عاجل : كيف تحصل على شهاده التطعيم
 

السلام عليكم
يا ليت احد يساعدنا لان الكلام كثر كيف الواحد يحصل على شهاده التطعيم جرعتين
هل من توكلنا او صحتي او من مراكز معينه تاخذ التقرير

الله يعطيك العافيه ونا اتفق معك لان هذا هو الصح

لكن حصل فلم لي قبل شوي
تصور موظف الخطوط السعوديه على 920022222 يقول في system ما هو مكتوب صحتى او توكلنا لازم تروح للمراكز المعتمده !!!!! قلت له طيب ناد المشرف عندك اكلمه ...قال المشرف غالبا تطبعها من تطبيق صحتي

غالباً !!! من وين اصرفها
قال طيب كلم عطلات السعوديه ...(تصريفه)

الحقيقه الخطوط السعوديه تعيسين ...معقوله معلومه مثل هذي ما يعرفونها

شكلك موظف بالخطوط السعوديه :)
امزح

كيف ما لهم علاقه وهم الي يشيكون على شهاده التطعيم بالمطار !!

اذا هم اللي يشيكون ليش ما يعتمدون تطبيق توكلنا .. ولكن اعتقد ان الشهاده مطلوبه في جوازات دولة الوجهة

صحيح ويتاكدون هل تحمل الوثائق الصحيحه قبل السفر او لا

طيب هل اذا اختلف نوف التطعيم يعتمد او لا .. بمعنى اذا طعمت أول مره استرازينيكا والثانية فايزر .. هل يعتمد أو لا

السلام عليكم ورحمة الله وبركاته,,

اكثر اله سافرو عن طريق الخطوط السعودية كان يطبعون التقرير عن طريق تطبيق صحتي وهذا الشي معتمد في كل الخطوط والحين بعد في توكلنا تقدر تطبع الجواز الصحي موضح فيه رقم الجواز واسمك وتاريخ اخد الجرعتين .
وفيه ميزة مرة حلوة في الجواز الصحي تبع توكلنا حق الناس اله تعافو من كورونا واخدو جرعة
هذا الشي يبين فيه الجواز الصحي تاريخ التعافي مع تاريخ الجرعة.

اتوقع ياخوي انه صار فيه لمس في الموضوع يوم تتواصل مع الخطوط السعودية.
لانه الخطوط السعودية في هالوقت يعتبر افضل من غيرهم.

وبالتوفيق ان شاء الله