|
وخير رفيق في الاسفار ( جوجل ) ** مساكم الله بالخير الاخ بن قوت يقول في احد المواضيع ان قوقل اهم اختراع بالقرن .. وله اقول بل قل جوجل اهم نقله في تاريخ البشرية :13: ومن هنا جات فكره الموضوع ... / كلكم هنا محترفين وتعرفون اكثر مني .. ولكن بما اننا في منتدى فيه الكثير من الاستفسارات (والله ) انك تستغرب من اللي يجي بعام 2020 ويقول كم بين باريس وجنيف مثلا ؟ وغيرها من اسألة .. عمي قوقل يجيبه عليها وعلى ابوها وجدها :24: اعتقد يقينا انه ولى زمن هالاسئله فقوقل وعياله ( ترجمه / ماب / طيران) وغيرها ماخلوا باب للاجتهاد .. \ فلان من الناس مثلا دخل مدينه مجهوله بالنسبه له يكفيه ان يكتب اين اذهب في مدينة كذا .. تجيه عشرات النتائج وبالصور والخرائط والشرح والفيديوات احيانا .. اسواق مطاعم سينما جن ازرق :24: يدخل قوقل ماب ويجد الموقع فيدخل على الريفيو ( اراء الناس ) فيجد عشرات الردود ( مجملها هو الصح) وصور الناس وارائهم وتقييمهم ( والناس لاتتفق على باطل ) ويحدد موقعه والموقع المستهدف (مول مثلا) يعطيه طرق الوصول تكسي باص طائرة مترو وبالتفصيلات والوقت بعد ..ويسوي فيها ( حرص الام ) فيقولك انتبه ترى اخر باص مثلا 11 م :e023: بل ان قوقل باشا يقولك كيف تبي الترتيب بالنتائج تبي بالاقرب فالاقرب ( مسافه) او مزاجك رايق وتبيها بالتقييم اجيب اطلق الاماكن وارزها لك باول القائمه وغيرها شغل مرتب ونظام حياة :25: :: شركات التاجير تدخل جوجل يقولك هالشركه اللي انت مختارها تراهم نصابين ... ابك ابك ابك كيف .؟؟ جوجل : نعم .. نصابين خذ العلم من عمك قوقل انت : وش دليلك ياقوقل يقولك هاه شف العالم وش مقيمنهم 6 من عشره بناء على الف او الفين تقييم كبير ياقوقل هذا غير انه يسلطنك وتصير تمشى بديره اول مره بحياتك تجيها وتروح وتجي على سياره تاجير تسوقها بنفسك ( ماتخاف من ضيعه ) او توهان :::: نبذه مختصره عن عمنا جوجل دام ظله الشريف |
للامانه .. والله اني اذا زرت مكان .. اعمل له تقييم بقوقل ماب .. بكل مصداقيه .. احتسابا للاجر .. فرأيك الذي تكتبه سيكون مفيدا جدا للاخرين اللذين سيطلعون عليه وهم في امس الحاجه للمعلومه |
الف شكر ابو لجين موضوع رائع وبلا شك خدمات قوقل بصفة عامة لا غنى عنها وقوقل مابز سهلت على الناس الشيء الكثير يعطيك العافية |
مبدع كما عهدناك أخوي أبولجيـن قوقل بالفعل ما خلى و لا ترك شاردة و لا واردة إلا جمعها لنا في صفحاته الألكترونية .. و جعلها بين متناول أصابعنا " شكراً على نعمة قوقل" ما أزال أتذكر أيام الخرائط الورقية عندما كنا نسافر و نشتريها أو نحصل عليها من الفنادق .. و يضيع ثلاث ارباع يومنا و نحن نقلب في الخريطة نبي نقضب طرف الشارع علشان نمشي و بالأخير نلاقي أنفسنا مضيعن المكان :17::17: https://foodprotection.news/uploads/...6b4d80fa5.webp |
اختراع العصر يابو لجين حتى صارت كلمة دارجة " قوقلها " :32: |
فعلا كلام سليم الله يعطيك العافية ابو لجين ونبهتنا لشيء مهم جدا وهو أننا نقيم ونحتسب الأجر في تقييمنا وتجاربنا الله يعطيك العافية |
اقتباس:
لاجاك ولد سمه قوقل :) مرورك الاروع تحياتي لسموك |
اقتباس:
كان من البرستيج ان تجيب خريطتك لراعي البقاله او واحد بالشارع تسأله :14:وان كنت مرررره مثقف ومامثلك تفرد الخريطه على الكبوت يقالك تدور الاتجاهات .. وتبلش بنص الخريطه تتبع شارعك ويضيع وتحط شخطه بالقلم واللي يركب معك يمين ماراح يستمتع برحلته كل رحلته فاتح الخريطه ويقرا لك ومساءك سعيد ياصديقي |
اقتباس:
يقول احدهم.. عندما بدا الانترنت ينتشر في اول الامر ... يقول اخذت لي مده طويله وانا مثقف الاستراحه اذا تناقش الحاضرين بشي واحتدم النقاش فتحت قوقل من طرف خفي واخذت الاجابه .. وبعدما تهدا المعركه .. اجاوبهم بكل برود الحل كذا وكذا والمعلومه كذا وكانني اعرف المعلومه بديهيا الان اصبح الكل مثقفا بفضل الله سبحانه ثم وجود قوقل وعياله ::: اليوم احد الزملاء بالقروب جاب لنا تطبيق تحطه بجوالك وتراسل اي شخص حول العالم بلغته .. تضغط زر وتكتب بالعربي فيقوم قوقل بورد بترجمه كلامك فوريا في المحادثه لاي لغه تختارها من عشرات اللغات ؟!!! هذا الامر بالذات كان يبغا لك لتتقنه ان تدرس عدة سنوات وستتقن لغه او لغتين قوقل بورد لو تبي تكلم مع الجن ترجم لك :17: لاجاك وله سمه قوقل طير شلوى |
اقتباس:
علشان سالفة أني طول الطريق ما غير فاتح الخريطة و اقرأ و أوصف للسواق ,, "كنت أحلف ما اركب قدام و أركب وراء رغم أني أكبرهم سناً :3:" يكفي الظيم اللى شفناه في بعض الرحلات :32::32: |
اقتباس:
كم ضاع علينا من اجر لاننا لم نكن نحتسبه (وهذا امر مهم ) بالنسبه لي ابحث عن دوله كذا فاجد تقرير عام 2012 او 2014 مثلا واستفيد منه ( والله اني ادعو لمن كتبه ) .. واحيانا اتساءل هل يعلم من يكتبه انه بعد 7 او 8 سنوات يجي احد يقرا كلامه ويدعو له بظهر الغيب ؟!!! او ربما هالمسلم الكاتب يكون متوفيا فالمقصد اننا نجتهد بالاجابه الصادقه ونتخيل كيف شعورنا لو كنا نحن من يبحث عنها \ اذكر كنت بستاجر غرف في فندق بمكه فدخلت التعليقات ووجدت رجل كاتب يقول الفندق جيد ولكن مدخله مرتفع شوي ولو كان معك كبار سن فسيتعبهم .. غيرت راي لان الوالده كانت معي ودعوت له وهو لايعلم وكسب اجري \ تقصيرنا واصل الى روسنا .. فلنجعل لنا باب خير لو بسيط في الدلاله على الامور الجيده او ارشاد من يسأل باجابه تنفعه ولايضيع عند الله جل وعلى شي جعلنا الله واياكم من المقبولين وغفر الله لنا اجمعين |
اقتباس:
ههههههههههههههههه ههههههههههههههههههه اعرف شعورك وانت تتبع street وكل شوي يضيع الشارع ولا انسدحت على فراشك وغمضت عيونك طلعت لك الخريطه ههههههههههه :1::1: اشوا ان هاك الازمان راحت وصرنا من ربع ( انعطف يمينا عند الامكان ) ووصلت الى وجهتك |
مرحبا بك اخوي أبولجيـن كلامك صحيح 100% العم جوجل كما يحلو للبعض تسميته لاغنى عنه ونستخدمة بشكل يومي تقريبا والمستفيدين حاليا شركات توصيل الشراء عن طريق النت بس تبعث له الموقع ورقم المنزل وأمورك في السليم أتذكر مره أستخدمتة في أيام الضباب الكثيف للوصول الى عملي :32: |
بالفعل جوجل نقلة كبيره في تاريخ البشريه موضوع جميل |
شكر ا ابو لجين |
فعلاً قوقل ممتاز و تتعلم منه الكثير لكني لا أحصر نفسي في قوقل رغم الاستفاد الكبيره منه أحب أجرب أكثر من مصدر و أكثر من طريقة |
مرحبا لكم والعم قوقل اتفق انه خير سفير يرافقنا بالحل والترحال وايد استفيد منه ويوميا ادخل واشوف راضبط طلعتي منه مايمر يوم من دونه أكثر لايكات ونجمات وتعليقات عندي فيه واشاركهم رأيي من اروح المكان عن طريقهم حبيبي بكل سفره تم الإرسال من VOG-L29 باستخدام Tapatalk |
| الساعة الآن 11:53 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO