثاني ، في السفر اصر اني ما اخذ معاي غير زجاجة عطر وحدة بس، و نتعطر فيها كلنا أنا و زوجي و بناتي عشان ريحته ترجع لي الذكريات الحلوه :dfvd: وفينى عيب إنه في الطيارة على طول اناظر الشاشة و اشوف كم باقي نوصل. :ikuy: |
ماشاءالله حركات يا الربع انا زركشتي بس ابتسامات اوزعها للي يطالعني بيسولف اسولف ما يبي يسولف ابتسامه وخلاص نهجي خلك بحالك وخلهم بحالهم احنا من زمان اووي اذا سألونا عن ديرتنا مادري ليش نقول احنا من دبي لانها معروفه اكثر بس بعد الغزو نقول لهم من الكويت واذا ما اعرفوها نقول لهم جيران دبي ههههه يعطيكم العافيه اذا تذكرت شي اكتبه المره اليايه |
اقتباس:
ايها الاشعث الاغبر ابن الصحراء :14:تقول تصحى الصبح وهذي عادات النشامى يالرفيق واتفق معك تماما فيها .. فالنشامى يطلعون مع العصافير ويضوون بدري .. ---- اراء الناس استأنس بها للامانه لاني اعتقد ان اغلبهم صادقين فماله مصلوح انه يكذب والقاعده ان الناس ماتجتمع على باطل يعني ممكن تلقى تعليق او 2 ماهي جيده او ربما غير صحيحه ولكن من الصعب ان يتفق الكثيرون على نفس النقاط ومثلهم نحن اذا قيمنا نتحرى المصداقية ---- فتح الحوار مع كبار السن يدل انك رجل نبيل متسامح مداخلتك لطيفه وجميله ومرتبه تحياتي لسموك |
اقتباس:
اعجبني نظام الحميا العربية .. حلوة عريبيا فازع لالماني بالبرازيل (ملتي ناشيونالتي هوشه ) السفر وحيدا ايدك عليه ففيه متعه لايعلمها الا الرحاله العظمى من امثالك وامثالي ( احم احم ) كان قلت للالماني .. شفت عريبيا فكوك يابناخي هتلر صداقات الاسفار البعض يوفي وتستمر وجميل انك ماشاء الله عليك حققت سفره ثانيه مع رفيقك .. يعجبني جوك |
اقتباس:
اقتباس:
ماشاء الله عليك .. كثير مننا يالخلايجه لايمكن :17:ياكل مع احد .. تحس انك تسمع صوت (اكلك) الاجتماعيين حلوين ... يرى البعض ان التحفظ مطلوب ولكن الشعوب الاخرى ليست كما نقرا عنهم والعوام يمكن الدخول معهم بل ان البعض يبدو الطف اذا تكلم منه وهو ساكت في الباص .. تحياتي لسموك |
اقتباس:
ابو غسان طقته الحميا ( اخو هتلر اخوه ) |
اقتباس:
حركه ذكيه .. دنكا دنكا اهم شي لاتحاول تحفظ التحيات في اندونيسيا سالفه كامله واخرتها صباح الخير هههههه |
اقتباس:
قراءات في رد الاخت مونامور -اسمك يدل انك رومانسيه فمونامور مقطوعه موسيقيه شهيره -طبقه مخمليه واضح ( يدلعون انفسهم قبل السفر ) العوام امثالنا شنطتهم تتكسر رجليها وهم يسحبونها في المطار - عائلتكم صغيره ومرتبين العوام ) لو اخذوا شيكولاتات اكلوه الاطفال قبل يطيرون :) -فيه تناغم جميل بالعائله عطر موحد وتوافق (ماشاء الله) اكيد زوجك اسمه مهندس احمد -انتي ملوله( خربها ) بدليل انك تناظرين كم باقي من الرحله للامانه اعجبتني ( الترفيه الذاتي ) وحركه العطر وارتباطه بالذكرى حركه فاخرة تحياتي لسموك وحفظكم الله في حلكم وترحالكم @ عندكم شنطه موف للبيع حقت السفره الماضيه ههههههه :e419: |
اقتباس:
كل الخلايجه يقولون اي فروم (دولته ) ثم يقول الخواجه ( وير از ذس .. اريبيان وورد ام اي رايت ) فتضطر مع الاحرام تقول ( ات از نكست تو دبي ) اووووه اي نو دبي اي وش تو قو ذير ههههههههههههههههههه لو يدرون الاماراتيين انا نغار منهم :6: مره في جورجيا جتني بنت صغيره تشحذ وتلح علي وتعلق بساقي بيديها كلها ههههههه وتقول بعربيه مكسره لاااااا اله الا الله دبي ( تبي تفهمني انها مسلمه ) ههههههههههههههههه |
ماشاء الله عادتك صعــبة وتحتاج قلب شـجـاع ومتمرس باللغــة هنا بالطرق السريـعة بالليل ما تــوقف لأحـد خوفاً من الشبهات وقطاع الطرق من عادتي قبل السفــر ازور مكتبة جـرير ومن كل بستان وردة اخذ 4 أو 5 كُتب للأستمتاع بالقراءة خاصـة لما اكـون مسافر لوحــدي قراءة في وقت إنتظار الرحلات أيضاُ قبل النوم بالكافيهات تسليـة وأكتساب معــرفة . |
اقتباس:
سبحان الله ، زوجي فعلا اسمه احمد و هو خريج هندسة ، كيف عرفت :30::30::30: حركة العطر تعلمتها من الوالد الله يحفظه ، الى اليوم اتذكر النمسا من ريحة فهرنهايت الرجالي الاحمر. للاسف ما عندي شنطة موف و لو عندي ما تغلى عليك اخوي،،، |
اقتباس:
:32::32::32: ضربة حظ العطر مميز و ريحته ما تنسي بصراحة فكرة ربط الرحلة بعطر معين فكرة رائعة أهني الوالد عليها |
للامانه ليست ضربه حظ وانما لي عاده دائما وحصلت معي كثيرا احيانا اشعر بشعور (يقيني) اكثر من الظن في كثير من التفاصيل وتصدق كثيرا |
للأنقياء تحية وسلاما .. |
والله يا بو لجين بعد ما قريت الردود طلع ماعندي اي عاده بالسفر :) لكن ودي اجرب السفر بروحي |
اخذ قهوه معي:e022: |
مشكوور على العادات الجميلة |
| الساعة الآن 03:20 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO