|
موقف انساني في اسفارك / سولف علينا الاخوات الماجدات الاخوان الكرام .. ايها الشعب الكريم :63: بما انكم محجورين ولاهنا روحات وجيات وبوكنج اللي تحوسون به دايم ماعاد يغري .. وتويتر اصبح ممل وكله ( كورونا بيولوجي ) .. بعضنا يتثقف ويعوج لسانه حتى ينطق كلمه ( بيولوجي ) يقاله فاهم .. بس يتحمس ويعبر ( فايروووس انطلق من المعمل مادروا عنه ) يامسلم تراه فايروس ماهو :e529: خروف لااااحول :1: نعود فنقول حدثونا عن مواقف انسانيه لن تنسوها في اسفاركم .. غريب قابلته .. طفلة صغيرة .. عجوز ساعدتها .. منظر لفقر .. لغنى .. مسكوك الشرطه :1: نصب عليك احد بيبني مسجد ( عادي علمونا ) حسيت انك في خطر .. انسرقت اموالك الخ المهم الموضوع لكم ومنكم هاتوا سوالفكم وتراي ابزعجكم بسوالفي |
طبعا انا اعشق ( البنات الصغار ) لاشفتهن دخت يمكن لاني ابو لجين :) مع ان عندي ولد حفظه الله بس لانه اتى بعد لجين فابولجين ( أحب اسمائي الي ) << قلب فصحى بدري يابولجين الرشيد :29: المهم مره كنت ساكن بفندق ( سالب نجمتين ) مافيه الا انا واثنين اوربيين ( داخل حاره ) بتبليسي بجورجيا ومع عادتي مااطلع كثير بالليل .. تعرفت على صاحبة الفندق لها مكتب تحت ولها بنت عمرها 10 سنوات .. لطيفه جدا تدرس بالانجليزي .. وتوريني دروسها على ان لغتنا اكثرها اشاره .. المهم صارت صحبه وكلما جيت جبت للبنت حلاو ومن بكره نزلت للسوق واخذت لبناتي مواد مدرسيه ( اقلام وغيرها) ابيهن يتميزن بهن ( كاشكال غير الموجود بالمكتبات لدينا) واخذت لصديقتي هذي معهن ( امها .. تعبر بكلمات انجليزيه مكسره عن امتنانها ) يوم بغيت امشي كان وداعا حزينا ( كالمعتاد حفظني الله ) الاطفال هم ثلاث ارباع الانسانيه كل ماقالوا جورجيا تذكرت صديقتي الصغيره ودروسها :7: |
وبنفس الرحله جورجيا يوم اصبحت طلعت سيارتي من موقف المدير تحت العماره :17: صرت صديقهم بسبب الطفله وصداقتي معها .. ودعتهم وانطلقت للجبل وحيدا شريدا معي سيارة .. ومريت احد القرى وشريت ( مشغل ام بي 3) كان معي فلاش محمل فيه شي اسمعه .. شريت من متجر مااحد يعرف انجليزي ( دخلت جوجل ) ووريت البائعه الصورة فركضت وجابته لي .. وانطلقت المهم مالكم بالطويله .. ( التجول لوحدك ) جميل شوي ولا امرأة خمسينيه تأشر على الخط .. وقفت واشارت قدام قلت ( كازباجي ) اسم الجبل فهمت اني رايح يمه .. وركبت .. وتليتها ( مسوي معروف يقالي) المهم طلعت طلسم لا انجليزي ولايحزنون .. (اللي يأشرون بدول شرق اوربا .. كثير وامر معتاد وخصوصا ان الطرق صغيره وماهي هاي وي وكلها قرى ) شوي .. ولاحظت عجوزي ماهي مضبوطه .. ابولجيين صدق ههههههههه .. دققت .. ولا رفيقتي ريحتها تعاطي ( سكرانه الملعونه ..مع انها متماسكه عادي ) :14: اوااا الله الحسنة .. عجوز كافره وسكرانه :24: المهم اشرت لها كم باقي قلت شوي ياوجه الخير ( ياوجه الخير ذي من عندي) شوي وحنا نمر ( انا وعجوزي على سيارة بقس زرقاء ) ههههههههههه ومشغل لها ( أسمر عبر) ياااا والله الجو مرينا بصليب بمدخل احد القرى يجي ارتفاعه يمكن 10 متر وعجوزي تقوم تصلب على صدرها ( تصلي ) بعد لاااابو ذا العين ياااااه واشوا ماطولنا يوم وصلنا اخر القريه قالت يمين وانا اسفط وتنزل عجوزي السكيرانه .. وانا اواصل رحلتي ولاعلمت احد .. ههههههههههههههه هههههههه هذا من ذكريات جورجيا .. وياما حتشوفون من السوالف |
ابو لجين عجوز سكرانه :32::32::32: والله فلم وانت متحمس مشغل لها أسمر عبر :32::32::32: طلع طلع باقي العلوم يابو لجين يبدو انه عندك قصص كثيرة انا في السفر اقشر ما اكلم احد ولا اسلم على احد ولا اساعد احد |
أبولجيـن ... أنت وش ناوي علينا "ترانا في حجر منزلي" :9::9: و الله لو نسولف هنا بنطلع البلاوي .. يا رجال من قريت موضوعك .. تخيلت معظم الجريات كأني مشغل شريط فيديو JVC ذاك القديم و أترك عنك ماش ما جاء أي مقطع في الشريط لموقف أنساني ... و الحمد لله ما فيه لا عجز و لا شيبان سكارى .. و الأطفال كلهم مواليد رضع "ترا مريت و لا كأني شفت شئ.." "حقوق القصص و السوالف محفوظة .. " :17::17::17::17::17: |
لو انك مشغل لها شيلة زلزلة كان علوووووم بس ربك ستر |
موقف انساني :2: مااذكر بس بعصر الذاكرة وارجع |
هلا وغلا ابو لجين ومن غير ابو لجين يشطح بناهنا وهناك ياخذنا الى الذكريات والاهات ذكريات بما فيها من جميل وغير جميل ننبش الماضي ومافية من احداث نسردها |
مواقف رائعة من مقام سعادتكم يا أبا لجين الله يحفظها لك هذي نبذه من مواقفي الانسانية ولولا ضيق المساحة لنثرت هباتي وتضحياتي من أجل البشرية <<< خف علينا يا بل قيتس :32::32: مرة من المرارير كنت اتسوق بهايبر (كارفور) في جاكرتا أعرف انكم بلشانين بنطقه مره (كيرفور) و مرة (كرفور) و اخرى (كارفور) ما أقول الا الله يصلحكم بس اشتريت مقاضي كثير من ضمنها صندل للحمام أكرمكم الله ولما خرجت كانت الأجواء ماطرة وتجي عجوز تجري وتأخذ العربية وتنزل المقاضي بالسيارة وكانت حافية القدمين فـ مددت يدي الكريمة وبعثرت المقاضي الى أن عثرت على الصندل والبستها اياه و اعطيتها 100 ألف (40 ريال وقتها ) فنظر الي الجميع بكل حب وتقدير لدرجة أن شابة اقتربت مني وقالت لي شكراً ( ماكاسيه) صرت شوكلاته ذبت على نفسي كانت لحظة تجلي أحسست بحلاوتها الى أن وصلت للفندق و أدور الصندل ما لقيته تذكرت أني اعطيته اياها قلت الله واكبر وش العطاء اللي نزل عليك المهم ان ابليس ما يترك بحالك حتى في أوقات التجلي يوشوش لك ما كفاية يا شوشو :32: |
تسلم أخوي أبولجيـن فهد على الموضوع الجميل واللي زوجته عضوة في المنتدى يحاسب لا يقط خيط وخيط :17: لي موقف ما أنساه كل ما تذكرت اسكوتلالندا في سنة 1996 كانت أول زيارة لي لأسكوتلاندا وصلنا الفندق وطلعت مع أخوي وسرنا منطقة كلايدبانك نشتري أغراض " مقاضي " وأنا لابسة عباية ونقاب وأمشي في السوبر ماركت وإلا بطفل يتعلق بظهري :49: ويصارخ بات مان بات مان :yolks00380: وقفت ومسكت عبايتي لا يسحبها إلى أن جاءت أمه وشالته عني واعتذرت لي وكثير من المواقف وخاصة في الحرم المكي أمسك أطفال ضائعين ويبكون وأوصلهم للعسكري :e201: ويحفظكم الرحمن ويرعاكم |
| الساعة الآن 05:48 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO