|
حيرة واحتاج نصايحكم في الوجهه السلام عليكم ورحمة الله وبركاته الله يعافيكم جميعا نزلت الموضوع بعد بحث طويل وللاسف مالقيت الشي المناسب ف قلت انزله هنا وان شاء الله ماراح تقصرون معي بخبرتكم اخوكم في الله وده يطلع اوروبا لأول مره (ماقد طلعت برا دول الخليج ابدا) الإشكالية اني ما ادري وين اروح! طبعا بديت تفكير وبحث بالموضوع قبل ٣ اسابيع تقريبا وأول شي عرفته اني احتاج الشنغن! وفعلا بديت ابحث وسألت في بعض البرامج واللي توصلت له اني اهم شي اطلعها من اي مكان (خاصه مع زحمة المواعيد الان زين القى موعد بس) وبعدها اقدر ادخل اوروبا وفعلا اقرب موعد لقيته كان في سفارة السويد وجهزت اموري ورحت لهم الاحد الماضي (ناوي اكتب موضوع كامل عنها ان شاءالله بعد ما توصلني لان للاسف فيه شح بمواضيع استخراج الشنغن من السويد) المهم تاريخ سفرتي ان شاءالله يوم 28/6 وناوي اخذ من ٨ الى ١٠ ايام ووضحت للسفارة تاريخ السفر ووعدوني ان شاءالله انها توصلني قبل ذلك الان اعتذر على الاطاله لكن حبيت اوضح كل شي بحيث تقدرون تعطوني اجابة كافيه ان شاء الله استفساري الاول انا ناوي اطلع لاي دوله لاوروبا واخذ معاي حجوزات فنادق وطيران للسويد بحيث اقولهم فترة اقامتي الاطول هناك واول ما ادخل بلغي الحجوزات، هل طريقتي صحيحة وماراح اواجه مشاكل ان شاء الله بالدخول؟ الاستفسار الثاني وين اروح؟!! فعلا انا كانت نيتي ايطاليا روما وميلان لكن قالولي حر! احنا بكل بساطه ٢ شباب وندور البراد (هاجين عن الحر ^ـ^) وودنا بالطبيعه بس بعد نبي جو المدن! يعني نبي مكان مايكون طول سفرتنا طبيعه! نبي نمشي بالسنتر وندخل المدينه ونشوف المباني ونعيش جوها شي جديد علينا يعني ندور فعاليات ف هل تنصحوني بدوله تجمع ما اريد؟ بتنقل بين المدن طبعا بس ابغى اجمع بين هالاشياء قدر الامكان ف ايش نصيحتكم لي جزاكم الله خير؟ ويفضل جدا لو تعطوني خط سير بيكون مفيد لي جدا جدا الاستفسار الاخير هل تنصحون شخص مثلي اول مره يطلع اوروبا يسوق سيارة هناك؟ او تقولون له اعتمد على المواصلات العامة؟ شاكر لكم جدا مقدما واعتذر على الاطالة واستقبل اي نصائح من تجاربكم حتى لو كانت خارج نطاق اسألتي |
عليكم السلام و رحمة الله و بركاته بصراحة أنت ضغطت نفسك في الوقت و رحلتك قصيرة !!! ممكن تخلي الرحلة في ألمانيا أو النمسا و مثل ما ذكرت خلي معاك حجوزات تبين أن أيامك الأطول في السويد و إذا تبي البراد و الأجواء الجميلة الشتوية أدر البوصلة إلى وجهة مختلفة و أقترح عليك جنوب أفريقيا / كيب تاون و ما جاورها من مناطق القاردن رووت |
عليكم السلام انا مع ابو معتز جنوب افريقيا رائعه وبدون فيزا |
الغالين ابو معتز و alradadi اشكركم على الرد لكن بما اني طلعت الفيزا ودي استفيد منها وادري والله المده قصيره وماجهزت من بدري بس هذا وضع اجازتي للاسف بخصوص النمسا، هل ممكن تعطوني مدن او خط سير؟ وهل تنصحوني استأجر سيارة فيها خصوصا اني اول مره اروح؟ كيف وضع الاجواء فيها؟ |
كيف الميزانية ؟؟؟؟ في المدن الاوربية السيارة مزعجة الافضل التنقل بوسائل النقل العام اما القرى لازم سيارة حتى تستمع لكن قبل كل هذا يجب ان تتطلع على انظمة المرور لديهم وكيفية الحصول على ملصقات الطرق ا |
يعني تنصح اخذ سياره في وقت التنقلات بس؟ والمدن الكبيره اكتفي بوسائل النقل العامة؟ وأكيد ان شاءالله بيتم الاطلاع عليها كلها المزانيه جيده ان شاءالله، كم برايك يحتاجون شخصين لو قلنا النمسا؟ شامل كل شي.. |
من رأيي تستأجر سيارة أريح لكم في التنقلات و تعطيكم متسع من الوقت في زيارة القري و المدن في الطريق |
اذا طلعت فيزا من السويد خل رحلتك السويد + النرويج لا يمكن تدخل ايطاليا ولا النمسا وتقول اقامتي اكثر بالسويد تصير مكشوف وبعضهم يشيك على الحجوزات وفي هذي الحالة تحتاج حجوزات طيران وبما أنك أول مرة الافضل كل شي يكون 100% من حجوزات وغيره |
ستوكهولم مدينة جميلة بس حقها 3 أيام لا اكثر اطلع بعدها طيران على فيينا يوم في فيينا واليوم الثاني تكون مستأجر سيارة وروح زيلامسي وماحولها مدري من وين بترجع اذا من ستوكهولم احجز من ميونخ للعودة لها واذا من وجهة اخرى سوي حجوزاتك من الحين واعرف وجهتك اذا دخلت البلد امورك طيبه واذا بتنتقل لبلد ثاني يكون طيران مافية اي تفتيش وتشدد على الحجوزات كانك نازل مطار داخلي بين بلدان اوروبا او دول الشنقن |
انا اؤيد تروح السويد او النرويج خاصه انهم براد وتقول الميزانية كويسة وعشان تكون فالسليم امور الشنقن الخيار الثاني ايطاليا سمحين ومايدققون غالبا على الشنقن من وين وتروح ميلان وتاخذ سيارة كم يوم الشمال وترجع ميلان تجمع مدن وبراد منطقة الشمال الايطالي . رحلة سعيدة |
| الساعة الآن 07:08 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO