|
فزعتكم بخطة شهر عسل السلام عليكم ورحمة الله وبركاته، في شهر June راح اسافر لشهر العسل، والى الان ماتضحت الخطة، راح تكون 15 يوم ولكن هل يفضل تكون في دولة واحدة والسياحة تكون داخلية او السفر لعدة دول قريية لبعض، وماهي افضل وسيلة مواصلات بين الدول وماهي المواقع لحجز التذاكر للقطار مثلا، وهل ايجار السيارة الخاصة يوفر مصاريف اكثر او مكلف، او مريح اكثر من ناحية التنقل، انا يالربع ابي الرحلة تكون مريحة مافيها تعب كثير واحتاج نصايحكم ورايكم |
و عليكم السلام و رحمة الله و بركاته .. مبرووووك الله يجمع بينكما في خير أن شاء الله لابد انت تختار الوجهة عندك الشرق و عندك الغرب و هناك فرق بين الجهتين اذا تبي تزور عدة دول أختار الغرب (أوروبا) و هناك بتقدر تزور دول عديدة متقاربة مثل ألمانيا - النمسا- أيطاليا و بالنسبة لوسيلة المواصلات تقدر تستأجر سيارة و تتنقل براحتك و أيضاً تسلم السيارة في بلد المغادرة اذا كانت رحلتك بتكون وصل في بلد و المغادرة من بلد أخر … بالنسبة للقطارات في أوروبا المواقع كثيرة لأن الشركات العاملة هناك تخدم جميع دول أوروبا بشبكة قطارات كبيرة أيجار السيارة بالتأكد أشوف انه فيه توفير و يعطي حرية التنقل دون الارتباط بمواعيد القطارات او المترو و حتى أوبر … طبعاً ذكرت لك معلومات بسيطة فيما لو كان أختيار سيكون أوروبا في حين دول الشرق مثل ماليزيا و ما حولها من الدول.. بصراحة ما عندي خبرة كافية فيها و لكن ان شاء الله يفيدونك أصحاب التجارب من الأعضاء بالتوفيق |
وعليكم السلام ورحمة الله وبركاته مبروووووك والله يتمم عليكم يا رب ماقصر اخوي بومعتز في الرد قواه الله اجابته وافيه .. وانا اقدر اقترح عليك ايسلاند اسبوع جميله في الصيف جو و طبيعه وانشطه الاسعار متوسطه تاخذ سياره وتلفها لمدة اسبوع وبعدين اسبوع في لندن او النرويج اقرب الدول عليها المقترح بالنسبه لاوروبا .. اما شرق اسيا اقترح تايلند تقسم بين ( بوكيت - كوسموي- بانكوك ) الجو استوائي رطب مع امطار خفيفه البلد رخيص |
وعليكم السلام ورحمة الله ويركانه الف مبروك والله يجمع بينكم في خير ويرزقكم الذرية الصالحة , الخيارات كثيرة جداً واللي يحدد وجهتك الميزانية ورغبتك . اذا كانت رغبتك لدول أوروبا عندك المانيا و النمسا وايطاليا وسويسرا اما وسيلة التنقل افضل خيار استئجار سيارة عشان تستمع بالرحلة , واذا عزمت على أوروبا من الافضل البدء في إجراءات الفيزا من الان. اما اذا كانت رغبتك للشرق ارشح لك عن سابق تجربة ماليزيا (سيلانجور بينانق لنكاوي كوالالمبور) ووسيلة التنقل الطيران الداخلي وعندهم ثلاث شركات ناقله : 1 طيران ماليزيا. 2 طيران اير اسيا. 3 طيران اير فلاي. |
| الساعة الآن 01:25 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO