|
تطبيقات سفر خنفشاريه ... اسعار مضروبة السلام عليكم باختصار فيه تطبيق طالع جديد ودعايات مكثفه ( لولا بعض المحاذير لوضعت اسم التطبيق للتحذير منه ) المهم وضعت وجهة من الرياض عشوائيه وتاريخ ذهاب وعوده طلع 3000 ريال في التطبيق / على موقع شركه الطيران وبالخيارات المرنه قيمه نفس التذكره ونفس التاريخ والساعه بـ 2200 يعني تطبيق النصب هذا اخذ زياده 30% / استغرب ان تكون مثل هالتطبيقات الخنفشاريه التي لا تتعاقد مع الشركات وتكون موزع لها بحيث تحصل على هامش ربح بل ( تعرض فقط ) .. يعني تذكره بالفين يعرضونها لك ب3000 :14::14: الغريب اننا في عام 2021 وجوالاتنا كبر البعارين وانترنت مفتوح وخيارات بحث ومقارنه كثيره جدا جدا ومع ذلك يلقى اصحاب هالتطبيقات ناس يلعبون عليهم \ عالم غريب :24: |
عليكم السلام .. اذكر تطبيق طلع من زمان وكانت اعلاناته كثيرة بكل مكان ونفس الشي كانت اسعاره اعلى من التطبيقات القديمة في الوقت الحالي أغلب الناس اذا ماكانوا كلهم مايعتمدون على تطبيق واحد في الحجز وفي مقارنه الاسعار.. انا مااتعامل مع التطبيقات العربية يعطيك العافيه على التحذير . |
طالما يا أبو لجين للحين فيه ناس يعاملك كأنك خياط هندي .. يطلب تفصل له جدول رحلته كأنك أنت اللى بتسافر .. يبي وين يروح .. و وين يسكن .. وش يأكل .. وش يشرب .. و من يوديه و الساعة كم يطلع من الفندق ..!!! و لا تبي أصحاب التطبيقات ينشأون تطبيقاتهم و يكسبون |
اقتباس:
اهلا .. بالباشا ابراهيم ... هم يعتمدون على الغالبيه من الناس .. اللي يسمونهم العلماء الشرعيين ( الدهماء ) هذولي يجون على وجيههم للاسف .. واستغرب والله .. اليوم مع قوة المعلومه وسهولتها ومصادرها .. لكن الناس تدفع فلوس وكأنها مويا :14: سبق وكتبت هنا عن وحده من اقاربنا فتحت الانترنت وحجزت من شركه وهميه تذكره لخدامتها الفلبينيه.. فقط لانهم عرضوا عليها تذكره بأقل الف ريال ... خدعة اذا فكرت فيها .. مايقع فيها طفل .. لكن العالم تطب :24: من تعافا فليحمد الله ياصاحبي |
وطبّق هذا على جميع مناحي الحياة يابو لجين كثير يطيح بطُعم الدعايات اللي صارت تحاصرنا يمنةً ويسرة تحذير في محله تسلم يا عسل |
تسلم يا ابولجين |
اقتباس:
لا يكون نفس التطبيق اللي يقسط لك قيمة التذاكر ثلاث اقساط ؟ |
اقتباس:
واللي اسمه على اسم مكان مخصص للاقلاع مدرررري يمتكن :14: |
اقتباس:
اتفق معك ياصاحبنا ... سقوط الناس في الفخاخ البسيطه امر مدهش .. مع اننا في المجالس كلن يعد نفسه ذيب سوبر :17: |
اقتباس:
ياخذ جدول كوبي بيست ولا يهتم ما يبغي يتعب حتى يعدل علية حسب ظروفة واهتمامته |
| الساعة الآن 03:20 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO