|
حين تغرد الطائرات ( فنتازيا ) اهلا بالشابات الماجدات :32:اهلا بالشباب الجميلين المرتبين سيداتي سادتي ايها المسافرون الكرام ايها الشعب الكريم :D بما انكم بحجر ولاهنا روحات ولا جيات ولاحتى بوكنج تطقطقون به وتحجزون وهمي .. خلونا نسولف عبر عدة اسألة ولك الحق ان تجاوب او لا فالامر اختياري / -متى كانت اول سفره والى اين ؟ - هل تذكر شعورك قبل السفر بيوم ؟ -هل تعرضت للنصب في سفراتك ( علمنا ماراح نعلم احد ) - بلد تشعر انه يعيش داخلك -بلد تقول لو اروح لعرعر ( ماطبيته مره ثانيه ) -هل تنام بالطيارة ( زي نومه اللقلق جالس ومنزل دقنك) :32: -عادة مزعجه تسويها بالسفر ودك تغيرها -اطول سفرة في حياتك كم كانت يوم / اقصر سفره :::: سوال المليون دولار :D وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. - .............. ( سوال مفتوح اسأل نفسك وجاوبنا ) بمعنى سوال كان ودك اننا سألناك اياه ::: بانتظار هطولكم كالمطر ابو معتز بيهطل ( بردية ) :32: اخر فرصه بيجي ( كالاعصار ) وكتبه ابولجين فهد ( وااااشرح لها ) |
:68::68: |
يا هلا ابو لجين موضوعك راح يفتح باب نقاش له اول ماله تالي ... :e201: -متى كانت اول سفره والى اين ؟ كانت تقريبا 2013 الى دبي - هل تذكر شعورك قبل السفر بيوم ؟ كانت تجربة جديدة وشي ودنا نسويه من زمان -هل تعرضت للنصب في سفراتك ( علمنا ماراح نعلم احد ) اذا استثنينا عدم معرفتنا بالاسعار بالسفرة الاولى لأي ديرة ... ما اذكر صارت معاي حوادث نصب ولله الحمد - بلد تشعر انه يعيش داخلك لندن مافيها كلام :e201: -بلد تقول لو اروح لعرعر ( ماطبيته مره ثانيه ) مصر "مع احترامي للشعب المصري" -هل تنام بالطيارة ( زي نومه اللقلق جالس ومنزل دقنك) ما اعرف انام نهائيا الا في حالة اكون تعبان حيل اخذ غفوة نص ساعة على الكرسي -عادة مزعجه تسويها بالسفر ودك تغيرها انسى اشرب ماي :1: -اطول سفرة في حياتك كم كانت يوم / اقصر سفره اطول سفرة كانت بحدود اسبوعين في تركيا وماليزيا وأقصر سفرة ثلاث ايام في لندن سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. مرات ودك تطول بالسفرة ومرات تمل من الديرة اللي رايح لها فالشعور يختلف حسب السفرة :32: |
السلام عليكم و رحمة الله و بركاته .. كالمعتاد .. أبو لجـين "مبدع" -متى كانت اول سفره والى اين ؟ لا أذكر العام بالتحديد و لكن كانت قبل أكثر من 40 عام إلى مدينة العين بالأمارات "مع الوالد الله يرحمه" - هل تذكر شعورك قبل السفر بيوم ؟ بالتأكيد .. لأنها أول مره أسافر فيها خارج الوطن لدولة فقط كنت أقرا عنها في الجغرافيا -هل تعرضت للنصب في سفراتك ( علمنا ماراح نعلم احد ) نعم .. و لكنها لا تترقي إلى أن تسمى عملية نصب أكثر من أن تكون أستغلال عدم معرفة بالشئ في وقته .. - بلد تشعر انه يعيش داخلك أمريكـــا -بلد تقول لو اروح لعرعر ( ماطبيته مره ثانيه ) ماليزيـــــــا -هل تنام بالطيارة ( زي نومه اللقلق جالس ومنزل دقنك) نادر .. فيما عدا بعض الرحلات "الطويلة" -عادة مزعجه تسويها بالسفر ودك تغيرها أتمنى أقلل من الملابس اللى أخذها معاي !! -اطول سفرة في حياتك كم كانت يوم / اقصر سفره أطول سفرة كانت 3 أشهر (عمل+سياحة) و أقصر سفرة 16 ساعة تقريباً( صد - رد ) و كانت رحلة دولية سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. يختلف الشعور حسب السفرة .. و لكن في الغالب أجلس أترقب أن ألمح أنوار مدينتي من الأعلى و أحمد الله على سلامة الوصول سالماً معافى .. |
اقتباس:
اهلا اهلا .. خله يفتح باب نقاش .. ندور السوالف لين تفتح المطارات :) لفت نظري اختيارك للندن ( فخامه ) \ مصر .. كذبة كبرى رواها لنا عشاقها .. البلد اقل من عادي ( ان زرته مره تكفيك) وبعدين اول سفراتك لدبي العصريه الحديثه .. ثم تعشق لندن اكيد فصيله دمك ماتتطابق مع مصر :1: شعورك عند العوده فلكسيبل :14: توقعت انك بتقول حب الوطن وتسذا اجاباتك لطيفه استمتعت بها تحياتي لك |
اقتباس:
مصر ممكن تكون لها عشاقها "سابقا" لكن وضعها الحالي ما اعتقد يرقى لدولة سياحية ما تقدرينا لشعب مصر كانت دبي اول رحلة بالطيارة وفعلا كانت واعتقد لا زالت من ارقى المناطق اللي ممكن الواحد يروح لها ولكن بعد ما رحنا لندن تغيرت النظرة للرحلات الخارجية :1: اما حب الوطن موجود :34: الشرف لنا والشكر لك على فتح مثل هالمواضيع اللي يمكن تصبر الناس شهر شهرين لين تفتح المطارات بشكل رسمي مثل ما صار مع المانيا ودبي وتركيا |
مساء الخير متى كانت اول سفره والى اين ؟ اول سفره ايام الطفوله عام 1989 كانت الى امريكا مع جدتي وجدي (الله يرحمه) وخوالي والاهل - هل تذكر شعورك قبل السفر بيوم ؟ كنت طايره من الفرح بالذات انه السفر كان لعدد كبير من العائله مجتمعين -هل تعرضت للنصب في سفراتك ( علمنا ماراح نعلم احد ) لا الحمدلله - بلد تشعر انه يعيش داخلك النمسا 🇦🇹 -بلد تقول لو اروح لعرعر ( ماطبيته مره ثانيه ) مافي بلد ماعجبني بس مدينه (جنيف ) توبه اطبها ثاني مافيها غير نافوره وكم محل 😒 -هل تنام بالطيارة ( زي نومه اللقلق جالس ومنزل دقنك) مقدر انام بالطيارررره وحتى لو اوهمت نفسي بالنوم احس باللي حولي -عادة مزعجه تسويها بالسفر ودك تغيرها وقت الذهاب الشنط تصير فل من الملابس ومو كلها نستخدمها ووقت الرجعه مع الهدايا نحووس ونضطر نشتري شنطه جديده -اطول سفرة في حياتك كم كانت يوم / اقصر سفره اطولهم 3 شهور في امريكا اقصرهم دبي 5 ايام وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. اول ما اشوف اضواء المدينه من الطائره احس بحنييييييين لمدينتي (جده) واقول مهما اروح اي مكان مافي مثل السعوديه بعيني 😍 واذاشفت رساله الجوال احس اني رجعت للامان 😌 واحمد الله على سلامتنا .. حبييت الموضوع لانه ذكرني باشياء جميله يعطيك العافيه |
جيت من آخر اول سفرة كانت : عام 2012 باريس وجنيف وانترلاكن وشاموني وفينا |
اقتباس:
افا يابو معتز ماليزيا :28: |
اقتباس:
|
اقتباس:
نعم أخي الغالي ابو ماريا .. "ماليزيا" مع أحترامي الشديد لكل المحبين لهذا البلد و لكني و على الرغم من تعدد زياراتي له لم أجد ما يشفع له كي أجعله في قائمة البلدان التى تزار بالنسبة لي .. في أحد الزيارات ركبنا مع سائق سيارة و كانت الوجهة حديقة الفواكة في لنكاوي .. بعد الخروج سألنا السائق عن أنطباعنا فكانت الأجابة فيها نوع من أن المكان عادي !! حيناها قال السائق لو أشتريت بربع قيمة التذاكر ما لذ و طاب من أنواع الفاكهة لأكلتم منها أسبوع كامل لكان أحسن لكم :10: أتحدى واحد راح حديقة الفواكة في لنكاوي و لا وقفته سيارة الجولة عند هالمنظر اللى قالك ألحين أختراع :32::32: https://encrypted-tbn0.gstatic.com/i...mQKM-&usqp=CAU |
بسم الله الرحمن الرحيم اهلا بالمبدع ابو لجين و بجميع اعضاء المنتدى المحترمين .. س - متى كانت اول سفره والى اين - اول سفره لي كانت عام 1983 و كانت لبريطانيا س - هل تذكر شعورك قبل السفر - طبعا .. كان شي لا يوصف .. لك ان تتخيل في ذلك الوقت البون الشاسع بيننا وبين بريطانيا .. و ندرة المعلومات عن ذلك البلد في ذلك الحين س - هل تعرضت للنصب في سفراتك - ولله الحمد ما فيه شي يذكر .. س - بلد تشعر انه يعيش بداخلك - أكيد مكة المكرمة الله يشرفها س - بلد ما ارتحت فيه - سوريا س - هل تنام في الطياره - بصراحة ما اقدر انام الا بغفوه بسيطة احيانا عند الاقلاع س - اطول سفره و اقصر سفره - اطول سفر كان لعدة اعوام و اقصر سفره كانت لفترة ساعات و يعطيك العافية يابولجين |
الأسئلة خلتني انتعش من جديد:1: -متى كانت اول سفره والى اين ؟ تركيا وبلغاريا( مع بعض ) قبل سنوات عديده أيام الطفولة مع الوالد الله يرحمه - هل تذكر شعورك قبل السفر بيوم ؟ ابتشقق من الفرحة:1: -هل تعرضت للنصب في سفراتك ( علمنا ماراح نعلم احد ) لا الحمد الله - بلد تشعر انه يعيش داخلك جزيره لنكاوووووي- امريكا - اليونان -بلد تقول لو اروح لعرعر ( ماطبيته مره ثانيه ) مصر مع احترامي للشعب المصري - لندن -هل تنام بالطيارة ( زي نومه اللقلق جالس ومنزل دقنك) مايجيني النوووووم ابدا -عادة مزعجه تسويها بالسفر ودك تغيرها حمل الملابس والاغراض الكثيرة الي مالها سنع -اطول سفرة في حياتك كم كانت يوم / اقصر سفره أطول سفره شهر ونص ( ماليزيا – بالي ) اقصر سفره دبي أسبوع :::: سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد أقول الحمد الله على سلامتي - .............. ( سوال مفتوح اسأل نفسك وجاوبنا ) بمعنى سوال كان ودك اننا سألناك اياه وش شعورك لو اهداك احد تذكرة سفر الحين ويقولك اختاري البلد الي تبين :12: |
هلا وغلا ابو لجين عمت مساءً وكن قريبا مني دائما لتجدد لنا الذكريات باسلوبك الشيق قد نحتاج في وقت ما لرسالة دون سبب لورد دون مناسبة لصوت من نحب دون انتظار للقاء دون ترتيب لقلب يستمع إلينا دون كلمات لأحداث جميلة تفاجئنا وتجعلنا نبتسم لسفر يبقينا في أماكننا ويجلب لنا العالم بأكمله أمامنا :e32b: |
-متى كانت اول سفره والى اين ؟ كانت الى تايلند تخيل اول سفرة الى هذي البلاد كل شي مسموح فيها اذكر شخص يتبعني في الشارع وقرب مني وقال تبي حشيش جتني دوخة واطلقت سيقاني للريح حتى الفندق وسكرت الغرفة من الرهبة الله لايوفقة ما انساه طول حياتي - هل تذكر شعورك قبل السفر بيوم ؟ لا انام واقلق قبل السفر -هل تعرضت للنصب في سفراتك ( علمنا ماراح نعلم احد ) نعم واكثر من مرة ويرجع لطبيعتنا الثقة العمياء في الناس اذكر ركبت مع تكسي وقلت ابي مكان كذا قالى اركب وجلس يدور في نص ساعة حتى وصلنا المكان وحاسبتة على العداد وبعدها طالعت يسار وركزت على المكان حصلتة المكان الى كنت جالس فية طبعا قبل قوقل طول الله عمرة - بلد تشعر انه يعيش داخلك النرويج بلد جميل -بلد تقول لو اروح لعرعر ( ماطبيته مره ثانيه ) سيرلنكا فندق 4 نجوم والاكل علية ذباب والفرش مليان عثة والريحة لاتطاق في البشر -هل تنام بالطيارة ( زي نومه اللقلق جالس ومنزل دقنك) ابدا ابدا ياليت اتغير انقهر اذا جنبك واحد من اول ماتقلع حتى اذا نزلنا وهو نايم ولا يشاخر بعد -عادة مزعجه تسويها بالسفر ودك تغيرها اشتري من اول يوم وتقعد تشيلها طول المدة اخاف ماعاد احصلها اطول سفرة في حياتك كم كانت يوم / اقصر سفره اطول سفرة كانت 28 يوم في امريكا وأقصر سفرة دول الخليج اذكرة رحت قطر صد رد ودبي يومين سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. اجلس اطالع من النافذة طول وقت الوصول وكاني اول مرة اشوفها - .............. ( سوال مفتوح اسأل نفسك وجاوبنا ) بمعنى سوال كان ودك اننا سألناك اياه هل انت حريص على الشراء من البلد التي سافرت لها هدايا دايما حتى لو كانت رمزية |
هلا أبو لجين طرح متميز دوماً الله يسعدك :e032::e032: متى كانت اول سفره والى اين ؟ أول رحلة سياحية كانت الى تايلند في عام 1987 رغم أني متخرج من امريكا وقتها الا أن تايلند أبهرتني بتنوعها السياحي ومن هناك بدأت رحلاتي تتكرر لشرق آسيا الى أن زرت أغلبها هل تذكر شعورك قبل السفر بيوم ؟ رتبت الشنطة اكثر من مرة وشلت أشياء كثيرة ما احتاجها ومنها بدأت اخفف ما أحمله الى شنطة مناسبة لـ كبينة الطائرة هل تعرضت للنصب في سفراتك ( علمنا ماراح نعلم احد ) نعم اكثر من مرة ومنها اكتسبنا خبرة السفر في البرازيل رحت مشي لعنوان صديقي وضيعت قلت ما لها الا تاكسي قعد يلف في 10 دقايق وبالنهاية اكتشفت أني واقف قدام البناية من الخلف في اثيوبيا انسرق جوالي وفي تايلند رحت لمساج وتحط ملابسك في خزانة طلع معهم ماستر كي وأخذوا فلوس من جيبي بلد تشعر انه يعيش داخلك قلبي يتسع لأكثر من بلد ولو ضغطت عليه شوي ممكن يتسع للبلدان كلها لكني أحمل لنيوزلندا الجميلة و شعبها الودود الكثير من الاحترام والتقدير كذلك ايسلندا أبهرتني بعفوية شعبها وبساطة تعاملهم اتذكر فاتتني رحلة تزلج على الجليد في ريكافيك وكان مكان الاجتماع غير واضح بالنسبة لي وما أن وصلت للمحل وسألت الفتاة على الكاشير حتى اتصلت بالقروب فوراً وطلبت منهم العودة لكنهم كانوا قد غادروا فـ رجعت وعيناها تدمع وأعطتنا شوربة مجاناً كنوع من التضامن معنا وما أن وصلنا الشقة حتى اتصل بهم صاحبها وأخذ يتحدث معهم حتى أقنعهم بتعويضنا برحلة اليوم التالي . شعب حطه على يمناك . بلد تقول لو اروح لـ عرعر ( ماطبيته مره ثانيه ) جيبوتي رغم بساطة الشعب الا أن البلد كئيب اتذكر أول غرفة فندق سكنتها كانوا راشينها بـ قاز بدل الديتول يعني هل تنام بالطيارة ( زي نومه اللقلق جالس ومنزل دقنك) اذا كنت راجع أنام و أشخر بنغمات نوكيا مبرمج عليها أما اذا كنت مسافر لبلد جديد التفكير فيه يشغلني عن النوم ولا استسلم الا اذا غلبني النوم عادة مزعجه تسويها بالسفر ودك تغيرها عشقي للكافيهات مبالغ فيه أتذكر كنت أجلس بالساعات في كافيه كونسيرتو في لندن كافيه ون في جاكرتا كان يسحرني مع نغمات عازف البيانو اعمل بحث عن الكافيهات المميزة و أزورها وهذا قد يستهلك الكثير من الوقت اطول سفرة في حياتك كم كانت يوم / اقصر سفره أطول رحلة لامريكا 45 يوم وهنا التقرير وصلنا عند اورلاندو https://www.arabtrvl.com/vb/t42531.html أما أقصر رحلة كانت للبحرين الغالية عبارة عن ويكند بس ما انسى رحلة جاكرتا فيها نوع من الجنون (الرحلة 11 ساعة) طلعت الثلوث بالليل جلست الربوع والخميس و رجعت الجمعة والسبت كان دوام سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. أحس بالانجاز اللي قمت فيه و أطلق ابتسامة رضا من داخلي و أردد : هذي بس البداية الجاي أكثر ( سوال مفتوح اسأل نفسك وجاوبنا ) بمعنى سوال كان ودك اننا سألناك اياه ما مدى أهمية التخطيط للرحلة ؟ وكيف يخطط شخص مبتدئ لسفرياته ؟ شخصياً أضع خطة مبدئية للرحلة لكني لا أقوم بعمل أي حجوزات عند الوصول لكل مطار اجلس في الكوفي شوب لمدة ساعة واقوم بالحجز وهكذا لكل مدينة قادمة والسعر ما يفرق كثير بل أحياناً يكون أرخص اذا كان معي عائلة احجز للمدينة الاولى فقط الشخص الحديث عهد بالسفر المفروض يتدرج في سفرياته ويخطط لها فيبدأ بدول شرق آسيا ثم افريقيا ثم اوروبا الشرقية ثم امريكا الجنوبية واذا تزوج يروح اوروبا والشرق الاقصى مثل اليابان كوريا تايوان وبكذا يبني خبرة كبيرة بالسفر ويصبح مرجع فيه علماً بأني ضد تكرار الزيارة لنفس الدولة مهما تعلقت بها خالص تقديري أبو لجين لك ولكل من أضاف معلومة هنا :e306::e306: |
اقتباس:
اقتباس:
ههههه الله عليك يابو معتز وماله هالاختراع فيس جميل من الفاكهة حديقة لنكاوي تصور لاخر زيارة في لنكاوي وكان عندي وقت زايد قلت اشوعها ولاهي جدا عادية اصلا لنكاوي للمنتجعات مورحلة المنغروف والقرية الشرقية فقط والباقي زيادة عدد فقط لاعير ولايهمني انها تتغير ام لا من ناحية المزارات المهم اروح هناك وانبسط بالشيء اللي احبه |
اقتباس:
واحد مثثل حالتي يحيب لنكاوي |
قد اطرح اجابات لكل سؤال على فترات متباعده وترتيب عشوائي لكن نفس الأسئلة يعني النصب : قبل سنتين في اسطنبول اخذت تاكسي الي مكان الباصات بنطلق الي بولو ، المهم لما وصلنا موقف الباصات راعي التاكسي قلي حسابك بشرح بالعملة السعودية لأجل الأكثرية تفهم قالي حسابك 100ريال وانا غير مركز عطيته ال100عادي على طول غافلني وبدل ال100 ب10ريال ورفعها نحوي وقلي مية مية مو عشرة يبغاني اصدقه واشيل ال10 واعطيه 100 ثانية تذكرت اني قريت في موقع تحذير من هذه الطريقة في النصب ماعصبت اللي جاني في الحقيقة صدمة السواق مثل جدي حنين ومتعاون وخدوم ظنيت انه اطيب واحد في تركيا ، وثانيا السماسرة حقين الباصات اجتمعوا على راسي كل واحد يبغاني اجي مع شركته وانا عائلة مافي كثير مرونة فقلت للسواق لا تلعبها عليه قديم ومشيت :63: |
-متى كانت اول سفره والى اين ؟ المغرب سنة 1997 - هل تذكر شعورك قبل السفر بيوم ؟ فرحة ما اقدر أوصفها خصوصا إني كنت صغير والمغرب كانت شي خيالي -هل تعرضت للنصب في سفراتك ( علمنا ماراح نعلم احد ) الحمد لله ما تعرضت الا الى غلاء الأسعار في الدول العربية -بلد تقول لو اروح لعرعر ( ماطبيته مره ثانيه ) مصر ثم مصر -هل تنام بالطيارة ( زي نومه اللقلق جالس ومنزل دقنك) نعم انام اذا كان وقت نومي -عادة مزعجه تسويها بالسفر ودك تغيرها ما فيه والحمد لله -اطول سفرة في حياتك كم كانت يوم / اقصر سفره أطول سفره كانت بريطانيا 45 يوم الأقصر منها 40 يوم بريطانيا ايضا أقصر سفره كانت بيروت 3 أيام وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. اذا رجعت أحسن بضيقه لفتره ( ما قدرت أتخلص من هذي الضيقه تبدأ قبل العوده بيوم ) ( سوال مفتوح اسأل نفسك وجاوبنا ) وش رايك بالسياحة بالدول العربية ؟ الجواب : كمبتدئ بالسفر اوك .. ولكن اذا تعلمت السفر واحترفته راح تتحسف على كل فلس دفعته لهم |
متى كانت اول سفره والى اين ؟ اول سفرة بحياتي امريكا 3 سنوات دراسة الوالد سنة 1987تقريباً اول سفرة بعد الزواج البحرين 2005 اول سفرة مع الاطفال ماليزيا 2009 هل تذكر شعورك قبل السفر بيوم ؟ قبل كل سفرة حماس وفرح وسعادة مع قلق اني ناسية شي هل تعرضت للنصب في سفراتك ( علمنا ماراح نعلم احد ) سواق تاكسي باسطنبول اعطاني الباقي ليرات مزورة واحد ايطالي بساحة الكونكورد جلس يتكلم معايا ومع زوجي وسرق فلوس كانت بجيب بنطلون زوجي -بلد تقول لو اروح لعرعر ( ماطبيته مره ثانيه ) مافي لاني استمتع بأي مكان مممم لكن ماحبيت النمسا بعدين اشبها عرعر يازينها لا تزعل اهلها -هل تنام بالطيارة ( زي نومه اللقلق جالس ومنزل دقنك) نمت برحلة الذهاب والعودة من لندن كنت حامل ودقيتها 6 ساعات نوم -عادة مزعجه تسويها بالسفر ودك تغيرها مافي الحمدلله السفر كله ايجابيات -اطول سفرة في حياتك كم كانت يوم / اقصر سفره أغلب سفراتي من 28 يوم الى شهر اقصر سفرة دبي 5 ايام وكذلك البحرين والقاهرة وش شعورك لاوقفت الطيارةوانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. عادي بالعكس اكون مبسوطة ومتلهفة للبيت بس مره كنت راجعة من جنيف وانا بالباص بمطار جدة بكيت بصوت عالي واهلي وزوجي واولادي خافو عليا والسبب كنت راجعة من السفرة والمدارس تبدأ بعد بكره يعني ضغط نفسي ( سوال مفتوح اسأل نفسك وجاوبنا ) صيف 2020 كيف بتقضية؟ بالبيت ولو تحسنت الاوضاع ممكن سياحة داخلية |
اقتباس:
اهلا ابو معتز .. وصباحك خير واضح من تاريخ سفركم انكم عائلة هاي ليفل ..في ذاك الزمن ابعد مايذهب العوام امثالنا لـ خوالهم :1: امريكا ( مع اني مارحت لها ) لكن الاخوان اللي اقابلكم مثلك هنا كلهم مسحورين بأمريكا ..يبدو ان البلد يستحق .. :: اتفق معك ( بعد ماعرفنا العالم ) ان ماليزيا ماتستاهل الزخم اللي صار لها من 2007 وبعد شي مهول .. عندنا بالقصيم يحسبونها من السنة بعد الزواج لازم يطلع كوالامبور .. ولارجعوا يدلعونها يسمونها كوالا :14: الجميع هنا يذكر سالفه الملابس .. البلدان البارده خصوصا ماتحتاج زود ملابس الخواجه يجي من ورا الشمس وتلاقي قشه كله بشنطه على ظهره وعريبيا لازم شنطتين .. :e006: لازم نشوف وضعك يالعمده .. نبي نشري لك شنطه ظهر :24: رحلات العمل (بعد ماعرفوا الناس السياحه ) لم تعد غربه .. بل بالعكس يتسابقون عليها الموظفين من يحصل سياحه ( مدفوعه ) .. * استنتجنا من المقابله معك بهالاسئله ان ابو معتز يسكن في مدينه بها مطار دولي تحياتي لسموك .. ودمت اخا كريما :e134: |
اقتباس:
اهلا بسموك وحياك الله .. اول ماقلتي ان سفرتكم عائليه ولامريكا وقبل سنوات جاء في بالي انك من جده قبل اقرا الاجابه لاحقا عن جده .. حقون الحجاز هاي ليفل :24: 1989 كان السفر من القصيم للحرم غربة :13: ::: نعود الى الاجابات .. اختيارك للنمسا فاخر جدا .. وواضح انك خبيرة في اوربا جنيف .. ( ماجيتها صراحه ) لكن صدمتني الحقائق التي تذكرونها عنها انتي ومن سافر لها .. .. مع انها في مجتمعنا كانت تضرب مثال في الرفاهيه .. يقولك فلان كأنه ( بحنيف ) لوصف حالته الممتازه في امر ما :: تعجبني حاله السبات ( النوم الخفيف ) شغل قراصنه .. يغمض عينيه وهو يشعر بما حوله :13: :: بما انك ( بنت ) فسالفه الشناط والملابس هذي ( نظام حياه عندكن حفظكن الله ) واذا اعترض (سي السيد ) قالت العباره الشهيره ( يمكن احتاجهن ) .. :55: امريكا ثلاث شهور .. وقت ( راهي جدا) .. حدثيني عن التجربه وعن انطباعاتك عن امريكا من واقع ( معايشه ) فانتي ع هالمده الطويله كنتي اكثر من سائحه : الوطن = الامان تعبيرك فاخر جدا .. واعجبني والله .. الله يديم الوطن شامخا عزيزا سعدت جدا بمشاركتكم حفظك الله احترامي لسموك :e318: |
اقتباس:
اللي فهمته انها اول سفراتك .. حدثنا عن هالتجربه ماهو شي سهل تطلع اول سفره لباريس وانترلاكن وفينا ماعندك تدرج .. كل اكثر الشباب هنا لازم تدرج .. اول سفره للبحرين .. الامارات بعدين ينطلق للعالم |
-متى كانت اول سفره والى اين ؟ أول سفرة لي كانت سوريا سنة 1993 في الطفولة بالباص - هل تذكر شعورك قبل السفر بيوم ؟ شعوري قبل السفر بيوم كانت إندونيسيا أول ركوب طيارة لي سنة 1995 مع العائلة الله يحفظهم -هل تعرضت للنصب في سفراتك ( علمنا ماراح نعلم احد ) نعم كانت في كمبوديا تاكسي توك توك بسبب عدم تفكك الكاش مثلا اتفقت 1 دولار وانت معك 5 دولار تعطيه ما يرجعلك وبرضوا في مانيلا انسرق مني بعض الكاش في محفظتي من غير ما أحس - بلد تشعر انه يعيش داخلك فيتنام -بلد تقول لو اروح لعرعر ( ماطبيته مره ثانيه ) الفلبين (مانيلا) -هل تنام بالطيارة ( زي نومه اللقلق جالس ومنزل دقنك) الطيارة لو ايش مستحيل أقدر أنام مهما كانت طول الرحلة والترانزيت نفس الشيء ما أعرف -عادة مزعجه تسويها بالسفر ودك تغيرها دائما لما أرجع مطفر ما بقي إلا قليل -اطول سفرة في حياتك كم كانت يوم / اقصر سفره أطول سفره مدة 50 يوم كانت ( ماليزيا - تايلاند - فيتنام) أقصر سفره مدة يومين ( البحرين) :::: سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. زعلان ما اودي أرجع :15::15: |
الله على الموضوع الجميل فكرتني ايام منتدى المدينة كانت مواضيع الاسئلة تعجبني :32: نتعرف اكتر على الاعضاء بسم الله نبدأ / -متى كانت اول سفره والى اين ؟ القاهرة كان عمري سنة - هل تذكر شعورك قبل السفر بيوم ؟ لا ما أذكر بس يقولو كنت دائما أبكي و نكدت عليهم السفرة :22: -هل تعرضت للنصب في سفراتك ( علمنا ماراح نعلم احد ) ايوه في استنبول اخدت تاكسي من السلطان احمد والسواق بدل الخمسين بخمسة ليرات :21: - بلد تشعر انه يعيش داخلك أسبانيا بالزات غرناطة :e511: -بلد تقول لو اروح لعرعر ( ماطبيته مره ثانيه ) اي بلد حار و رطب :30: -هل تنام بالطيارة ( زي نومه اللقلق جالس ومنزل دقنك) انام لكن أكون مضبطة وضع راسي :41: -عادة مزعجه تسويها بالسفر ودك تغيرها الشنط الكبيرة والكثيرة .. نفسي اتعلم احط قطعتين وبس :19: -اطول سفرة في حياتك كم كانت يوم / اقصر سفره اطول سفرة شهر واقصر سفرة دبي ( نحشة ) 5 ايام :::: سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. أجمل شعور لأن حدي بالسفر 5 ايام و احب ارجع بلدي ما احب اغيب كتير احب مرة السفرات القصيرة :72: - .............. ( سوال مفتوح اسأل نفسك وجاوبنا ) والله مافي شي في بالي :e43f: |
-متى كانت اول سفره والى اين ؟ داخليا (أبها وعمري 8 سنوات) خارجيا (تركيا - اسطنبول و أزمير وعمري 10 سنوات) - هل تذكر شعورك قبل السفر بيوم ؟ مشاعر متضاربة بين فرح وحماس وقلق وتختلف حسب البلد وكمان طبيعة السفر (وحداني - مع شباب - عائلية) -هل تعرضت للنصب في سفراتك ( علمنا ماراح نعلم احد ) نعم واكثر من مرة لكنها دروس مستفادة تثري من خبراتنا في السفر وأغلبها جهل منا وطيبة وثقة زائدة في الناس - بلد تشعر انه يعيش داخلك ايطاليا بسبب التناقضات الموجودة ففيها الفوضى والالتزام والكسل والهدوء والصخب -بلد تقول لو اروح لعرعر ( ماطبيته مره ثانيه ) الفلبين -هل تنام بالطيارة ( زي نومه اللقلق جالس ومنزل دقنك) نادرا يجيني نوم الا في حالة التعب والارهاق والنومة ما تطول -عادة مزعجه تسويها بالسفر ودك تغيرها أكثر من عادة أهمها عدم السؤال عن الطريق او الطريقة للحصول على شي ومحاولة تدبيرها بنفسي (حلو تخليك تجرب وتحاول لكن أوقات تضيع وقت وفلوس) اطول سفرة في حياتك كم كانت يوم / اقصر سفره أطول سفرة أوروبا 25 يوم والأقصر داخليا نص يوم سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. أشكر الله وأحمده على السلامة وتيسيره للرحلة وبعدها اتذكر الشغل والدوام وأقول الله المستعان - .............. ( سوال مفتوح اسأل نفسك وجاوبنا ) بمعنى سوال كان ودك اننا سألناك اياه هل تسافر وتغامر الى بلد غير معلوم سياحيا ممكن في أوروبا بشروط معينة أهمها الأمن وتوفر الخدمات الأساسية |
اقتباس:
|
طالما مافي سفر خلونا نتسلي ونسترج الذكريات -متى كانت اول سفره والى اين ؟ ايام الطفولة مصر مع الاسرة ايام الشباب تايلاند وكانت رحلة فاشلة لان الشباب الى سافرت معهم اقل واحد فيهم رايح 20 مرة وخاتمين كل مكان و مايبون يروحون لاى مكان بس جلسة فى الفندق ولعب ورق بعد الزواج شهر العسل ايضا تايلاند - هل تذكر شعورك قبل السفر بيوم ؟ لا ما أذكر لكن اكيد كنت فرحان -هل تعرضت للنصب في سفراتك ( علمنا ماراح نعلم احد ) ما توصل لمستوي النصب الحمد لله لكن قلة الخبرة وخصوصا فترة ما قبل الانترنت كنت تتعرض للاستغلال - بلد تشعر انه يعيش داخلك تركيا -بلد تقول لو اروح لعرعر ( ماطبيته مره ثانيه ) الحمد لله كل رحلاتي كانت موفقة واستمتعت فيها لكن في بلاد ما تستحق اعادة الكرة مثل سريلانكا و ماليزيا واذربيجان -هل تنام بالطيارة ( زي نومه اللقلق جالس ومنزل دقنك) يا ريت اقدر -عادة مزعجه تسويها بالسفر ودك تغيرها اخذ معي كثير اغراض اخاف اني احتاجها وتكون عبئ على الفاضي -اطول سفرة في حياتك كم كانت يوم / اقصر سفره اطول سفرة مصر 4 سنوات للدراسة واقصر سفرة ايضا لمصر تحديدا شرم الشيخ اسبوع :::: سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. المسج يعلن عن انهاء السفرة مثل الحلم الجميل تصحى منة وانت مبتسم - .............. ( سوال مفتوح اسأل نفسك وجاوبنا ) -تعتبر نفسك خبير سياحي في اي دولة؟ زرت عشرات البلدان ومئات المدن لكن ما احب التكرار ودائماً ابحث عن وجهات جديدة لذلك ما اعتبر نفسي خبير في دولة محددة لكن اصبح عندي خبرة عامة فى التخطيط للسفر وترتيب السفرة على اكمل وجهه بتوفيق من الله ثم نصائح خبرائنا الاعزاء :e43f:[/B][/SIZE][/COLOR][/FONT][/QUOTE] |
-متى كانت اول سفره والى اين ؟ البحرين في عام 2007 - هل تذكر شعورك قبل السفر بيوم ؟ اخر سفره لي كانت في 2019 ونعم لازلت اتذكره -هل تعرضت للنصب في سفراتك ( علمنا ماراح نعلم احد ) بصراحة ايه في دبي نصابين مكاتب السياحة (التايم شير) نصبوا علي في الف درهم والحمدلله اللي يجلط انه متصل علي بعد سنه يقول تبي تكمل معنا هههههههههههههه - بلد تشعر انه يعيش داخلك بداخلي فندق لكل البلدان اللي زرتها ماعدا تركيا -بلد تقول لو اروح لعرعر ( ماطبيته مره ثانيه ) تركيا -هل تنام بالطيارة ( زي نومه اللقلق جالس ومنزل دقنك) أي نعم -عادة مزعجه تسويها بالسفر ودك تغيرها مافيه عادة مزعجة بالعكس اذا سافرت اتخلى عن عاداتي السلبية -اطول سفرة في حياتك كم كانت يوم / اقصر سفره أطول سفرة اندونيسيا ثلاث أسابيع (شهر العسل) واقصر سفرة إسطنبول 3 ايام :::: سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. لاتعليق - .............. ( سوال مفتوح اسأل نفسك وجاوبنا ) تتمنى يفكون حظر الطيران ؟؟ اي والله اتمني ويارب ترجع الأمور مثل اول واحسن بما انكم بحجر ولاهنا روحات ولا جيات ولاحتى بوكنج تطقطقون به وتحجزون وهمي .. كانك معي البارح جالس ارتب لماليزيا واحجز هههههههههههههه |
اقتباس:
ماشاء الله نود اننهل من خبرتك وتجاربك عندما تكون مدينتين تقريباً متشابهة ثقافياً واقتصادياً ومناخياً .. الخ هل تنصح بزيارة كل منها ؟ |
| الساعة الآن 04:18 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO