|
مواقف في السفر حياكم 🙏 السلام عليكم ورحمة الله وبركاته اسعد الله صباحكم بكل خير وعافيه يارب اولا الموضوع يااخوان للاطلاع والفائده والضحك طبعا 😁 كنت مسافر انا وخويي طبعا زمان تقريبا وعمري 21 اول سفره لي في اندونيسيا حجزنا سواق ورحنا معاه وجوه بطل ومحترم فر فينا جاكرتا واول سفره تخبرون الواحد بينبسط اول مايشوف الطبيعه الخلابه حجزنا ع بالي ودلنا سواقنا هذا على سواق في بالي رحنا معه ثاني يوم وقف بنص الطريق وقال انزلو قلت ياولد وش جاه هذا قلت لخويي ماحنا بنازلين مانعرف الديره ووين نروح الله يقطع بليسه 😂😂 نزلنا لانه نزل وجلس ع الطريق حنا نزلنا بالطريق ع طول ركب وراح وقمنا نأشر لين وقف لنا واحد ورجعنا الفندق وقضيناها تكاسي عاد والله لااخطينا عليه ولاشي جونا هادي ورايق والى يومكم هذا مدري وش اللي جاه وفصل علينا 🤣 |
:32::32: ممكن تصير لذا مهم جدا جدا الاعتماد على التطبيقات مثل GRAB في اندونيسيا حقك يرجع لك ويحذفونه من التطبيق قبل سنتين في باندونق نسيت مفتاح الشقة في تاكسي قراب اتصل عليه ما يرد وبالأخير قفل السواق جواله تواصلت مع ادارة قراب قالوا انتظر لين نحل الموضوع اضطريت استأجر غرفة بديلة لين يجيب المفتاح قامت قراب بتوقيف حسابه وهو مستأجر سيارة عشان يشتغل عليها لكنه ما جاء الا الساعة 4 صباحاً عشان يعطيني المفتاح الخطأ مشترك أنا خسرت وهو خسر لكن تطبيق قراب ضمن حقي و رجع لي المفتاح :e032: |
اقتباس:
ههههههههه تاريخك رايح مرعب مع السواقين ... فصل فيوزه هو ووجهه .. سبحان الله سواقين التكاسي حول العالم يتشابهون .. نادرا النصوح منهم .. وعليهم نصب وطلعات ماتدري وش تبي |
كنت بالصين قبل فتره .. وكل الحياة بالجوال اتخيل لو فقدت جوالك يالواحد .. كيف ترجع للفندق غالبا اسم الفندق ماراح تكون حافظه .. وحتى لو كنت تعرفه وين تلقا صيني يتكلم انجليزي .. ومعطيهم الله ( ضيق الخلق) ماعنده استعداد حتى يسمعك ( الات ماهم اوادم) .. ولامعك فلوس تدفع بحكم ان الدفع بالجوال .. لذلك خل معك كرت للفندق ضروري وفلوس كاش لو انك باحسن دوليه الكترونيه .. عن النكبات |
اقتباس:
|
اقتباس:
|
صار لي موقف مشابه لموقفك في سيرلانكا 2018 وصلنا لمنطقة بنتوتا وقبل يوم المغادرة، ما اشوف الا السواق يقول لازم امشي وبنتي تعبانه ويكلم راعي الفيلا بلغتهم، وانا مو فاهم وش صاير راعي الفيلا كان يتكلم انجليزي، فكلمني وقال ترا بينكبك وعنده زباين غيرك بيروح لهم العاصمة.. جلست افكر شوي، قلت له توكل ما لي حاجة فيك وعاد كان معي الاهل، ولا ادري كيف بدبر حالي والمنطقة شاطئية مقطوعة نوعًا ما، والتطبيقات مو شغالة حولها بس راعي الفيلا دبر لي سواق من طرفه بسعر افضل من الي مشى.. وسبحان الله، السواق الاول كان مسلم، وراعي الفيلا كان بوذي، ولكن فزعته و وقفته البسيطة ما خلتني انساه لليوم المواقف هذي اما تحلي السفر، او تخربه.. ولكنها تصقل الشخص وتعلمه وتضيف لخبرته |
موقف آخر ذكرته، كنت متخوف قبل السفر لتركيا من الي اشوفه في السوشيال ميديا وتعرضت لحادث سيارة في الليل، والناس تجمعت ونزلت من السيارة وانا اقول لزوجتي مهما يصير لا تفتحي الباب كنت نازل وانا متوقع ضرب وهواش او غيره ولكن الموقف كان طريف، ومن المواقف الي غيرت نظرتي للشعب التركي جلست اسولف سوالف عادية مع الطرف الثاني (بالاستعانة بلغة الاشارة ومترجم قوقل)، وبعدها رسل ولده يجيب لنا موية وسناكات خفيفة لذلك احيانا التجارب الشخصية تكون مختلفة عن الفكرة السائدة عن دولة او شعب معين (مع التحيّط والحذر دائمًا) |
اقتباس:
|
| الساعة الآن 02:10 PM |
Powered by vBulletin® Copyright ©2000 - 2026, Jelsoft Enterprises Ltd.
Search Engine Friendly URLs by vBSEO