|
تجربه حجز سيئه عبر بوكينج السلام عليكم اعرض هذه التجربه حتي لايقع احد بمثل ماوقعت فيه حجزت غرفه في زلامسي لمدة ثلاث ايام وكانت سعرها تقريبا 180 يورو كان منظر الغرفه وشكل الفندق مقبول عندما وصلت وجدت بنايه قديمه وليست مطابقه للصوره وعند حضوري لم اجد استقبال دفيت علي رقمهم وقالوا حنا جايين للبنايه حتي نسلمك الغرفه جاء رجل من الجنسيه التركيه ودخلني بالاستقبال وجاء بسجل دخول ويعطيني مفتاح الغرفه قلت انتظر لين اشوفها وكان ماعجبه الوضع وقعد يتمتم بكلام لافهمه اصريت وعليه وطلع معي وراني الغرفه الي هي اشبه بزنزانه متر وتص في نص مثر وداخلها دورت مياه ولايوجود لاتكيف ولا تهويه قلت هذ ماستلمها ولا يسكن فيها حتى الحيوان اخذت شنطتي وطلعت وكنت اريد سحب المبلغ من بطاقة الاتمان حتي مايسحبه وكان اسرع مني وسوي تسجيل وصول وسحب المبلغ يوم جتني رساله السحب وانا ارجع له قلت ليش تسحب المبلغ وانا قايل لك الغرفه ماتناسب لاسكن نهائي حاول يعرض علي غرفه اكبر منها بدبل سعر الغرفه الاولي فرفضت وقلت رجع المبلغ الان ولا سوف اتصل يشرطه جاء بيركب سيارته قلت توقف ودقيت على الشرطه وقالوا عطني الشخص وتكلموا معه وقالوا لاتحرك لين نحظر وكان تجاوبهم سريع قهنتهم بالوضع وضغطو عليه يرجع بس اخيرا قال المبلغ عند بوكينج ماهو عندي قالوا لي راجع بوكينج يرجع لك المبلغ اتصالت علي يوكينح وشرحت لهم الوضع قالو ناسف عن الي حصل وحنا نبي نحاول يتنازل عن المبلغ ويرده لك قلت تمام اليوم ارسلوا رساله لي انه رفض يرجع المبلغ نهاىيا واخذ 3 ليال بغير وجه حق وانا لم اسكن لو ساعه واحده هل يوجد جهه مختصه بنمسا لمثل مشاكل الفنادق يمكن تاخذ حقك منها انا اعرض هذا الكلام حي لاتجعل ثقتك في بوكينج احجز بنفسك بعد ماتشوف الغرفه وبسعر يمكن اقل من بوكينج |
و عليكم السلام و رحمة الله و بركاته ... حياك الله أخ مسافر جو قد تحدث مثل هذه المشاكل و لكم يجدر بنا التحقق قبل الحجز حتى لو كان السعر مغري و لابد من قراءة التعليقات في الموقع أنت حالياً مشكلتك مع Booking و ليست مع المالك و كان يجب عليك أن تقوم بتصوير المكان أثناء تفقده لتثبت حقك بأن المكان غير مطابق للمعروض للأمانة و المصداقية منذ سنوات طويلة و نحن نتعامل مع موقع Booking والحمد لله كل الحجوزات تكون كما هي معروضة بالموقع نقطة أحجز بنفسك بعد ما تشوف المكان هذي أنتهت عند البعض من زمان و حالياً تنفع لمن يسافر و هو غير مرتبط بجدول محدد بأيام أجازة أو سفرة خارج أيام المواسم |
اقتباس:
|
اقتباس:
و الله ما أعلم عن النظام في حال الشكوى هناك ... و لكن من رأي راسل موقع Booking و أكتب تقييم في الموقع عن الفندق و حاول يكون التقييم باللغة الأنجليزية لكي يصل لأكبر شريحة من المتعاملين مع الموقع |
نشكرك على طرح تجربتك للفائدة صارت لي نفس المشكلة في شيكاغو أمريكا مع مالك شقة صيني كل شيء كان رائع الموقع البناية لكنه ما قدر يسحب من الفيزا أعتقد بسبب أنه كان يسحب من الصين والبناية في أمريكا المهم ما رضي يسلمني الغرفة لين يستلم المبلغ أحاول أفهم الصيني أن المشكلة من عنده ما فهم كلمت بوكنق طلبت الغاء الحجز قالوا الصيني رافض طيب والحل ؟ اتصل علي قال جيب كاش وادفع لي قلت له ما عندي كاش طلع مبتدئ في هذي الأمور ورطني معه وانتظرت عند المبنى حول 6 ساعات لين مرت العملية وكنت حاجز عنده 4 أيام مدفوعة اتصل علي اليوم الثاني يقول متى تسوي تشيك اوت ؟؟؟ قلت له بعد شهر :32::32: الشاهد بوكنق ما يقدر يساعدك مع الأفراد لكنه ممكن يقدر على فندق بحيث يوقف التعامل معه لذا الحل أن تبتعد مستقبلاً عن الحجز من أفراد وتتعوض الله فيما ضاع منك بدون وجه حق :e032: |
اقتباس:
|
و عليكم السلام .. مبدئياً الله يعوض عليك ! الفنادق مالها دخل نهائياً دامك حجزت عن طريق بوكينج ! مشكلتك مع بوكينج و في حال كان فيه تعويض ، فبوكينج اللي من المفترض يعوضك ! اللحين المفروض تقيم الفندق ببوكينج ، و تقيمهم في تريب أدفايزر ، و تقيمهم في قوقل ماب :) و اكتب فيهم كلهم إن بوكينج ما تعاون معك نهائياً لمّا شكيت و مارجع لك حقك ( لغة عربية + لغة إنجليزية ) ، غالباً لما أسوي كذا ، الفندق يتواصل معي أو أحد من بوكينج :D و المرة الثانية لما تحجز شيّك على التعليقات في بوكينج و تريب أدفايزر و قوقل ماب ، و مثل ما قال أبو غسّان ابعد عن الحجز مع الأفراد ! |
اقتباس:
|
عليكم السلام الله يعوضك خير وان شاء الله انها تكون تجربة تفيدك في المستقبل انا اشوف ان اختيارك الغير موفق هو سبب المشكلة يجب القراءة والاطلاع وليس الاعتماد على الصور فقط. بوكنق موقع مسوق فيه الزين و الشين لذلك كن حريص في اختيارك مسألة ارجاع المبلغ يخضع لشروط اطلعت عليها وقت الحجز واذا تنازل الموقع اوالفندق عن حقوقه تكون بشكل ودي اما اذا تم الاختلاف على شي يرجعوا لشروط الحجز مسألة ان بوكنق يقف مع المالك هذا غير صحيح حصلت لي مشاكل متعددة في الحجوزات على مدى سنوات والله ان بوكنق وقف معي مرارا اخرها هذا الصيف اضطريت ان الغي حجز غير مسترد مدفوع القيمة وتواصل بوكنق مع مكان الاقامة بشكل ودي واسترجع المبلغ كامل ملاحظه بسيطه اغلب مشاكل الناس مع بوكنق تكون في اماكن السكن التي لا ترتقي لمستوى فندق واغلبها يملكها اشخاص هم من يقومون بأدارتها بنفسهم واذا نزل التقييم في بوكنق الغي اشتراكه مع بوكنق وغير اسم الفندق لاسم جديد ثم اعادة اشتراكة في بوكنق اصبح بدون تقييم سابق النصيحة لا تحجز في اي فندق في اي موقع قيمه اقل من 100شخص كذلك التقييم يجب ان يكون من عرب مثلك مقاربين لأفكارك |
اقتباس:
|
الحمد لله تم التواصل مع خدمه العملاء في بوكينج مع اخ عربي من الجسيه المصريه وكان متفهم جدا خلاني علي الحط وكلمهم واخذ معهم تقريبا 15 دقيقه ورجع وفال رجعت لك باخبار ساره واقنعتهم ان نعمل لك استثناء بما انك عميل مميز لدينا ووافقوا علي ذلك |
وعليكم السلام ورحمة الله الله يعوضك خير أخوي .. فعلاً مثل ما تفضلو الإخوة بوكنق ممتاز ولكن الإشكالية عندما يكون ملاك السكن أفراد تجد بينهم الجيد والسيء وليس مثل بعض الفنادق لها اسمها وتهتم للتقييم .. والتعليقات جداً مهمة وخاصة من المسافريين العرب للإستفادة من تجاربهم. فالنهاية الحمد لله مثل ما تفضلت تم إنصافك وإن شاء الله يرجعلك المبلغ هنا يتميّز بوكنق عن غيره |
فيه حل سهل مثل المواقف طبيعي انك حجزت سكن بديل اطلب من السكن البديل فاتورة كلم بوكينغ قل صاحب السكن رفض يدخلني نفس السكن يبغى يسكني في مكان ثاني او قول انه رفض يستقبلك نهائي وارسل لهم فاتورة انك اضطريت تحجز سكن جديد بعد مارفض يستقبلك كذا راح يرجعون المبلغ لك كامل والا فيه فارق بالسكن البديل راح يعوضونك مدام انه غشك يتحمل ذنبه |
اشكرك على طرح مشكلتك في المنتدي لتعم الفائدة للمعلومية في اوربا خاصة كلما قدم البناية او اثرية تكون مرغوبة للسكن عندهم عكس عندنا نبي الاحدث عندهم تعني الشي الكثير وتكون التقيمات عالية لانها تجربة مميزة لهم |
الحمدلله ان تم حل المشكله |
موضوع تروح البلد وتشوف السكن المناسب بعد ماتعاين تدبيسة مابعدها تدبيسة خصوصاً إذا عائلة ووقت السفر بموسم . مثل ماتفضلوا الأخوان التقييم هو المعيار وفي أسوأ الأحوال ماعندك وقت أو في حيرة نسق مع شركة سياحية في نفس البلد تنسق لك الفنادق لأن عندهم خبرة وتعامل مع الفنادق في المنطقة . وحمدلله على السلامة |
حمد لله على سلامة حل المشكلة ،، المفروض بوكينج تكون هي المسؤول الاول والاخير عن هذه المشكلة ولا يضيع حق وراءه مطالب .. عموما عند الحجز مثل ماقالوا الاخوان هو قراءة تقييمات المسافرين في بوكينج وفي أقودا وفي هوتليز كومبايندز للتحقق والتوثق من معلومات الفندق وبعدين ممكن تحجز بعد التوكل على الله . |
اهلا بالشباب نبي ناخذ الامر بواقعية .. مسألة انك تشتكيه عشان مبلغ زي هذا ( شكوى دوليه ) ماهو منطقي ابد .. موضوعك عند بوكنج وبوكنج ( الصورة لديه انك وصلت والفندق سوى وصول) وتمت العمليه .. ومااتوقع انه يعوضك لان صاحب مكان زي هذا واضح انه ( بايعها ولاعليه من بوكنج ) مبناه متهالك ويمكن انه مستاجره بعد فتره ويمشي .. لذلك مااهتم للموضوع / 2 - كل محبي السفر يعلمون ان الاعداد للسفر جزء ممتع من السفر و( مهم ) يعني انا حاجز فنادق في دوله اخرى مايمنع اني اشيك تعليقات بوكنج وتقييمه وادخل على قوقل ماب واشوف الموقع وصور المبنى وتعليقات الناس غالبا لن يستطيع حتى الجن الازرق ان يعبر هالفلاتر : ( بوكنج -التقييمات -جوجل ماب -التقييمات -الصور ) وبعد ذلك وش اللي يمنع اني احجز ليلة واحده فقط .. واذا وصلت امدد / فالشاهد ان الخطا خطأك ياصاحبنا ولو رجعت لبوكنج وشيكت الفندق هذا لوجدت ان تقييمه نازل اكيد .. او تقييماته قليله جدا وكلها وهميه ربما .. الكثره هي اللي تنفي وهميه التقييمات / الله يعوض عليك .. استمتع وغدا يوم افضل المشكله اللي لاتستطيع حلها تماشا معها وتناساها ولاتكرسها وزع الـ 180 يورو على ليالي سفرتك تطلع كل ليله ممكن 18 يورو احسبها كأنها وجبه \ فن ادارة النكبات يدرس بالجامعه :32: / قال الشيخ : هل واجهتك مشكلات صغيره في سفرك ..قال الرجل لا قال فاعلم يااخي انك لم تسافر |
| الساعة الآن 01:30 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO