|
ابولجين في مهب الطائرات .. رحلة قادمه ... السلام عليكم ايتها الماجدات ... ايها المسافرون الافاضل .. ايها الشعب الكريم :e04a: لايخفى على شريف علمكم انني منذ سفرتي المجيدة الى شنغهاي الصينيه .. لم اسافر .. وقد تاقت النفس ( تاقت ذي حقت الجاهليه ) .. للسفر والترحال .. / سولفوا علينا .. وجهات جديدة .. -يلزم ان تكون بارده - فالسفر المتوقع في منتصف يونيو / 6 القادم .. نسولف لين نطير .. بداية الفكره الان .. هو الشمال الاوربي .. دول الشمال نبي نغير المود ... المايك لكم :e134::e134: |
هلا أبو لجين من شنغهاي المزدحمة إلى شمال أوروبا من العيون الضيقة إلى أجساد الفايكنق الضخمة لا أعتقد أن هذا يليق بشخصكم الكريم أرشح جنوب أفريقيا براد ومغامرات بأسعار تشابه الصين وعندهم الستيك لا يفوتك من الأفضل حول العالم بجانب لحوم أنواع مختلفة من الغزلان وشكشوكة بيض النعام أشوفها مغامرة واكتشاف أفضل من جمود الاسكندنافيين اسكندنافيا سياحة مع المعالم وجنوب أفريقيا مع المعالم والشعب هنالك فرق |
يا هلا بولجين كلنا تاقت يا اخوي اخر سفرة نوفمبر 2025 :( انا بغير لك من اوروبا ومن جنوب أفريقيا ليش ما تكفر في الحب امريكا اللاتينية :) |
عليكم السلام هلا بالرجل المغامر بعد الصين ترجع الى الخلف ؟؟؟؟؟ شوف بعد النرويج كرهت اوروبا كلها لكن البلد غاااااااااااااااااااااالي مره انا مع ابو غسان جنوب افريقيا خيار رااااااائع والجو في يونيو بارد ولا تفوت شكشوكة بيض النعام ترها غير متوفره الا في جنوب افريقيا |
اقتباس:
اهلا اهلا ... بشيخ العرب .. والله اشوف فيه توجه كبير .. لجنوب افريقيا الصورة النمطيه ( انها حر وافارقه ) مع اني ادري ان صورتها مختلفه تماما ... ماادري كيف تتخطون حاجز المخاوف الامنية .. عموما جاري المرور السريع على مواضيع هالبلد ... \ اعجبتني فكرتك عن ( سياحه اوربا) بالفعل الدول الاوربيه تروح وترجع لها مافي ذاكرتك الا الطبيعة والمعالم لكن مافيها تجربه انسانية |
اقتباس:
هلابك ... ياعميدتنا .. والله صارت امريكا اللاتينيه مرتبطه ذهنية بسفراتك .. ماشالله عليك المشكله انها بعيد .. والامن لك عليه .. قد مايكون كما نتخيله لكن يظل هاجس وانت تتجول .. خاصه وانني احب التحرك كثير في السفر .. خاصه اذا سواقتهم ( نفس اتجاهنا) يفكر الواحد ياخذ سياره ويتجول .... يمكن بكره تلاقوني محتجز من عصابه او شي .. ومع ذلك الفكره قائمة وخيار جميل ( ان توفرت ظروفه) |
مرحبا ابا لجين يسعد مسائك اذا تبي دوله بارده واعجبتني انا شخصيا شوف روسيا البيضاء حلوه واسعارها مناسبه رحت لها مرتين الاولى الجو معتدل والثانيه 10 تحت الصفر 🙂 |
اقتباس:
اهلا بشيخ العرب .. الله حيه ... :24:سولف لنا عن النرويج .. مادرجت الغلاء .. ؟ حقيقه شفت تقارير رحاله عنها .. فعلا الطبيعه ماهي شي عادي .. سبحان الله ... سولف لنا عن الاسعار .. ( وهل ينفع بعض التقشف ) لتقليل المصاريف ام ان حتى الرخيص عندهم غالي ... حسب ردك سيتم توجيه البوصله اما افارقه او اوربيين |
أتترك كأس العالم و تفارق العالم استكشف الدولة العجوز و غوص في أرياف الانجليز |
اقتباس:
اهلا اهلا .. بالنجم القادم .. مساءك خير الله يطول عمرك .. وجهة جديدة فعلا .. وجديرة بالدراسة .. اذكر انها كان لها طاري وهبه بعد كورونا .. حتى اعتقد انهم اعفونا من التاشيره كسعوديين وحددوا الدخول عبر منسك ( اذا ماني غلطان ) ... ** ثم تعال هنا سولف لنا عن البلد .. ماجيته مرتين الا انت معجب .. وترا سوالف من رأى ليس كمن سمع ( هذي حكمه مربعه) صراحه وجهة جديده :72: |
| الساعة الآن 03:03 PM |
Powered by vBulletin® Copyright ©2000 - 2026, Jelsoft Enterprises Ltd.
Search Engine Friendly URLs by vBSEO