|
إستشاره بخصوص شهر العسل - نوفمبر - أسبانيا السلام عليكم ورحمة الله حجزت لشهر العسل أسبانيا عن طريق طيران الإتحاد 14-29 نوفمبر الوصول برشلونه والعوده من مدريد مخططي الحالي: 14-18 برشلونه 18-26 مالقا 26-29 مدريد في برشلونه للتجول مفكرين ناخذ الباص الأحمر إلي يمشينا عالمدينه (باخذ تذكرة يومين) واليوم الأخير أفكر نجرب نحضر مباراه ونعيش التجربه :) من برشلونه إلى مالقا أفكر ناخذ طيران داخلي في مالقا افكر اسكن بالسنتر ومن هناك بزور: ماربيا, غرناطه, اشبيليه, قرطبه, رنده وجبل طارق.. للتنقل بين هالمدن عن طريق مالقا ما حددت للأن فبستشيركم اذا تنصحوني أستأجر سياره؟ للعلم السكنات الي شفتها ما توفر مواقف سياره مجانيه خبروني استخدم الموجودين بالطريق.. أو تشوفوا أقدر أوصل لكل هالوجهات عن طريق القطار وما فيه داعي للسياره؟ وهل فيه أماكن أخرى تنصحوا بزيارتها؟ من مالقا إلى مدريد مفكره أخذ القطار السريع في مدريد المكان الي حاطينه ببالنا للان ملاهي برذر وورنس:18: إيش أماكن أخرى تنصحوا فيها في مدريد؟؟ وأخييرا".. إحنا الأثنين ناس يهمها الأكل:17: فلو فيه مطاعم تنصحوا فيها أكون شاااكره لكم:18: أنتظر رايكم وإقتراحاتكم القيمه بالجدول :e030: |
و عليكم السلام و رحمة الله و بركاته .. ما شاء الله ألف مبروووك مقدماً .. بصراحة جدول متقن و منتقى .. و ترتيب جميل النقطة الوحيدة هي أستئجار السيارة .. و أشوف أنها أريح لكم في التنقل بالأضافة أدناه تقرير حديث تشرته أختنا أم احمد يمكنك الأطلاع عليه قد تجدون فيه معلومات أضافية مفيدة ... رحلة عائلية وبتفوق لأسبانيا ( الأندلس ) بلاد عباس بن فرسان 2021 بالتوفيق |
اقتباس:
ربي يبارك فيك أبو معتز :) مشيت على تقرير أم أحمد وما شاء الله جميييل مشكور ما قصرت بس يبقى لي استفسار واحد إلي هو إذا تنصحوني أستأجر سياره بمالقا أو لا؟ وهل لديكم فكره كم تكلف مواقف السيارات غالبا"؟ |
اقتباس:
الله يسلمك ... بالنسبة لأستئجار السيارة .. كل الخيارات متوفرة و ممكن أعتماد أوبر في التنقلات و ممكن أستئجار سيارة و اللى هو الخيار الأنسب للتنقل "طبعاً رأي شخصي و القرار يرجع لكم .." |
ماشاءالله ألف مبروك الله يسعدكم ويهنيكم طيب اذا أحد بيفيدني أسبانيا في نوفمبر كيف البرد وهل يناسب الأطفال |
اقتباس:
يعتبر الجو معقول تتراوح درجات الحرارة ما بين 15 الكبرى و 5 الصغرى و لازم من لبس دافئ خصوصاً للى معاه أطفال صغار |
الف مبروك مقدماا ورحله سعيدة اشوف الجدول مرتب على دراسة |
شكرا لكم |
| الساعة الآن 06:00 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO