|
استفسار شهر في اوربا مطلوب اقتراحتكم السلام عليكم انا رايح اوربا شهر من العيد 17 جولاي الى 16 اغسطس .. بس الصراحة مانى عارف كيف ابدا وكيف انتهي ميزانيتي تقريبا 60 الف ونزيدها وقت الحاجه ماي مشكلة وحنا شخصين . ابغا اقتراحاتكم ودي ازور برشلونه كمنطلق لانى جيت العام الماضي اسبانيا ولا زرتها بس وقفت في محطة القطارات ساعه ونص . وايظا باريس وطبعا سويسرا وايطاليا والمانيا ومش عارف وش ازيد وايش انقص للخبراء كيف اضبطها حتى تكون رحلة محترمه منتظركم |
رد: استفسار شهر في اوربا مطلوب اقتراحتكم هههههههههههههههههه والله محد عبرني .. نهائيا |
رد: استفسار شهر في اوربا مطلوب اقتراحتكم و عليكم السلام الله يحييك جداً متأخر في تخطيط رحلتك لأن مثل هذي الرحلات محتاجة تخطيط 3 أشهر قبل السفر خاصة و انك مسافر بفترة صيف و الاسعار تكون نار بهالوقت عموماً أرجح تبدأ باسبانيا النزول بمدريد و العودة من باريس فرنسا بحيث تقضي أسبوع بكل من اسبانيا ثم ايطاليا ثم سويسرا و أخيراً فرنسا و تنقلك يكون بالقطارات اسبانيا : مدريد و برشلونه ايطاليا : روما و فينيسيا و ميلان سويسرا : لوقانو و انترلاكن و جنيف فرنسا : باريس |
رد: استفسار شهر في اوربا مطلوب اقتراحتكم وعليكم السلام ورحمة الله وبركاته حياك الله بمنتدى العرب المسافرون انت حجزت تذاكر ولا باقي ؟؟ |
رد: استفسار شهر في اوربا مطلوب اقتراحتكم هلا والله بالشباب .. انا دايما كذا ما اخطط سافرت 12 دوله بالهبقه البلد اللى بيعجبني بحجز عليه واروح وهناك اصلح واعدل مثل ما ابغا بالمسار.... والمكان اللي يعجبني اجلس فيه اطول من غيره .. بالجوال اسوي حجوزات فنادق ويلا .. الصيف الماضي يوم 22 رمضان اشتريت تذكره ولوحدي وطلعت العيد على دبي 10 ايام ثم باريس 10 ايام ثم مدريد 3 ايام وحضرت مبارة ريال مدريد واتلتيكو مدريد ونزلت لجنوب اسبانيا3 ايام ومنها بالعباره للمغرب جلست 6 ايام ورجعت من كازبلانكا .. لذلك اصبح عدم التخطيط عادة ممكن تكون عادة سيئة بس كذا المزاج هههههههه لسا ما اشتريت تذاكر بس طلعت الفيزا الشنقن دوب الفكره طلعت براسي .. تعرف العزوبيه اللى مثلي ما عندهم مشكله اى وقت يهبقون ( تطلع براسهم ) انا دايم احجز على الاماراتيه عشان ازور دبي يومين قبل الانطلاق للوجهه |
رد: استفسار شهر في اوربا مطلوب اقتراحتكم الطريقة حلوة و تنفع للشباب بس تكلفنها اغلى خاصة في الطيران دامك شبابي فكر في زيارة الدول لاسكندنافية و لفها كلها خلال الشهر السويد فنلندا الدنمارك النرويج و ايسلندا |
رد: استفسار شهر في اوربا مطلوب اقتراحتكم الطريقة زينة للي ما يبي يرتبط بموعد لكن انت رايح بموسم يعني احتمال كبير تدفع 60 أو 70 % وما ابالغ لو قلت دبل اللي يدفعونه الناس بالفنادق الدول الاسكندنافية جداً جميلة والتوجه السياحي لها كبير بالسنوات الأخيرة وتقدر تضيف لهم ألمانيا مثلاً |
رد: استفسار شهر في اوربا مطلوب اقتراحتكم اخوي المده جدا ممتازه لزياره عدد من الدول والاستقرار بكل دوله يعني تقريبا شهر اذا نفس الدول الي ذكرتها تبدأ بالوصول الى برشلونه وبعدها طيران اقتصادي الى روما او ميلانو حسب المدن الي تبغي تزورها في ايطاليا يعني لو بغيت تزور روما وبعدها تطلع شمال الى ميلانو او تروح ميلانو دايركت بدون روما ومن ميلانو تطلع على سويسرا انتر لاكن وبعدها زيوريخ ومنها الى المدن الالمانيه فرايبورغ وبادن بادن واخيرا العوده من ميونخ او فرانكفورت اما اذا بتغير وبتروح على راي الاخوان الي الدول الاسكندنافيه فا الامر متروك لك اذا عزمت على الدول المذكوره خبرنا وان شاء الله نرتب لك المدن والسمافات ومده الاقامه بكل مكان ان شاء الله تحياتي |
رد: استفسار شهر في اوربا مطلوب اقتراحتكم اهلا والله بالشباب ... ما شاء الله عليكم بالمشورة ما تقصورون .. بالنسبه للدول الاسكندنافيه مش بطاله بس مالي مزاج لها بخليها مستقبلا لانى ابغا اشوف دول ما زرتها مثل ايطاليا وسويسرا والمانيا .. بدايتي راح تكون من اسبانيا طبعا والنهايه بفرنسا او العكس البدايه من فرنسا والنهاية في اسبانيا بس بينها مش عارف وش احلى وايش راح بالاول ... وايش المكان اللي يستحق الزياره للشوبنق الخفيف لمقاهي والمطاعم الحلوه والبزارات والاسواق والطبيعه الخلابه |
رد: استفسار شهر في اوربا مطلوب اقتراحتكم العفو اخوي ممكن بعض الاستفسارات او تكرمت هل بتستأجر سياره !! في رحلتك من ايطاليا الى فرنسا وابغي المدن الايطاليه الي بخاطرك تزورها !! حاليا الجدول المفضل امامي الوصول برشلون وبعدها طيران اقتصادي الى ميلانو وبعهدها انتر لاكن في سويسرا ومنها الى فرايبورغ في المانيا ومنها الى باريس في فرنسا |
رد: استفسار شهر في اوربا مطلوب اقتراحتكم انا ما عمري سقت سياره برا السعودية نهائيا لذلك ما خطرت افكره براسي ... متعود على القطارات ....... انت وش رايك ؟؟؟؟؟ نفسي ازور فينيسيا وميلان وكومو الشمال الايطالي بس .. انت شور علي |
رد: استفسار شهر في اوربا مطلوب اقتراحتكم خلاص اخوي العتيبي وصلنا خير انا من رايي تسوق احنا كلنا قبل لانسوق في اوروبا كنا اول مره نسوق السواقه جدا ممتعه هناك واسهل من دولنا لان الكل ملتزم بالمرور وبالنظام وجدا ممتعه وخاصه انك بتزور اكثر من دوله وبتروح بعض القرى والارياف بالنسبه لمخططك هذا المخطط النهائي بالنسبه لي : الوصول برشلونه وبعدها طيران دايركت الى فينيسيا على شركه الطيران 1- Ryanair 2- Vueling Airlines 3- Iberia الرحله مدتها 1:45 دايركت ومن فينيسيا تستأجر سياره وتروح على ميلانو ومنها الى كومو وبعدها الى انتر لاكن وبعدها الى المانيا عبر فرايبورغ او بادن بادن ومنها تدخل الحدود الفرنسيه عبر ستراسبورغ بأتجاه باريس وانا قلت لك تطير من برشلون الى فينيسيا افضل من الذهاب الى ميلانو اولا لان لو فكرت تروح ميلانو وبعدها بالقطار او سياره الى فينيسيا عشان تروح كومو وانتر لاكن اجباري ترجع مره ثانيه الى ميلانو فيكون الانطلاق من فينيسيا افضل وبعدها ميلانو وبالنسبه للأماكن والفنادق والمطاعم بعد مانتفق على المخطط النهائي راح تحط استفسارك بكل دوله في البوابه المخصصه لها عشان الخبراء هناك يفيدونك تحياتي |
رد: استفسار شهر في اوربا مطلوب اقتراحتكم يعطيك العافية .. الفكره بدت تتبلور في راسي بعد شورك اشكرك وبعنــــــــــــــــــــــــــــــــــــــــف |
رد: استفسار شهر في اوربا مطلوب اقتراحتكم العفووو اخوي بما ان الخطه بدت تتبلور عندك رسمت لك المخطط المقترح عشان يكون واضح قدامك واي ملاحظات اتمنى تخبرني فيهااا http://up.arabseyes.com/uploads2013/...8766952171.png العاب وبالتوفيق ان شاء الله |
رد: استفسار شهر في اوربا مطلوب اقتراحتكم ما شاء الله عليك بيض الله وجهك والله انك راعي فزعه من جد . بدرس الخطه واى استفسار ما استغني عنك وعن الزملاء الموجودين ...... عن جد مشكورين وما قصرتوا |
رد: استفسار شهر في اوربا مطلوب اقتراحتكم ووجهك ابيض اخوي العتيبي حاضرين مايردك الا لسانك يا غالي ماليك زود والله اي ادرس الموضوع من كل جوانبه وقرر الي اصلح لك واحنا حاضرين بأي استفسار بالتوفيق ان شاء الله |
| الساعة الآن 03:38 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO