|
السفر الى اوربا في يناير السلام عليكم اريد السفر الى اوربا في نهاية شهر ديسمبر تقريبا من 20/12 الى 20/1 اريد نصيحتكم للدول الممكن زيارتها و الاستمتاع فيها علما باني كنت اريد السفر الى ميونخ و باريس و امستردام و من ثم العوده الى ميونخ الا انني قرات الكثير من التعليقات في الانترنت بان هذه الفتره غير مناسبة للسفر لهذه الدول و ايضا تعليقات اخرى بانها من افضل الاوقات للسفر لهذه الدول ارجوا منكم المساعده |
عليكم السلام الناس اذواق لذلك الاختلاف وارد لكن السؤال المهم هل انت تحب الاجواء البارده والثلج اذا كان كذلك فهذا التوقيت يناسبك اما اذا كنت تحب الاجواء المعتدله والطبيعيه الخضراء فهذا الوقت غير مناسب لك |
هذه الفترة برد وثلوج ، وبالنسبة للطبيعة بتكون ثلوج في كل مكان اللي يحب التزلج بتكون مناسبة له إذا بيزور المرتفعات الجبلية بتصادف في المدن إحتفالات الكريسماس المدن اللي إخترتها ممكن تزورها في أي فتره من السنة أما المناطق الخارجية فتختلف حسب فصول السنة من حيث الطبيعة والجو |
اقتباس:
العام الماضي سافرت ب 26 /12 لشمال المانيا وبعد راس السنة رحت بادن بادن ... انقهرت صدق اني مابكرت كم يوم ... اسواق الكريسمس كانت مرررررررره جميله في بادن بادن وهي طبعا اسواق مؤقته لفترة الكريسمس .. ماقدرت اشوفها بالشمال لانه خلص الوقت وشفتهم في دوسلدروف يشيلونها .. السنة هذي ان شاء الله ناوي اروح هناك قبل تقفل لانهم يبدون يشيلونها من 25 ديسمبر .. فعلا الاجواء مره حلوه والاسواق فيها اشياء عجيبه صعب تلقاها بغير هالوقت بسهولة .. انا اشوفه من افضل الاوقات للسفر . الكافيهات في فنادق القرى مره جميله بعد المغرب بعد تعب التمشية اليومي . ميونخ بتكون حلوه بعد في هذي الفترة وبادن بادن اربع ساعات بالسيارة .. امستردام حلوه بس مشوار طويل بيكون .. اعتقد لازم تريح بالنص يومين او ثلاثة خصوصا الفترة هذي حلوه ومليانة فعاليات الكريسمس قد قريت ان اجمل اسواق الكريسمس موجود بالمانيا - باريس انا ما احبها ابدا فما راح اعلق بس اني زرتها مره من المرات بالشتاء وكانت شهباء . - اذا ماعندك مشكلة مع الثلج فهو وقت مميز . |
| الساعة الآن 02:49 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO