|
وين اخذك وين انهزم بيك .. مسائيات اخواني المسافرين الجميلين اخواتي المسافرات الماجدات ايها الرفاق لو كان لديك 12 ليله من 25-11-2021 اين تذهــــــــــــــــــــب .. اقولها وقد احترت ودي باوربا ولكن سالفه الفيزا ذي غثيثه وسفر للرياض وبصم لاتبصم حتى ان المواعيد مااعتقد لديهم مواعيد مسائيه يعني لازم تاخذ اجازه حتى تروح للبصمه / شرق اسيا ملينا منها .. والمفتوح منها ماتعافوا من كورونا اوربا الشرقيه رحت لها كلها والدول العربيه ختمتها كلها ماعدا الجزائر وهي ايضا فيزا وماتستاهل اللي يروح لها وتونس اضطرابات سياسيه / لو كنت مكاني اين تذهب عطونا شي بدون فيزا .. وماهو بعيد قوه ( يعني ماهو امريكا او استراليا فهذي ماتكفيها 12 ) / سولفوا ... اللي مايلقا لي ديره يقول كلمه السر ( عرعر ) :17: |
حاولت اقنع نفسي اني اجلس بالقصيم واكشت مع الكشاته لكن الحنين لهدير الطائرات .. ولآخر مكالمه هامسه ( اوكي باي) انا بالطياره ابقفل جوالي :32: |
هلا ابو لجين شوف لو كان عندي إجازة في نوفمبر لن اذهب الا الى كوانزو و شنزن في الصين بالإضافة الى هونق كونق الجو خرافي في مثل هذا التوقيت فكر في جنوب افريقيا ........... ترا تستاهل بس الجو بداية صيف |
هلا أبو لجين أنا مع اختيارات أبو محمد 1 كيب تاون + القاردن روت 2 هونق كونق 3 القاهرة حاولنا يمين يسار ما قدامك غيرها يا أخَ العرب |
يا هلا ابو لجين … طبعاً صعب اذا كنت محدود في خيارات قليلة جداً و مجبر على أحدها … و لكني أضم صوتي مع أبو محمد و أبو غسان … و مالك إلا هـ … جنوب أفريقيا .. هونج كونج بالتوفيق Sent from my iPhone using Tapatalk |
اقتباس:
اهلا بالردادي ... خيارات جميله لكن المشكله شيبنا يافلان :14:عام 2016 كنت في هونق كونج ومنها الى غوانزو اذن الخيار المتبقي هنا هو جنوب افريقيا وهي تحت الدراسه الان اشكرك |
دبي دانة الدنيا القاهرة التي لا تحبها :25: الخيار الثالث انا ماجربته ولكن نقول :- الاردن |
مساء الخير أخوي أبو لجين أنا مثلك محتار ولكن على شهر ديسمبر المشكلة في دول مازالت مغلقة أو مع حجر 14 يوم بانسبة لي هذا أفضل وقت لشرق آسيا خصوصا تايوان بحثت لك في أحد المواقع واكتشفت أن جنوب أفريقيا ما زالت مغلقة للسعوديين إذا كان الموقع صحيح https://traveltracker.headout.com/widget/ فأعتقد أن ما عندك خيار سوى تطلع فيزا وتروح لأوروبا أو تتحمل بعد المسافة أو تنتظر مثلي حتى تفتح الخيارات المناسبة أو حد يلقى لنا حل ، المهم الموضوع هذا مهم للبحث عن وجهات جديدة ومناسبة |
اقتباس:
أخوي الطنيجي … أعتقد الموقع غير محدثه معلوماته .. انا حالياً باليونان و مسافر من السعودية و الموقع يعطي بأن السفر ممنوع حالياً !!! https://uploads.tapatalk-cdn.com/202...11bca9108e.jpg Sent from my iPhone using Tapatalk |
اقتباس:
اهلا اهلا .. والله يافلان .. هونج كونج كنت هناك سابقا جنوب افريقيا ( بتصير صيف ) وانا بيني وبينك دب قطبي :32: اما القاهره فلا احب الذهاب هناك ( ماودي اقول شي) :25: |
اقتباس:
المشكله وقتي ضيق في حدود 12 يوم ... |
اقتباس:
اهلا بصاحبي .. والله يافلان دبي حفظناها اما القاهره فنعوذ بالله من الحور بعد الكور الاردن كنت هناك عده سفرات سابقه وان كانت وجهة جيده قريبه وبر ويكفيها وقتي وبارده :1: |
اقتباس:
اهلا بالصاحب الجميل ومساءك خير ... والله يافلان على قولتك شكلي بعدلها لاوربا .. الليله مغطت الجوال وسددت الرسوم وجددت الجواز 5 سنوات مع ان باقي فيه سنه .. قلت يمكن الله يهدي الفرنسيه ويعطوني 4 سنوات .. لان اخر فيزا عندي ( سنتين ) / اوربا ميزتها انك ماتملها ونظام حياة غير وتنوع وفرنسا ماسبق وزرتها فتصير الشغله ممتعه الله ييسر .. نبي نسوي كنترول ولاقربت الاجازه انفلتت السفينه :7: |
اقتباس:
تروح وترجع بالسلامه ... ننتظر تقرير ( اثينا اكتوبر 2021) :e132: |
فارنا / بلغاريا فقط فارنا |
اقتباس:
بلغاريا اختيار جميل لكن في ديسمبر يقولون تصير كلها ثلجه ههههههههههه اذا الناس مثلي ..البلد اللي به فيزا مسبقه يلهد واستبعده صراحه ومستقبلا اتوقع كل الدول اللي تبي السياحه الحقيقيه بتلغي هالفيزا اللي تحس انك مقدم عمل ماهي سياحه |
اقتباس:
|
| الساعة الآن 12:52 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO