|
سؤال ابي استفسر ولا عرفت وين اسال |
احتاج مساعده حنا عائله مكونه من ام واب و 6 اطفال بين عمر 17 و 3 سنين وناوين نسافر لاوروبا في بدايه شهر 7 ميلادي واخترنا 4 دول / فرنسا وسويسرا و ايطاليا و اسبانيا وسفرتنا مدتها شهر بس ابي مساعدتكم من اي دوله نبدا وكيف نكمل برنامجنا وكم نجلس في كل دوله وايش افضل المدن السياحيه العائليه في كل دوله اتمنى تساعدوني من وين نبدا وكيف نكمل :13::13: |
اقتباس:
حياك الله تفضلي اختي |
احتاج مساعده في تنظيم برنامج حنا عائله مكونه من ام واب و 6 اطفال بين عمر 17 و 3 سنين ناوين نسافر بدايه شهر 7 ميلادي لاوروبا واخترنا 4 دول : فرنسا و سويسرا و ايطاليا و اسبانيا ومده سفرتنا شهر ابي مساعده اي دوله ابدا فيها وكيف ارتب الدول وكم المده في كل دوله وايش افضل المدن السياحيه العائليه في كل دوله |
اقتباس:
بالنسبة للدول المختارة (فرنسا - سويسرا - ايطاليا - اسبانيا) المسار بيكون طويل إلا في حال أستبعاد أسبانيا و أستبدال مكانها النمسا لأنها متقاربة و يمكن التنقل بسهولة بحيث يكون الوصول باريس و الانتقال إلى سويسرا و منها إلى أيطاليا ثم النمسا و تكون العودة من ميونخ ألمانيا … من ناحية المدة في كل دولة لابد من تحديد رغباتكم هل تميلون إلى الطبيعة و السكن في الأكواخ أو السكن بالمدن و أيضاً الترفية و هل ترغبون التنقل بالسيارة أو المواصلات العامة بعد تحديد الرغبات ممكن نشوف لكم جدول يتناسب مع المدة |
المواصلات في المدن راح تكون بسياره مع مرشد سياحي ام التنقل بين الدول القريبه من بعضها فكرنا بالقطار هل تنصحنا فيها او لا ام عن اسبانيا ما عندنا مشكله نروح لها بالطياره ام عن الميول اخترنا ان ايطاليا وفرنسا واسبانيا تكون في مدن وسويسرا تكون في اكواخ ومناطق طبيعيه بس عادي لو كان في اماكن طبيعيه تستاهل الزياره في فرنسا وايطاليا واسبانيا نضيفها للبرنامج وابي اعرف اي دوله احسن من حيث اسعار الرحلات الى اسبانيا واسعار رحلات الذهاب من الرياض والرجوع |
رحلة موفقه باذن الله كل دوله اسبوع اذا اربع دول يعني ما يمدي تزورون مدن كثيرة في نفس الدوله الافضل تروحون على حسب رغباتكم لمدن محددة علشان تستمتعون وتريحون |
أعتقد الرحلة ما تحتاج مرشد سياحي نهائياً كل شئ متوفر و سهل و يوجد مواقع تشرح كل الأماكن السياحية و الترفيهية و من ناحية التنقل طالما المدة طويلة الأفضل لكم أن تستأجرون سيارة و تتنقلون فيها طوال الفترة و بحريتكم بدون تقييد بمواعيد قطارات أو مواصلات عامة من وجهة نظري و من تجارب شخصية في سفراتي العائلية لايوجد أفضل من أستئجار سيارة فان عائلي و التنقل به يمكنكم البداية من أيطاليا و منها تنتقلون إلى سويسرا و بعدها إلى فرنسا و منها تنتقلون بالطائرة ألى أسبانيا و تخلون عودتكم إلى السعودية من مالقا أسبانيا على الخطوط السعودية و أيضاً وصولكم يكون إلى أيطاليا (روما أو ميلانو) من الرياض |
بخصوص أسعار الرحلات من السعودية إلى أوروبا يحكمها توقيت السفر و دائماً أسعار الصيف تكون مرتفعة ما لم يتم الحجز مبكر و لابد ان تحددون تواريخ السفر و مطار المغادرة و دولة العودة |
شكراً جزيلاً على المساعده موقع رائع |
ما قصرو الشباب بيض الله وجيهم .. و لكن زيادة في الخيارات بعطيك خط سير اشوفه جميل من تجربتي له في سفرات عديدة .. و خلاصة تجارب خطوط سير متنوعة في تلك المناطق .. تكون وجهتكم الاولى ميونخ و تستاجرون السياره منها لكون المانيا تعتبر مناسبة لاسعار السيارات .. بعدها تتجهون لزيلامسي .. و منها تتجهون للبندقية في إيطاليا .. طبعا قبل البندقية فيه اوتلت جميل .. بعدها تتجهون لميلان .. و بعدها تتجهون لانترلاكن .. حبيتو تمرون على شاموني فهي فرصة طيبه .. و هي تعتبر على الطريق تقريبا .. زيادة حوالي ٤٠ كم .. تفرقون لها من عند اوسطا .. بدال ما تطلعون جبال الالب من عند اوسطا .. تبتلون سيده شوي و تطلعونه من عند مونتي بلانك .. بعد انترلاكن عنكم خيارين .. الخيار الاول تتجهون لاوربا بارك مرورا بشلالات الراين .. و بعدها تتجهون لباريس .. و تسلمون السيارة هناك .. الخيار الثاني تتجهون لجنيف مرورا بمصنع الشوكولاته و لوزان .. و من جنيف لباريس .. و ممكن تسلمون السياره في جنيف و تركبون القطار لباريس .. ولكن بتتعبكم الشناط .. و تشيلون اسبانيا من الجدول .. خلو اسبانيا لسفره ثانيه .. اسبانيا جوها غير .. و أشوف كذلك لو تشيلون باريس من البرنامج يكون أفضل .. و ترجعون من جنيف .. لعدة أسباب مهمة وهي ان العائلة كبيره و كثرة التنقل بتكون متعبة لكم .. و ثانيا كون هذي اول سفره لكم .. و طبعا مثل ما قالو الشباب شيلو فكرة المرشد من تفكيركم .. أقرو تقارير الشباب و راح تكونون أفضل من المرشدين .. و عندكم قوقل ماب ما خلا و لا بقا من الارشاد السياحي .. و أهم شي حملو خرائط قوقل ماب بدون اتصال لجميع المناطق اللي تبون تمرون عليها |
خطه سير جميله ولكن ما نحتاج نستاجر سياره لان مع المرشد السياحي سياره عائليه وحنا نحتاج مرشد سياحي عشان مشكله اللغه ويريحنا من السواقه فكرنا في الغاء اسبانيا ونروح بس فرنسا وسويسرا وايطاليا واذا في دوله تنصحونا فيها نزيدها على هاذي الدول وتكون قريبه منها . نفكر نزيد المانيا ايش تنصحونا لو تقترحون علينا خطه سير بهاذي الدول لان الخطه الي قبل في معها النمسا وحنا ما نبي نكثر دول ونبي نروح في سويسرا اماكن طبيعيه ونجلس في كوخ او منتجع وفرنسا وايطاليا في مدن واستكشاف يعني العواصم والمدن الرئيسيه نبي باريس وروما والبندقية ومدن ثانيه تقترحونها علينا اتمنى تعطوني خطه سير مفصله بالمدن الحلوه وهل السفر بقطاراتهم مريحه وحلوه او لا لان بالسياره متعب وساعات طويله ارجو المساعده |
صراحة و نصيحة اذا ما عندكم استعداد تستاجرون سيارة فشخصيا ما انصحكم تتنقلون بين الدول و المدن والارياف .. خاصة في اوربا الغربية .. لانه و ببساطة بيستغلونكم المرشدين و اصحاب التكاسي اسوأ استغلال .. و بتكلف عليكم السفرة تكاليف طائلة جدا .. و ممكن تستخدمون القطارات و الباصات .. ولكن هذا يحتاج خبره و ناس متمرسة في السفر .. بمعنى كل شخص معه شنطة صغيره و يكون مسئول عن حملها والتنقل بها .. و فاهمين و عارفين طرق الحجوزات و مسارات القطارات والباصات .. وعلى العموم بيكون متعب لكم .. بوضعكم ما لكم الا تختارون المدن الرئيسية .. و تبتعدون عن الارياف و كثرة التنقل بين المدن .. |
حنا نعرف مرشد سياحي فما علينا خوف من هاذي الناحيه اما عن التنقل فهاذي مو اول سفره لنا متعودين ومنظمين انفسنا وشناطنا بس هل تنصحونا بالسفر بالقطارات بين الدول او لا وابي خطه سير لهاذي الثلاث دول بي ايش نبدا ووين ننتهي اما عن الارياف لو تحطون لنا مدينه وحده على الاقل لان نفسنا بهاذي الاماكن ومتى احسن وقت نحجز الرحلات والفنادق تشرطت كثير بس ارجو المساعده لاننا محتارين وحنا ما نقدر على الباصات لان ما معنا لغه ومعنا 3 اطفال صغار |
عذراً أخت RyofH .. وش دور المرشد السياحي في رحلتكم ؟ لأن المتعارف عليه لدى الأغلبية أن المرشدين السياحين يتولون جميع الترتيبات من حيث تنسيق التنقلات و البعض منهم يكون يقدم مقترحات للسكن في مناطق معينة تتناسب مع مناطق الفعاليات … بالأضافة إلى الدور اللى يسنده له السائح مثل تولي الترجمة و ترتيبات شراء التذاكر في المزارات السياحة … |
حنا راح نعطيه الخطه الي نبيها بترتيب الدول والمدن وهو يمشي على الخطه يعني نعطيه المدن الي نبيها وهو يقترح علينا مطاعم واماكن سياحيه يعني تقريباً مثل السائق حنا نقوله الخطه ووين نبي نروح وهو يودينا ويساعدنا في التواصل بس اما الرحلات والفنادق والتاشيرة هاذي عارفين لها بس نبي احد يسوق فينا ويساعدنا في التواصل انا بس ابي اعرف وش احسن خطه سير واحسن المدن للعوائل وسفرتنا مدتها شهر هل 3 دول يكفي ولا نزيد |
أعتقد زيارة 3 دول و متجاورة بيكون أريح لكم بدل التنقل الكثير خطة السير المقترحة (تقريباً) الوصول إلى باريس و منها يمكنكم زيارة ديزني لاند باريس مغادرة باريس إلى ستراسبورغ و البقاء فيها يومين (لابد من البحث و القراءة و سؤال المرشد عن المدن التى ستكون في خط السير) بعد ستراسبورغ التوجه إلى مدينة وينجن في سويسرا و هي مدينة ريفية فيها الكثير من الأنشطة مثل التزلج على الجليد بعد وينجن يتم التوجه إلى ميلانو ايطاليا و يمكن منها زيارة المناطق القريبة منها مثل: كومو - بيلاجيو - بيرغامو- فيرونا - البندقية - لوغانو السويسرية بعدها تكون المغادرة من ميلانو |
شكراً خطه سير جميله. |
اقتباس:
العفو .. و نتمنى لكم رحلة سعيدة |
ما قصر خبيرنا ابو معتز .. و ممكن اقترح انكم تبداون من روما .. و تنتهون في باريس .. لسبب بسيط و مهم جدا .. هو انكم تبدأوون من الشين الى الزين .. لانه لو بداتو بالزين ما راح يملى عيونكم شي .. و راح تخرب عليكم باقي الرحلة .. و انصحك تقراين تقارير الاعضاء و على ضوءها تشوفون وين المدن اللي تناسبكم .. و بصراحة ما نيب متطمن لمسألة المرشدين .. و ممكن اعطيكم مسار جميل ..و لكن المشكلة ما ادري هل يتناسب مع وجود مرشد ام لا .. طيب ما فكرتو تاخذون معكم سائق خاص وتأجرون فان .. ممكن يكون آمن و أريح .. كل خوفي ان اصحاب الفانات ذولي يستغلون حاجتكم لهم .. و يتركونكم في واحده من هالمدن |
اي هو تقريباً سائق كل شي علينا بس هو يودينا ويجيبنا وفي ناس نعرفهم قد راحو معه فمتطمنين ونحتاجه لان ما عندنا اي لغه غير العربيه وبيصعب علينا التواصل اتمنى تعطينا اقتراحك . |
اقتباس:
طالما أنكم على ثقة من التعامل مع السائق .. توكلوا على الله و لعلها خيرة و دائماً في السفر الواحد يبحث عن ما يفيده و يسهل عليه رحلته و وجود عائق اللغة أن شاء الله بتتسهل .. تمنياتنا لكم برحلة أمنة و سعيدة |
تكون وجهتكم روما .. تقعدون في روما ٣ ليالي او حسب رغبتكم .. طبعا روما مليانه بالاماكن التراثية الجميلة .. و بعد روما تتجهون للبندقية .. بغيتو تمرون على بيزا .. فهي فرصة .. ولكن يبي لها مشوار من خط سيركم تقريبا ٧٠ كم رايح و ٧٠ كم راجع عن طريقكم الرئسي الى البندقية .. اذا عندكم استطاعة فهي فرصة انكم تشوفون برج بيزا المائل ..و منها تتجهون للبندقية .. البندقية يكفيها يوم او حسب رغبتكم .. طبعا ايطاليا طرقها طويله و ممكن تكلفكم بالبنزين و اجرة الطرق .. بعدها تتجهون لميلان .. و حوالين ميلان فيه عدة اماكن جميلة .. عندكم اوتلتات جميلة زي سيرفالي و غيره .. و عندكم بعض المدن والبحيرات ممكن تقرأون وتشوفون اللي يناسبكم .. طبعا بتكون قاعدتكم في ميلانو لكم يوم حسب رغبتكم .. و بعدها تتجهون لانترلاكن .. حبيتو تمرون على شاموني فهي فرصة طيبه .. و هي تعتبر على الطريق تقريبا .. زيادة حوالي ٤٠ كم .. تفرقون لها من عند اوسطا .. بدال ما تطلعون جبال الالب من عند اوسطا .. تبتلون سيده شوي و تطلعونه من عند مونتي بلانك .. انترلاكن جميله و تعتبر أجمل منطقة ريفية و ممكن تقعدون فيها عدة أيام حسب رغبتكم .. بعد انترلاكن عنكم خيارين .. الخيار الاول تتجهون لاوربا بارك مرورا بشلالات الراين .. وتقعدون فيها ليلتين او حسب رغبتكم .. و بعدها تتجهون لباريس .. الخيار الثاني تتجهون لجنيف مرورا بمصنع الشوكولاته و لوزان .. و من جنيف لباريس .. و ممكن تسلمون السياره في جنيف و تركبون القطار لباريس .. ولكن بتتعبكم الشناط .. طبعا خط السير هذا مخصص للي بيستاجر سيارة .. اما بالنسبة للمرشد او السائق فما ادري عنه .. هل بيكون مناسب مع سائق او لا |
خطه سير جداً رائعه وجميله هذا الي كنت ابيه واضح ومرتب ومناسبه لنا شكرً جزيلاً على المساعده |
| الساعة الآن 07:07 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO