فزعتكم للطفارى أول مره بنسافر دبي
 

سلام عليكم ياجماعة الربع
الله يمسيكم او يصبحكم / كلن على حسب توقيته
الكتاب مبين من عنوانه

نبي مشورتكم وتجاربكم في السفر لدبي ..
( طيران - سكن - معيشة وترفيه )

رجججججاء خاص لحد يقول انت خبل تروح دبي بهالحر؟ لاني عارف الجو صلخ لكن الدنيا بتكون مكيفه ان شاء الله نبي نستمتع ونتأقللم


احنا 5 شباب بنسافر لدبي لأول مره بعد ثلاث اسابيع من الان .. يعني تقريبا بتاريخ 4 او 5 ذو القعده

بالنسبة للطيران بحثت في الموضوع لمدة يومين لقيت أرخص شي ( طيران فلاي دبي ) بـ 987 للشخص الواحد ذهاب وعودة من جدة لدبي .. واشوفها ممتازة كسعر لكن مدري وش رايكم كطيران ومشاكل .. الخ ،، نقول بسم الله ونحجزها ؟؟؟؟



..

والشي الثاني
باقي السكن محتار والله ما ادري وش نحجز وكيف الاسعار ابي فزعتكم في ذي الهرجه .. نبي شي مايكون بعيد عند مول دبي والمناطق هذي اللي فيها اشياء تسوق وتنقل وتمشيات راح نروحها في الغالب ( لان مامعنا سياره ولا راح نستاجر بنقضيها مواصلات كريم وتكاسي ومترو ) فنبي شي يكون موقع استراتيجي وسعره مناسب مايكون اكثر من 2000 تقريبا

..
ثالث شي والاخير ..
نبي رأيكم في المواصلات وش الافضل والاوفر كخمس اشخاص للتنقل داخل دبي او حتى خارجها

+

آخر شي خلاص من جد ..
اذا احد عنده جدول ينصحنا فيه نزور بعض المرافق والمراكز في دبي ياليت ينصحنا لأنه شكلها اول مره واخره مره لدبي نبي نستغل ههههههههههههههههههههههههه هههههه

سامحوني على الإطالة .. واتمنى القى اجاباتكم وتفاعل

صباح النور
بالنسبة ل الطيران حاولوا كمان تشوفون ناس مرات تكون فيها عروض مرة مناسبة و أرخص
التنقل ب المترو راح يكون أوفر و سعر مناسب ل التنقل ����

بالنسبة ل السكن شوفوا البوكينق و اختاروا يكون قريب من المترو
فيه فنادق اسعارها جدا مناسبة
مو لازم تكونون وسط المدينة و بجوار المول
التنقل سهل بواسطة المترو

هلا بك ياحربي

ماعلمتنا كم يوم بتقعدون في دبي ؟

عموما سعر التذكره مناسب في شهر July

والفنادق ارشح لك السلام للاجنحة الفندقيه ، اليوميه تقريبا ب 540 ريال للغرفتين

الفندق ممتاز على طريق الشيخ زايد وقريب من دبي مول والسيتي ووك والجي بي آر

. توجد محطة للمترو اسفل الفندق يعني من الفندق الى المحطة على طول .

ويمكنكم استخدام تطبيق اوبر للتنقل بكل سلاسه وانتم على طريق الشيخ زايد .


رحلة سعيده .

بعد اذنكم ..
كيف اتاكد ان السعر اللي بدفعه عبر تطبيقات حجوزات الفنادق سعر نهائي شامل الضرايب
عشان ما اتجحفل بالامارات وتطلع لي ضريبه من حيث لا اعلم

بعد اذنكم ..
كيف اتاكد ان السعر اللي بدفعه عبر تطبيقات حجوزات الفنادق سعر نهائي شامل الضرايب
عشان ما اتجحفل بالامارات وتطلع لي ضريبه من حيث لا اعلم ... ؟

:11:

يكون مكتوب في الموقع اللي تحجز منه هل يشمل جميع الضرائب او لا

افضل موقع يعطيك السعر شامل الضرائب هو المسافر


بالنسبة للتنقل أشوف لو تستاجرون سيارة أفضل
اخذت سنترا في دبي قبل 6 شهور طلعت علي ب 1000 ريال تقريبا مع التأمين الشامل
لمدة 9 ايام

بالنسبة لدبي الحين هالايام كله تخفيضات فنادق .. اذا تبون توفرون بتلاقون علي القوقل فنادق من سعر 150 درهم لليلة .. ولين 10000 يعني حسب انتو وين حابين تسكنون .. انا اليوم مثلا لقيت فنادق قريبة من دبي مرين ب 200 وتقييم رائع عليها ...
ولما تسوي بحث دايما شوف وين قريبة من المترو واسكن فيها وبما انكم شباب بروحكم يعني السكن بيكون اسهل والاكل والمطاعم موجوده بكل مكان.. اهم شي الفندق .. وعقب سهالات .. وفي محركات بحث كثيرة تحط لك السعر شامل الضريبة بس انت حط المنطقة اللي حابين تسكنو فيها اذا قريب من مول من سوق من بحر .. وكل الخيارات تطلع لكم ..


بالتوفيق

عندك دبي سفاري

دبي موب ممتار