|
بطاقة سفر بلس .. خدعوك فقالوا ..... بسم الله الرحمن الرحيم الاخوات المسافرات الاخوة المسافرون ايها الجميلون والماجدات .. ايها الشعب الكريم بعض الدعايات ( من المتحمسين ربما ) (ماودي اسمي جهة او فرد) زعموا فيها ان بطاقه سفر بلس من مصرف شهير بالسعوديه ( مجانيه مدى الحياة ) والحقيقه انها غير ذلك ؟ كثير منا ظهرت له الدعايه مع عبارة ( مجانيه ) فقام وضغط الايقونه وطلب البطاقه . (الى هنا حلوين ومتفقين ) / التأسيس ( مجانا ) فعلا كما قالوا لك ولكن لم يقل لك أحد ان الرسوم السنويه 150 ريال \ نصيحه مجرب لاتصدق دعايات البنوك وشركات الاتصالات وشركات الطيران |
بطاقة سفر بلس .. خدعوك فقالوا ..... يا هلا بك أخوي أبولجيـن ... ما هو جديد هالشئ على البنوك اللى تصدر البطاقات الأئتمانية أو اللى تمنح بعض الخدمات تحت مسمى المجانية و تركز على عامل الجذب التسويقي البحت.... و لكن المشكلة في البعض "لا يقرأ الشروط و التفاصيل" نعم الكثيرين ينبهرون من الدعاية و الكلام المنمق عن مجانية الخدمة أو "صفر رسوم" و يندفع و يطلب و لكن لو كلف نفسه و أقتطع من وقته الثمين جداً و تصفح الموقع و قرأ ما بين السطور و حتى لو كان الكلام كتب بأصغر حجز للكتابة مثل: تطبق الشروط و الأحكام كان عرف كيف يتخذ القرار المناسب و علم بأنه داخل للفخ بإرادته على العموم بطاقة سفر بلس ذكر بشكل صريح في صفحة الشروط مبلغ 150 ريال بأنها رسوم التجديد السنوية و أن: الرسوم السنوية للبطاقة (التجديد والإصدار) لا تتجزأ وغير قابلة للاسترداد، لكنها قابلة للتعديل فيما يستقبل و ذكر أيضاً و بشكل صريح أنه: يتم خصم الرسوم السنوية للبطاقة عند إصدارها لأول مرة، ثم في نفس التاريخ في كل سنة خلال مدة الصلاحية، و أيضاً عند إعادة إصدارها وذلك من حساب البطاقة، أو من الحساب الجاري لحامل البطاقة لدى المصرف. الموضوع واضح و لكن ما أحد يقرأ إذا الشئ ببلاش مشكور أخوي أبولجيـن على الموضوع الجميل التوعوي الخفيف |
احسنت اخي العزيز ابو لجين واختصرها ابو معتز في كلمة لانقرا الشروط احد زملائي طلع فيزا من البنك البريطاني واستخدمها في سفرة بمشتريات ومطاعم وغيرها وبعد فترة حوالي شهرين جتة القيمة للتسديد مبلغ مضاعف وبعد الشد والجذب مع البنك احضرو لة الاوراق التي وقعها ان يتم حساب فوائد لك عملية وليس سحب من حسابة مباشرة اغلب البطاقات فيها بعض الحيل المخفية وتقدم لك فري وعروض وبعدها تتفاجا بحاجات غير معلنة لازم تقرا كل شي |
يا هلا أبو لجين تطبق الشروط والأحكام مقولة فضفاضة تحتمل الكثير تجدها بأغلب الاعلانات وهي مخرج لهم قطاعين احرص خلال تعاملك معاهم في أي بلد البنوك + الاتصالات طبعهم يشوبه الخداع تضايقني اذا جات رسالة منهم تحذر من المحتالين ودي اسوي لها اعادة ارسال لهم كالمستجير من الرمضاء بالنار :e306: |
البنوك لو تقرأ (الشروط والاحكام) ما تأخذ أي شي منهم لا بطاقة ولا قرض البنوك + شركات الاتصالات + تأجير السيارات ( كن حذر جداً عند التعامل معهم ) |
اقتباس:
صادق يابو محمد شركات تأجير السيارات احتراف نصب |
المشكلة أن الجميع بدون تحديد أستغل نقطة أن 95% من الشعب مع أحترامنا للجميع يجهلون طرق فهم الأتفاقية و وجوب قرائتها قبل التوقيع ... و مع الآسف البعض يوقع على 20 ورقة بدون أن يطلع على حرف واحد فيها ... المهم عنده متى توصلني البطاقة ؟ أو متى تتفعل الخدمة ؟؟ أو غيرها و لا يعلم بأنه وقع في فخ منصوب بعناية من أشخاص متمرسين في أستغلال نقاط ضعف البعض ... اقرأ .. حتى لو كنت لن تشتري المهم تكون ملم بكل التفاصيل |
اقتباس:
اهلا ابو معتز حياك الله .. وقد فندت المشكله بدقه ولكن الواعين من الناس هم القله والغالبيه العظمى يمكن توجيههم اذا ضبطت ( العناوين فقط ) .. عيال الانطباع الاول على قولتهم ... لو قرأ الناس كل الشروط والاحكام لعرفوا المشكلات وبالتالي قل من يقع فيها ولكن ( تصدق والا احلف لك ) ( طرت علي الاغنيه ) نعود للموضوع ( تصدق ياصاحبي ) ان الناس مغيبه تماما في العمل والاصدقاء احاديث من لايعلمون ( خصوصا في الامور البنكيه) بعض البطاقات تشري بميه دولار يحسبها عليك 390 ريـال ومع ذلك لم ينتبه ( عمي افندي ) انهم اكلوا عليه هنا ( 13 ريـال) بفرق العمله / الكشوفات معدة بطريقه لايفهمها العميل وشراء اليوم يختفي ويطلع الشهر الجاي ويمر بتاريخ استحقاق ويضاف له 2% ومااحد ينتبه وغير ذلك من تفاصيل يسقط بها الناس بالعشرات وختاما اشكر لك مداخلتك ويعجبني وعيك ماشالله :63: |
اقتباس:
اهلا ياصاحبنا .. زين رفيقك اللي وصل البنك وناقشهم بعد .. الكثير من الناس يكتفي بعباره ( يااااخوي عندي لي فيزا بلشت فيها ) ( بلشت فيها ذي =كم الف ريال) :1: ولو قرانا كما قال ابو معتز لقل عدد البلشانين |
اقتباس:
اتفق تماما ... ههههههههههههههههه اعجبتني فكره ان المحتال يحذرك بكل طيبه من ( المحتال ) والله ياصاحبي لو تشوف بعض الزملاء في العمل وهو يسالك عن ( الفيزا اللي عيت لاتنتهي ) وعباره ( اسددها ولاتنقص) وعند مناقشتك تكتشف ان الرجل فعلا مايدري بابسط قواعدها وشروطها .. ولايدري ان الـ 5% بالميه مع ال3% الفائده كأنه يسدد 2 بالميه فقط .. فطبيعي ان العشره الاف ستظل بين العشرة الاف و9500 لأشهر رايحه جايه عالم تشرب ديزل :1: |
| الساعة الآن 09:51 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO