|
شهر العسل في ديسمبر اقتراحاتكم السلام عليكم ورحمه الله وبركاته... بدايتاً اخوكم اقوى سفره سافرها البحرين ماقد طلعت برا , لغتي الانجليزية الحمدلله ماشيه امورها بقدر اسنع عمري .. شهر العسل بيكون في ديسمبر تحديداً 12\12\2021 لمدة 8 ايام الميزانيه 25 اللف ريال شاملة حتى قوارير المويه , ابي وجهه سياحيه مناسبه ماحب البرد الزايد لدرجه الثلج يعني من 10الى 25 معقول حولها حواليها يفضل تكون بين الطبيعه و التطور والابراج والمولات ( ابعدوني عن الدول العربية عشان احس اني مسافر ) .. واذا فيه اقتراحات لشركات مجربه تسوي جدول سياحي متكامل ياليت تدلوني عليها , ياكثر ماسمعت ان فيه شركات غير معتمده و يصير فيها نصب و احتيال مع انها تحمل اسم مؤسسات و معتمده , المكاتب العاديه مريت مكتبين اسعارهم غاااالية جداً لدرجه وصلت مرحلة اليأس بفلوسي ذي و قررت اروح الطايف ولكن القدر جابني لهالموقع العظيم اللي ان شاء الله احصل فيه مبتغاي . متواجد في الدمام , الله يجزاكم خير و يكتب اجركم مقدماً ادري صعب الطلب في ههذا الشهر تحديداً ولكن النصيب و القدر في انتظاركم ... |
و عليكم السلام و رحمة الله و بركاته ... حيي الله ولد الشرقية ... و ألف مبرووووك مقدماً ممكن تكون أيطاليا مناسبة في هالفترة نوعاً ما من ناحية دفئ الأجواء و تقدر تزور روما - ميلانو - فنيسيا - كومو و تخلي وصولك إلى أيطاليا روما و عودتك من ميلانو أو العكس لو وصلت روما أجبس فيها 3 أيام مع يوم الوصول و ما بتحتاج سيارة و أطلع منها إلى ميلانو و أستأجر سيارة و زور كومو و إذا قدرت البندقية (فنيسيا) ولو أن المدة قصيرة بصراحة ... و لكن البديل تزور كومو و لوقانو السويسرية (قريبة من كومو 35 دقيقة) تروح و ترجع في نفس اليوم ... و ممكن يوم تزور بيلاجيو تبعد عن كومو 40 دقيقة جميلة هادئة المنطقة خلي السكن في أطراف ميلانو أوفر لك من السكن بالسنتر هذا مقترح سريع و سهل و مناسب للمدة القصيرة ... بالنسبة للمكاتب ما أنصحك بأي مكتب معروف أو غير معروف .. أنا أولى بالعمولة اللى بيأخذها علشان يرتب لك و يعطيك أسماء فنادق عمره ما شافها و لا يدري وين موقعها ... و أي أستفسار الجميع هنا بيقدم لك المساعدة ... بالتوفيق |
على فكرة ... خذ فكرة عن أيطاليا من تقرير سابق عن رحلتي عام 2019 بحثت بصفحة كتابي .. لقيت Italy بأول الأوراق |
ألف مبروك مقدما ... اقتراح ابو معتز ممتاز ومناسب لك وأنت بتسافر في الشتاء وما تبي برد وثلوج ... وفكر تروح بيزا تعتبر أقل بروده لأنها على ساحل البحر الأبيض أذكر كانت درجات الحرارة في يناير بين ١٣ و ١٧ درجة يعني مناسب لك وكأنها أجواء ربيع . |
طيران الاتحاد مسوي عروض حلوة على وجهات معينة ادخل موقعهم وشيك الوجهات يمكن تعجبك وحدة منهم |
عليكم السلام الف مبرووووووووك الزواج الله يوفقكم ويتمم لكم بخير اترك المكاتب عنك وخليك معنا وان شاء الله تسافر احلى سفرة اقترح عليك تسافر جنوب افريقيا الجو جميل في موعد سفرك والبلد سياحي وغني عن التعريف كذلك ميزانيتك مناسبه لزيارة البلد الخيار الثاني موريشيوس بلد جميل جداً غالي بعض الشي لكن ميزانيتك تكفي حوالي 10 ايام |
الله يبارررك بعمااركم جمييعاً ,, عقباال اللي م اعرس منكم و اللي معرس ووده بالثانيه اميين ابو معتز بيض الله وجهك شفت تقريرك و بحثت عنها هي جمييلة جداً بس كأول سفره حسيت الوضع ماش صعب شوي يبي له ترتيبات كثيره من مواصلات و غيره و اخوك حريص بزياده م ينفع ولا وده بالدواجه وده يقعد ف مكان يسترخي و فعاليات خفيفه ان حصلت و يستمتع بالمكان اللي هو فيه .. اخوي الذهبي شيكت ما حصلت اللي ابي وفي تاريخي اللي ابيه .. الردادي الله يوفقك و يبيض وجهك و يجعل لك في كل خطوة سلامه , شكرا لك من صميم القلب موريشيوس لقيت فيها مرادي انفتنت فيها من الصور كيف لو رحت قللت عدد الايام الى 8 مقابل اني اخترت فندق اقل ما يقال عنه خراااااااااااااااااافي تبارك الرحمن اسم الفندق كونستانس بيل مار بلاج شامل افطار و عشا .. مابعد حجزت ولا سويت شي الى الان عينت الاماكن وشيكت ع اسعار التذاكر و مصاريفي هناك التقريبيه مناسب الحمدلله طلع المجموع ما املك .. الان وش الخطوات اللي اتخذها ؟ احجز طيران ولا الفندق قبل استخدم اوبر هناك ولا اشوف لي سواق واتعاقد معه خلال هالفتره ووش الاماكن اللي تستحق الزياره هناك و اجدول لها .. اهل الخبره دلوني اخوكم آل ضياااع كله مو بس ضايع ولا يدل الدرب ياكثر طلباتي تحملوني عاد ضعيف الله م قد شفت الحياة :) ان شاء الله اول ولاهي اخر سفره .. في انتظاركم .. |
اقتباس:
|
اقتباس:
|
هلا وغلا بولدنا والف مبروك الزواج مقدما وربي يسعدكم ويحفظكم نصيحتى لك لازم تخطط للرحة صح لانها اغلى واكثر رحلة ترسخ في ذاكرتكم طول حياتكم الزوجية :e04a: |
| الساعة الآن 04:38 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO