|
في السفر هل تحمل في جيبك جواز السفر او تتركه في خزانة الفندق شفت مقطع لاحد مشاهير السوشل يقول يترك بطاقته وامواله وجواز سفره في خزانة الفندق وياخذ مصروف يومي ماهو رايكم ؟ وهل تصلح مع جميع الدول او بعضها |
يا هلا بك أبو فهد … من تجربتي الشخصية ما أحمل جواز سفر معاي في التنقلات و لا أحمل كاش إلا القليل للحاجة في بعض الدول اللى عندهم الأكشاك ما يقبلون إلا الكاش وأعتمد بشكل كبير على البطاقات الأئتمانية للدفع بالفنادق و إيجار السيارات و أستخدم بطاقات العملات للتعاملات اليومية و أحرص يكون معاي بطاقتين على الأقل |
كثير يكون معاي ماخلي جوازي بالفندق |
دائماً اخلي الجواز والبطاقات الاضافية في الفندق و الجواز اخليه في شنطة الاب توب مو في صندق الامانات وحتى لما اوصل قبل الشك ان واطلع بعد الشك اوت اترك الجواز في الفندق و الحمد لله ولا مرة واجهت مشكلة بالعكس يمكن لما احمله معاي يتعرض للتلف او يطيح من الشنطة بدون ما احس |
اقتباس:
كما تعلم انه عندي بطاقة العملات البنك السعودي للاستثمار هل تقصد المجموع ثلاث بطائق ايش ترشح بطاقة اخرى او بطاقتين معها احتياط ومن اي بنك |
اقتباس:
|
اقتباس:
على المشاركة |
لا تحمل جواز السفر معك أبداً خله في السيفتي بوكس بالغرفة الله يرحم أيام زمان ما كان فيه سيفتي بوكس بالغرف كنا نخلي جواز السفر + الفلوس عند الاستقبال في خزانة الفندق مرة سكنت بفندق ما فيه صندوق أمانات وما حبيت احط الجواز والفلوس عند الاستقبال كان الفندق في قرية سوكابومي في اندونيسيا شفت دولاب الملابس عالي قلت أحط شنطة الفلوس فوق رميتها رمي عليه لكني سمعت صوت غريب جبت الكنب وطلعت فوق الشنطة ما لها أثر وشفت فتحة بين الدولاب والجدار طاحت الشنطة فيه استدعينا قوات التدخل أمن الفندق عشان ينقذون الشنطة من هذا المخبأ السري المهم طال عمركم كل اللي بالفندق عرفوا مكان الشنطة :32::32: واضطرينا بالنهاية نحطها مع الجواز عند الاستقبال استلموها مع ابتسامة صفراء كنهم يتشمتون طيب من أول جيبها عندنا :32::32: |
دائماً أحمل جواز السفر معي . لا أعرف إذا كان تصرف صحيح او خاطئ ولكن أشعر أنه الاثبات الحقيقي المفيد إذا كان هناك مسائلة أو تفتيش من أي سلطة بالبلد الذي أزوره . أضعه في الجيب الاخر من المحفظة . |
انا قبل احطهم في السيفتي بوكس وقبل كنا نحطها عند الاستقبال بس الحين علشان التاكس فري كل وحده من البنات جوازها عندها لان دايما يطلبونه منا والفلوس ما قمنا نصرف الا شويه والبطايق معانا والابل باي قام بالواجب هالسنة |
| الساعة الآن 01:24 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO