السفر الى ماليزيا
 

السلام عليكم ورحمة الله وبركاته
الله يوفقكم اجمعين موضوعي اني مسافر سياحة لماليزيا تحديدا (بينانج - كوالالمبور) وابي احد يفيدني بالتنقلات الاقتصاديه بالمدينتين هذي لان والله حبيت اغير جو انا والمدام لكن الوضع المادي لك عليه شوي والحمد لله طبعا سفرتي يوم 1/10 والرجعه 1/18 والسكن ثلاث ايام في بينانج بفندق فيو بيتش وباقي الايام بكوالالمبور بفندق صن واي بوترا ياشباب احد يساعدني بالتنقلات الداخليه ابي المترو طريقة الطلوع والخروج بالمحطات واي افاده الله يرضى عليكم
وشكرا ,,,

وعليكم السلام ورحمه الله
تروح وترجع بالسلامه

في التنقلات اعتمد على تطبيق جراب جدا بيوفر لك في بينانج وكوالالمبور وايضا ممكن تخلي زياره الحدايق في يوم واحد وتركب الباص السياحي يوديك اهم المعالم في المدينه ومتوفر في بينانج وكوالالمبور بوحسن متكلم عنه في موضوعه للمثبت اطلع عليه بيفيدك
واما المترو والمونرول موجود في كوالالمبور تقدر تستخدمه


بالنسبه للفنادق خياراتك جيده ومناسبه لميزانيتك فندق بينانج في المنطقه الحيويه في بينانج وحولك كل شي تروحه مشي مطاعم بقالات صرافه
وفندق كوالالمبور ممتاز ونظيف و بعيد شوي عن المنطقه الحيويه لكن تحت مول وخدمات ومع جراب مافي بعد وايضا قريب منك محطة المترو يعني ماراح تتعطل



وبشكل عام الصرف يحكمها الشخص لذلك بعد عن المطاعم العربيه لان اسعارها عاليه وجوده منخفظه خلك على الايطالي والسريعه والبحري في بينانج وباذن الله تكون رحله ناجحه وتستمتع فيها

تم الإرسال من SM-G935F باستخدام Tapatalk

مثل ما قال لك اخونا الله يوفقك ونتمنى لك رحله سعيده

الله يعطيكم العافيه اخوي (عشقي السفر ) (للجنون بقيه ) (ابو حسن 9 )
مشكورين على المشاركه وان شاء الله اوافيكم بكامل السفره بعد الرجعه من هناك

بينانق مافيها شي حلو. لكن الله يوفقك.
القراب كار اسهل لك وارخص. داخل المنطقتين وخذ لك باص من كوالا لبينانق وبالعكس.

نتمنى لك رحلة سعيدة