|
ماهي عيوب رحلتك السابقة ؟ العرب المسافرون سياحة نادرا أن نجد من يكتب عن عيوب رحلته والعيوب مهم ذكرها لتجنبها في رحلات قادمة -- بالنسبة لي من عيوب رحلتي كثرة التنقل في رحلة سابقة خاصة اذا معي عائلة وشنط مجرد اتنقل في ثلاث فنادق اتعب -- هذا يرجع لكل شخص وطبيعته البعض يحب كثرة الهجولة والتنقل والبعض يحب الهدوء والاسترخاء والاستجمام ننتظر عيوب رحلاتكم ههههه |
رد: ماهي عيوب رحلتك السابقة ؟ نقطه مهمه و موضوع تفاعلي مهم .. لان الشغلات اللي عانيت منها , ممكن يتجنبها غيرك بعد اذنك ينقل للبوابه العامه .. |
رد: ماهي عيوب رحلتك السابقة ؟ كانت عيب آخر رحله بالنسبه لنا السكن للاسف كان جميل و فخم , لكن بعيد عن المطاعم و الاسواق و المتنزهات لو عاد بي الزمن , كان شفنا سكن متواضع أكثر - و قريب من الفعاليات اللي سافرنا عشانها .. . |
رد: ماهي عيوب رحلتك السابقة ؟ موضوع حلو وبيفيد الجميع ان شاء الله تشكر عليه اخوي عيوب رحلتي السابقة عدم التخطيط بشكل جيد لشمال التركي قلت تيجي زي ما تيجي اصحى واشوف وين ابا اروح واروح ما بقيد نفسي بجدول معين .. باسطنبول كنت اجهل تقارب بعض الاماكن من بعضها فضيعت علي يومين بنفس المنطقة ع الفاضي .. لقلة المعلومات عن الاماكن اللي رحت لها وان شاء الله بذكر هالشي بالتفصيل ضمن تقريري ... بنتظار مشاركة البقية ينقل للبوابة السياحية دمتم بحفظ الرحمن |
رد: ماهي عيوب رحلتك السابقة ؟ مرة وحدة كانت لأن ما حجزنا مبجر واعتمدنا على المكاتب واتصلنا عليهم من قبل شهر بس مماطلتهم لنا خلونا نتوهق وبس ما قمنا نسافر الا حجزنا قبلنا شكراا لك |
رد: ماهي عيوب رحلتك السابقة ؟ النسيان الله يهديني وما انسى دائما انسى شئ |
رد: ماهي عيوب رحلتك السابقة ؟ يعطيك العافية على الموضوع الحلووو انا اكثر شي احسه عيب فيا قبل مايكون في الرحلة عصبيتي اللي دائما ماتخلي المشوار اللي طالعينه يكتمل وتسرعي ماعندي صبر للأسف كل شي ابغاه يصير بسرعة عيوب رحلتي السابقة كانت طول المدة والاكتفاء بمدينة واحدة بس كمان الشوبينغ اول ٤ ايام من السفر اخذ نصف ميزانية السفرة أرسلت بواسطة iPhone بإستخدام Tapatalk |
رد: ماهي عيوب رحلتك السابقة ؟ عيب اخر رحله كان الجو أحب السفر في الشتا والجو البارد بس اخر سفره كان طول الرحله مطر واغلب الانشطه كانت خارجيه فكان شي مزعج خصوصا بوجود الأطفال يعطيك العافيه عالموضوع |
رد: ماهي عيوب رحلتك السابقة ؟ فكرة الموضوع جميلة أهنيك عليها من عيوب رحلتي الاسبوع اللي فات لاثيوبيا عدم حجز سواق قبل الوصول للخروج من اديس ابابا مع اني أعرف سواقين كثير و لما وصلنا هناك اكثرهم يوعد و لا يجي كعادتهم ما يلتزمون بأي موعد كمان الاعتماد على الجوال في التصوير و عدم احضار كاميرا مع أن عندي ثنتين فلما انسرق ضاعت كل صور الرحلة |
رد: ماهي عيوب رحلتك السابقة ؟ موضوع جيد لابعد حد .. من الحلو ان الواحد يشارك عيوب رحلاته مع الاعضاء عشان تكون عند الاعضاء نظرة شاملة ويتجنبون بعض هذه العيوب ابو غسان قلبت علي المواجع .. انا من عيوب رحلتي السابقة اني كنت متفق مع سواق واحد لأغلب ايام الرحلة وما اتفقت مع احد غيره ولما وصلت هناك استقبلني اول يوم وثاني يوم اتصل علي قلي جاني ظرف وماراح اقدر اكمل معاك وسوا فيني مقلب كرهني في نفسي صرت ادخل الانترنت ادور ارقام سواقين وكل ما اتصل على واحد يقلي ماني فاضي .. وضاع علي ذاك اليوم ولما اتصلت عليه مره ثانيه وتهاوشت معاه ارسل لي سواق لا يتكلم عربي ولا انجليزي .. واذكر اني تواصلت مع ابو خالد وقتها وحذفوا اسمه من قائمة السواقين الثقه الي كانت ارقامهم في بوابة اندونيسيا |
رد: ماهي عيوب رحلتك السابقة ؟ شرفني مروركم خاصة الإخوة الاداريين ننتظر المزيد من مشاركات الاعضاء استفدنا كثيرا من المشاركات السابقة |
رد: ماهي عيوب رحلتك السابقة ؟ ليس عيب بالمعني الحرفي ولكن ممكن خطأ اني دائما آخذ معي كاش ،، بالرغم ان كل مره اقول هذه المره راح استخدم البطاقة |
رد: ماهي عيوب رحلتك السابقة ؟ عيوب رحلتناا السابقه ،، رحله امريكا ،، هي اللي واجهتني فيها عيوب ،، اول شي قررنا فجاه بالسفر وحجزنا متاخر واضطرينا نحجز ع الكي ال ام وكانت التذكره غالييييه وتجربه سيئه مع الكي ال ام للاسف ،، ( فنصيحه خصوصا ل امريكا اللي مخطط عليها يحجز قبل السفر ع الاقل ٣ اشهر لان فرق السعر كبييير مره ) ثاني شي كان توزيع الايام والتنقل في امريكا ف كان التنقل كثير ومتعب من ناحيه العفش ف نصيحه للي مخطط ع امريكا يخطط ع ولايات قريبه من بعض تغنيه عن الطيران الداخلي لانه جدا جدا فاشل ومكلف من ناحيه العفش اكلونا بالوزن ،، ثالث شي اني حجزت ع كلام الناس ان لوس انجلوس قليل عليها ١٠ ايام ف حجزت ٤ ايام ديزني بجنوب لوس انجلوس وتقريبا ١٨ يوم بشمال لوس انجلوس كانت مره مره كئيبه صراحه وتحسفنا عليها طول هالمده ،، |
رد: ماهي عيوب رحلتك السابقة ؟ اقتباس:
مش ديما الاراء تكون وحدة اللي يعجبج ما يعجب غيرج لحظت ان الناس ديما تمدح اماكن عاااادية واللي صدق حلوة يذمونها :(5): |
رد: ماهي عيوب رحلتك السابقة ؟ عيوب اخر رحلتين لي في الاخيرة حجزنا كان قبل السفر بإسبوع .. يعني ما كان عندي معلومات كافية عن المناطق اللي بنزورها و خصوصا المطاعم لكن الحمدلله عدت و استمتعت و لو اني ما شفت كل اللي ابي اشوفه و السبب عدم التجهيز والعيب الاهم اني اعتمدت على زوجي بحجز الفنادق و اهوه استسهل الموضوع و نسى انه كان موسم اجازات بإسبانيا وصار يحجز الفندق بالليلة اللي قبل ما نوصل المنطقة اللي بنروحها :(2): و اضطرينا نحجز بالخيار الثالث او الرابع من الفنادق .. خصوصا فندق برشلونة كان اقل واحد فيهم بالسفرة اللي قبلها اجرنا سيارة في باريس و اضطرينا نخليها طول الوقت في المواقف و ندفع على الموقف و نستخدم التكاسي او المشي لان السيارة ما نحتاجها فندقنا قريب من اغلب الاماكن اللي نبي نروحها و اصلا السواقة في باريس انتحار ! استخدمناها بس عشان نروح ديزني |
رد: ماهي عيوب رحلتك السابقة ؟ . |
رد: ماهي عيوب رحلتك السابقة ؟ موضوع رائع اخوي بالنسبه لعيوب رحلتي قبل الاخيره هي عدم الترتيب لها بشكل صحيح من حيث الجدول لاني كنت مسافر على مجموعه بلدان ولسبب ما قررت التغير الى دوله اخرى وخلال الفتره كنت منشغل كثير مامداني الوقت ارتب لها ترتيب جيد لكن ايضا الحمدلله الترتيب كان شبه ممتاز بالرغم من شحه المعلومات عن الدوله الي رحت لها وطلعت المعلومات والاماكن السياحيه بشكل فردي مني اللهم لك الحمد |
رد: ماهي عيوب رحلتك السابقة ؟ عيوب رحلتي الاخيرة تركيا :- *اعتمادي عالتكاسي اكبر خطأ المفروض تأجير مرشد بسيارة خاصة خصوصا للعائلات والاسعار معقولة جدا . * البقاء في اسطنبول لاسبوع المفروض السكن بورصه لان اسطنبول بلاويها كثيره ولا ينصح اكثر من يومين فيها. *بحث عن الانشطة السياحية قبل السفر اليها. |
رد: ماهي عيوب رحلتك السابقة ؟ مافي عيوب والحمد لله لأنه أصلا مافي رحله سابقه في المدى القريب :(155): |
رد: ماهي عيوب رحلتك السابقة ؟ الموضوع جميل آخر رحله كانت عمره عقبالكم يارب العيب اني قعدت يوم بس ماشبعت من الحرم بس مو بيدي الله يكتب لنا عمره يارب ولكم وللجميع مره ثانيه موضوعك جميل شكراً |
عيب واحد كانت شنطة السفر حجمها كبير ولو اقتصرت على الحجم الصغير افضل موضوع جدا جميل ياليت الجميع يشاركنا تجاربه الغير جيده |
انا حاليا في جورجيا, المشكلة التي حصلت لي اني كنت ناوي اروح لمدينة باتومي ولا حجزت من البوكنق, قلت في نفسي ان باتومي كلها فنادق, ولا يوجد سياح هذه الفتره, ولما وصلت رحت لكم فندق ولا حصلت الشقه اللي ابغاها, وبعضهم اسعارهم غاليه, وبالاخير استسلمت وفتحت البوكنق وحجزت واتصلت على صاحب الشقه وانتظرته ساعه الى ما وصل, والحمد لله انا الحين بالشقه الخطا بشكل عام, هو تأجيل بعض الأمور الاساسية في السفر لحين وقتها, مثل حجز الشقه او السواق او اجار السياره او البرنامج السياحي هذا والله يوفق الجميع |
كل رحلاتي عيبهم أنني ما أخطط بشكل جدي إلا قبل الرحله بأيام مشكلتي فوضوي مع أني أقرا التقارير كثيرا بالمنتدي لكن أنشغل بتقرير آخر وأنسي نفسي لكن العوض بالخبراء اللي هنا ما يقصرون |
عيب رحلتي الاخيره خلينا خمس ليالي لديرني لاند رغم اننا زرناها اكث من مره قبل كذا واني خليت انتر لاكن ثلاث ليالي بس موضوع جدا جميل ومهم شكرا لك |
كثرت التنقلات المره القادمة تتعدل بحول الله يسلممموووا على الموضوع المفيد الزيز هولمز |
| الساعة الآن 11:53 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO