|
طبخات مناسبة للسفر...يالله نتشارك السلام عليكم ورحمة الله وبركاته |
خووش موضوع ام رزان العيش والمعكرونه اهم اكلات تشبع البطن ويحبها الكل واسهل شي ان شاءالله نشاركج بالموضوع |
اقتباس:
ياريت كل الاعضاء يشاركو لانو حقيقة ناس كتير بتحتار..كدا احنا نساعدهم في طريقة عمل الوجبة وناخد اجر ودعوات حلوة شكرا على مرورك عزيزتي ... واقتراحك جميل بس مانزلتيلنا وصفة حلوة منك |
فكرة جميلة تسلمين ام رزان :e032::e032: أنا مثلك ما أخذ أي شئ من هنا استمتع بمنتجات البلد اللي راح أزوره :72: أسهل طريقة تشتري خبز توست + جبنة سايلة + مربى + عصير أو حليب طازه من السوبرماركت و استمتع الطريقة : تقوم بتسخين التوست في المايكرويف أو التوستر ان وجد ثم تدهن الجبن بعناية على التوست وعلى القسم الثاني من التوست تدهن مربى تناوله مع الحليب الطازج وبالهناء والشفاء ما أطبخ أبداً :18: |
موضوع جميل و فكرته ممتازة .. شخصياً .. ضد الطبخ في السفر و في جميع سفراتي العائلية إذا كنت مستقر في بيت أو شقة مجهزة أمر السوبرماركت و أشتري خفايف مثل توست و جبنة شرائح و مربي و كورن فليكس و حليب للفطور الصباحي "فقط" و طبعاً بعض الفواكة :e147: :e345: :e30b: الأجازة أعتبارها راحة من كل شئ و من ضمنها الطبخ و أحرص على تجربة الأكل في المطاعم المختلفة في الدولة التى أقيم فيها .. |
اقتباس:
فطور وسناك سريع وحلو بالذات لأصحاب الفنادق فعلا المربى بالزبدة أو العسل أو زبدة فول سوداني اما الجبنة بيضا أو شرايح صفرة أو لبنة حتى الله يعطيك العافية ... |
اقتباس:
صحيح أوافقك الرأي الاجازة اجازة من كل شي بس في حالات مستثناه وسبق ذكرتها فوق بالنسبة لي ماعندي مشكلة في الطبخ سهل أو صعب بس المشكلة في الترفيع والتنضيف ياخد وقت اكتر من الطبخ تقيييل على قلبي بالذات انه ورايا خرجة لازم اتجهز ضاع الصباح كله أو إذا في الليل نقصت عليا ساعات النوم والراحة |
منتظرين طبخات سريعة ممكن نغير رأينا :e032: |
اقتباس:
"لذا وجهة نظري على المسافر أن يضع لنفسه أستثناء من كل الأستثناءات" جميل أن تستيقظ صباحاً و جدولك فقط مشتمل على خطة للمتعة لا يتخلله وقت مستقطع للطبخ |
الافطار في العادة احرص على الزبادي والعسل والبيض و الجبن المحلي .. اما الغداء فأحب ان اجرب طبخات أهل البلد .. و اذا كنت ساكن في شقة فعادة اتفق مع صاحبة الشقة لتجهيز العشاء واذا ما حصل فتكون المعكرونة مع الدجاج و الخضار هي الطبخة المفضلة .. و طبعا ما اشيل معي شي خاص بالاكل من السعودية .. لانه الواحد مسافر علشان يكسر الروتين و يجرب أشياء جديدة |
عليكم السلام انا واحد اقشر في الاكل ما يعجبني شي الا اكلنا هنا لذلك اذا الدولة ما اعرفها زين او لا يتوفر فيها طعام عربي اخذ معي قدر كهربائي 4 لتر صغير في الحجم وما ياخذ وقت في الطبخ كبسه خلال 15 دقيقة وريح نفسك من البحث عن مطاعم نظيفه |
اقتباس:
|
اقتباس:
ماشاء الله تبارك الله اخ ( الردادي) مزاجك صعب الله يعينك ويباركلك *طيب فين تشحن القدر ما اتخيل الشكل (ما تحصل مشكلة؟) * ايت وقت تطبخ ؟ انا متأكدة انك مستمتع بخاصية الطبخ لاني احب الطبخ واستمتع به اذا تسكن في شقق أغلب الشقق في اغراض الطبخ حتى الشقق الفندقية ..بس الأزمة في الفنادق ايش هيا الكبسة اعطينا وصفات من ابداعكم ..لا تضحك عليا والله ما اعرف ايش هيا الكبسة ولا المجبوس |
اقتباس:
عين العقل اخ فهد في تجربة طبخات اهل البلد وكسر الروتين أوافقك الرأي ..اشكرك على مشاركتك وبالعافية عليك مكرونة بالخضار والدجاج ياريت تتكرم علينا بوصفة من وصفاتك المفضلة .... عشان نستفيد صحيح الفطور عادة بيكون نواشف زي ماقلت والأهم انها من منتجات اهل البلد كيف اتفق مع صاحب الشقة يبغالنا اجرب مرة عمرنا ما تجرأنا ...ومنكم نستفيد |
اقتباس:
من الطبخات الجميلة للسفر وتعجب الكبار والصغار للفطور: نسخن طاوة نصب زيت زيتون ونحط سجق او نقانق (زي ما تسموها) مقطعة دوائر ثم نقلب ٣ أو ٤ أو ٥ دقايق نحط البهارات( ملح وفلفل أسود ) نقلب وبعدين نفقص بيضتين او ٣ أو ٤ على حسب المطلوب بس متنقلة يبغاها عيون ...وبس بالعااافية * دايمن مكونات طلباتي تكون موحدة عشان ما اشتري مقاضي كتير وتتعبني في التنقل للعشاء: فوتتشيني كدابة يعني سأختار اي نوع مكرونة يعجبني ... في قدر نصب زيت زيتون وفيير( نفسه حق الصبح )ونحط عليه فلفل رومي ملون مقطع شرايح طويلة ثم وحدة ملعقة دقيق مليانة( عادي استخدم الدقيق لوجبة فطور بانكيك مثلا) واقلب ٣ دقايق تقريبا ثم اصب حليب سايل ٣ اكواب تقريبا أو ٤ (على حسب كمية المكرونة لانو لازم اغطي المكرونة بنص سانتي ) ثم ارش الملح والفلفل الاسود وكزبرة ممكن أو كمون وأرمي المكرونة وما اغطيها ..بعد ٨ او١٠ دقايق تكون المكرونة شربت الحليب بس لازم ابقي صوص قليل ارش اي نوع جبن موزريلا أو برميزان أو جبن كاسات أو أي نوع يمط معانا من منتجات البلد اللزيزة ..وبالعافية ترش على الوجه قليل بقدونس مفروم ...يمممممي * الواحد يزيد وينقص من مقادير وبهارات الطبخة على حسب هواه انا انسانة احب اجرب منتجات البلد و اطبخها بالنسبالي متعة في حد ذاتها معتبرتها من متعة السفر والموضوع زاد عندي لما صار عندي بزورة الله يحفظهم بس لازم تجي أيام نكون مرهقين أو ماشابه يعني عادي نهاية اليوم نسهر على فشار من صنع ايديا مو جاهز أو أسيح ألواح شوكولاته ونغمس الفواكه أو اطبخلهم اكياس الاندومي من إنتاج البلد أو سحلب |
الموضوع جميل جدا انا من وجهت نظري يختلف الطيخ حسب الوجهه السياحيه بعض الدول لابد ان يكون معك عزبه الطبخ وبعض الدول ما تحتاج لكن الافضل ومن مزايا السفر انك تاخذ اجازه من اكلنا وتخوض تجربه جديده من منتجات البلد غالبا كل يوم اختار سناك واشتريه من الباعه من خبز او فواكه او اجبان وعسل وتكون سناك عند اللزوم واغلب الاوقات بجبرني الجوع اني انزل الشارع اشتري لي اكل |
اقتباس:
جزاك الله خير على مشاركتك اخ ( الشقاوي) سبق وأيدت فكرة الاجازة الكاملة من كل شي وكسر الروتين... بس يجي يوم تشتهي تشتري طلبات وتطبخ لو فطور عالاقل بالذات احنا الحريم لاننا متعودين عالموضوع دا زي السلام عليكم (سعادتي لا توصف لما ادخل سوبرماركتهم أو أسواق الخضار عندهم) * حصل موقف لوحدة من قريباتي في فرنسا لما وصلو متأخر بالقطار ..صارو يدورو اي اكل أو مويا ميتين جوع وعطش حتى الفندق رفض يقدم خدمة الاكل أو المويا في الوقت المتأخر من الليل وصفلهم الريسبشن داخل الميترو في مكينة مويا يشترو منها تقول الشارع يخوف مافي أحد والميترو فاضي حبتين من الناس موجودين والله يعلم ايش وضعهم سكارى والا عصابات نشف دمهم ونامو جيعانين لو أنهن عملو حساب زيك واشترو سناكات قبل ما يسافرو كان ارتاحو وخد من كدا مواقف * لما كنا في تركيا اعتقد يلوا سكنا في منتجع جديد احنا الشقة الوحيدة اللي ساكنين مافي ولا سيارة غيرنا والمنتجع بعييييد عن الحياة مافي غير الضلام حولنا ومعايا بزورتي كان الوقت ١٠ الليل يعني بالنسبالنا متأخر بس حصلت الظروف كدا والحمد لله نزلو البزورة جيعانين مافي سناكات وكان في بسكوتات بس مستحيل اخليهم ياكلو شي زي كدا قبل النوم سابنا زوجي في الشقة لحالنا في منتجع لحالنا في منطقة خالية مع رجال واحد في الريسبشن عشان يروح اقرب بقالة يجيب خيار ولبنة وعيش غاب ساعة تقريبا بس عشان الطريق بعيد لأقرب بقالة مرا خفت لحالي قلتله نجي معاك بس رفض الجو كان صقييييييع والبزورة منكدين من الجوع ومايعرف ايش يواجه ما استحب الفكرة ..ندمت يومها انو ما اشتريت شي قبل ما نوصل المنتجع وأول مشوار لما صحينا عبيت التلاجة اكل للفطور يعني نواشف نفطر ونتعشا بيها (احنا الكبار يكفينا وجبة غدا دسمة العصرية ) اما الأطفال غييير ياكلو ٥ مرات بالعافية ياما اضطريت اشتري وجبة سفري عشان انا عارفة انو بعد ساعتين حيجوعو نستنى وصفاتكم ومواقفكم |
بالنسبة لوقت الطبخ وياخذ من وقت الراحة والاستمتاع بالرحلة انا اشترطت لابو حسين والعيال الطبخ ما يصير الا اذا كانت السفرة اكثر من اسبوعين ويمكن مرتين اطبخ فيها بعد اما اسبوعين او اقل لا للطبخ والمطبخ واهلا بالاستمتاع بالسفرة والطلعات ما افوت فرصه للطلعه |
اقتباس:
كلامك صح عزيزتي ام حسين الله يخلي ابو حسين وعيالك بخير وصحة وسلامة ..طبعا اغلبنا زيك بالتأكيد ..الطبخ للضرورة أو حالات مستثنية في نظرنا... الا عند اخونا الردادي الله يعطيه العافية ويعينه...للان افكر كيف يشحن القدر فين يلاقي مكان |
بالنسبة لقدر الضفط اللى البعض بأخذه في السفر .. فيه شنطة خاصة تسمى "عزبة السفر" تباع لدى محلات الرحلات البعض منها يكون كامل العدة من الدافور الغاز و الأبريق و الملاعق و السكاكين و جميع مستلزمات الطبخ .. و يضاف لها قدر الضغط و هو أنواع و أحجام و منها الكهربائي حالياً طبعاً شنطة العزبة تشحن مع العفش بشرط أن الغاز يكون فارغ أو يكون من الأنواع التى تباع في محلات الرحلات في بعض البلدان .. "صورة عزبة السفر " https://farm5.static.flickr.com/4010...1dc05d91_o.jpg |
ماشاء الله تبارك الله اول مرا اشوف شنطة العزبة كاملة مكملة ماشاء الله .. برافو عليك والله انا اشيل توصيلة وبسسس ..ولا شي ولا شي اخد معايا كللللو اشتري من هناك صابون غسيل مقاضي طبخ ازا احتجت العاب الخ ..اما فرش اسنان ومعجون ومناديل حتى الاغراض الشخصية والكريمات وغيره اروح صيدلية واشتري حتى الله يكرمك حفايض بزورة كل شي تتخيلو اشتري من هناك حتى ملابس اتخيل ..المكوة مرات اضطر اطلب من نفس الفندق أو الشقق وزي الفل الحمد لله والله اروح يدي فااااضية زوجي ينبسط مافي عفش بس اطلع عينو لما نرجع |
من الطبخات السهلة والمحببة للكبار والصغار سندويتشات الدجاج .. _نكشن بصلة كبيرة مقطعة مربعات في طاوة أو قدر لما يتغير لون البصل _ نحط نص جزرة مبشورة ونقلب لما يخرج لون برتقالي _نحط ٢ثوم مهروس أو مقطع صغير وبعده مباشرة الدجاج _نحط الدجاج مقطع صغير ونقلب كتير _ نحط البهارات (ملح/زنجبيل/فلفل اسود/فلفل حلو بودرة/كمون/كزبرة/كركم/ رشة ملح ليمون أو نص ليمونة/سماق) نقلب _ نحط ملعقتين بازلاء ونقلب _ نحط ملعقتين جبنة كاسات أو نص كاسة حليب سايل أو نص علبة قشطة اللي متوفر معاكم انا احبه سايل شويا أضيف قليل حليب مع جبن كاسات ونسيبه على النار لما يتسبك يعني يتقل شويا عشان نكون ضمنا انو الدجاج استوى ونختم برشة سمسم *ملاحظة* المقادير انتا تتحكم فيها على حسب ما يعجبك من خضرة تنقص وتضيف على حسب ما يناسبك من مكونات تزود وتنقص وتستبدل في كل طبخاتك خدها قاعدة في كل وجباتك وبالعااافية شي لزيز وسهل وسريع وتقدر تنوع فيه مرة ابيض مرة احمر وتلعب في المكونات واكيد هيطلع لزيز ... جربوه وادعولي |
اقتباس:
الموضوع سهل و يتشرفون بعد .. ولكن يكون لعلمك ان الشقق انواع .. فانا عادة احرص على ان تكون الشقق بنظام الضيافة في بوكينق ونظام b&b في airbnb .. والطريقة كالتالي : اول ما تسوون الحجز و تستلمون تأكيد الحجز تحصلون رقم التواصل ضمن رسالة تأكيد الحجز .. احفظ الرقم عندك في الهاتف و روح للواتس و ارسل لهم رسالة مفادها انك سعيد بحجزك عندهم و تتمنى انك تقضي اوقات سعيدة في شقتهم الجميلة و استفسر عن انواع و اسعار الوجبات .. و بعدها اتفق معهم |
اقتباس:
جميييل جميييل ...شكرا عالمعلومة الجديدة.. مافي مرة ركزت أو اخدت بالي من نظام الضيافة أو ماشابه |
من الطبخات السهلة اللذيذة بس تاخد وقت تقريبا في النار من نص ساعة الى ساعة على حسب كمية الدجاج* اكيد تناسب أصحاب الشقق اللي عندهم فرن (صينية البطاطس بالدجاج) _ في صينية نصب طبقة زيت ونرص البطاطس المقطع دوائر شرائح متوسطة _ ثم شرائح الثوم _ ثم شرائح الطماطم _ ثم شرائح فلفل رومي وفلفل حار _ ثم قطع الدجاج الكبيرة (يعني فخذ صدر جناح...الخ) _في زبدية نحط صلصة طماطم مع ملح وفلفل أسود وكمون وكزبرة وليمون وعصير طماطم (سبق وذكرت كيف نسوي العصير... نصب مويا حارة على الطماطم وبعدين نكب المويا و نفرك بيدنا لما تصير عصير)حيعطينا نفس نتيجة الخلاط _ نصب الخلطة على الصينية وبعدين على الفرن من تحت على نار قوية خلال ساعة تقريبا أو أقل المكونات حتطلع مويا وتخلي الدجاج يستوي..آخر ١٠ دقايق نفتح النار من فوق عشان يتحمر الدجاج ويا سلام لو كان مع جلده يطلع مقرمش وألذ وبالعاااااافية تقدم مع العيش يعني خبز وممكن رز وممكن كدا لحاله بالشوكة يتاكل |
يعطيج العافيه اكلات جميله وسهله |
| الساعة الآن 03:42 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO