|
دعواتكم لي .طلع عندي ورم في المخ .. ارائكم ؟؟ السلام عليكم اخواني واخواتي شلونكم اتمنى تكونون بالف خير قدر الله وطلع عمدي ورم سحائي في المخ في الجهه اليمين .. وقال الطبيب انه صعب ومكانه صعب .. تكفوون من سمع عن احد تعالج منه ؟؟ وافضل مركز للعلاج ونصايحكم ؟؟ انا سمعت عن زيورخ ولندن وتركيا ... ودعواتكم الله يجزاكم لي 🙏 |
عليكم السلام ورحمة الله وبركاته عافاك الله أختي ، لا أعلم مانوع الورم ولكن أياً كان نوعه إياك واليأس أكثري من الحمد لله وألزمي الإستغفار بنية الشفاء وأوصيك بالصدقه وقبل كل شيء كوني مؤمنه وواثقه بقدرة الله ع شفائك سبق وكان لدي ورم وتم إستئصاله ولله الحمد ووالدتي أيضاً أصابها ورم بالغده عند الحلق وتم إستئصاله والحمدلله ونحن بأتم عافيه أجتهدي بالدعاء ، ثقي إن الله معك. |
وعليكم السلام نسأل الله لكم الشفاء العاجل المهم هو التسلح بالايمان والتفاؤل التام وهذا راح ينعكس عليك برأيي التصرف الأمثل هو الذهاب للمستشفى التخصصي بالرياض ومن هناك يتم تشخيص الحالة بشكل دقيق عندي صديق كان عنده نفس الشئ و راح للتخصصي ومن هناك حولوه على مستشفى بامريكا وتم الشفاء الحمد لله والآن له 10 سنين من يوم قام بالعملية في امريكا اكثر من مستشفى متخصص منها جون هوبكنز في بالتيمور ميموريال هوسبتال شيكاغو كليفلند كلينك اوهايو اللهم انا نسألك بأسمائك الحسنى وصفاتك العليا و رحمتك التي وسعت كل شئ أن تمن عليها بالشفاء وتلبسها ثوب الصحة والعاقية برحمتك يا أرحم الراحمين |
اسأل الله العظيم ان يشفيك ويعافيك ويرفع عنك المرض والورم ويلهمك بالصبر والاحتساب ويبعد عنك الوسواس والشيطان الخناس بحق محمد وآل بيته الاطهار وصحبته منهم الاخيار . |
جزاك الله خير على كلامك .. وربي يشفيكم ويطول بعمركم يارب ويارب يسفيني بشفاءه :e437: اخواني اللي ردوا ارحم الله والديكم وابعد عنا وعنكم الشر ...شكرا على كلامكم وان شاءالله اني مؤمنه بالله |
اللَّهُمَّ رَبَّ النَّاسِ أَذْهِبْ الْبَاسَ اشْفِهِ وَأَنْتَ الشَّافِي لَا شِفَاءَ إِلَّا شِفَاؤُكَ شِفَاءً لَا يُغَادِرُ سَقَمًا ربي يشافيج ويرفع عنج الضر |
ياجواهر بعض الاورام اسمها اكبر منها .. اقولها والله صادق دائما نرى حالات اورام يتم استئصالها .. وازالتها والحمد لله يطيبون بنتي كان لديها ورم ليمفاوي في العنق وازلناه من 10 سنوات والحمد لله الى اليوم ماله اثر .. اتكلي على الله سبحانه واكثري من الاستغفار والصدقه وان شاء الله انهم يشخصونه كشي بسيط ويتم ازالته وتبشرينا هنا بانك متعافيه ... المستشفيات صدقيني ان مستشفياتنا في الفتره الاخيرة ولله الحمد لديهم افضل الوسائل ولديهم سجل انجازات طيب بهالمجالات .. هم سيشخصونك وان احتاج الامر يبعثونك الى الخارج واعتقد ان شاء الله انه اسهل من ان يتم تحويله الله يشفيك ويعافيك ويلهمك الصبر ويربط على قلبك الى ان يبشرك ربك بشفائك باذنه وفضله وكرمه انه هو السميع القريب المجيب |
أسأل الله الكريم رب العرش العظيم ان يشفيك شفاء لا يغادر سقما |
أسأل الله الكريم رب العرش العظيم ان يشفيك شفاء لا يغادر سقما ..... اختي الفاضله جواهر . اوصيك ونفسي واوصي كل مسلم ومسلمة بالالتزام ب الاذكار الصباحيه والمسائية .. والزمي الاستغفار وصدقيني بتشوفين الخير .. واهم شي لازم تعالجين وباذن الله كل شي وله علاج اهم شي لاتهملين نفسك .. وانا والله ماجربت الورم هذا ولله الحمد ولا اعرف احد جاه هالورم .. |
سلامات ان شاء الله في امريكا اكثر من مستشفى متخصص منها جون هوبكنز في بالتيمور ولد عمي عمل العملية و الحمد لله بخير نعم الرحله صعبه ولكن تكللت بالنجاج ولا انصح كليفلند كلينك اوهايو ابدا من تجربه قاسية بهذا المستشفى الفاشل ونسبة انتشار الفيروسات و البكتيريا مرتفعه فيه |
الله يشفيك ويعافيك اختي جواهر اهم شي بعد التشخيص الصحيح هو الحالة النفسيه |
لاحول ولاقوة اللى بالله قدر الله وما شاء فعل سبحانه بيده كل شيء وهو على كل شيء قدير اسأل الله الكريم رب العرش العظيم أن يشفيك اذهب البأس رب الناس اشفها و أنت الشافي لا شفاء إلا شفاؤك شفاءً لا يغادر سقماً أذهب البأس رب الناس بيدك الشفاء لا كاشف له إلا أنت يارب العالمين آمين |
اخواني وكل من كتب لي هنا .. اسال الله لي ولكم الصحه والعافيه ويغفر لنا ... جزاكم الله خير بكل حرف كتبتوه واكثر ..وربي لايوريكم مكروه بانفسكم ولا بعزيز عليكم ... جبر الله قلوبكم مثل ماجبرتوا خاطري بكلامكم ..ولو ذكرتوني اي وقت ادعولي ... |
اللَّهُمَّ رَبَّ النَّاسِ، مُذْهِبَ البَأسِ، اشْفِ أَنتَ الشَّافي ، لا شافي إِلاَّ أَنْتَ ، شِفاءً لا يُغادِر سَقَماً أسال الله الكريم رب العرش العظيم أن يرفع عنك و يمتعك بالصحة و العافية |
تكتبين لنا وانتي بصحة وسلامه تبشرينا عنك كل خير ثقي بقدرة الله وحسن الظن به |
سأل الله العظيم ان يشفيك ويعافيك |
جزاكم الله خير ... امين يارب لكل دعاء لي ولكم مثله باذن الله 🙏💕 |
عزيزتي جواهر اهم شي زي ماتعرفين النفسية لازم تكوني قوية لا تفكرين بسلبية كوني قوية وايجابية وقبل كل شي الايمان بالقدر خيره وشره وان شاءاله مااصابك خير لك وابتلاء من الله ليختبر صبرك وايمانك مارسي حياتك بشكل طبيعي لا تستسلمي للمرض مارسي الرياضة وخلي اكلك صحي اكتبي يومياتك وكل يوم انهيه بحكمة او مثل او عبارة فيها امل ويقين وثقة برب العالمين الدعاء ثم الدعاء ثم الدعاء والصدقة والحوقلة كلها بنية الشفاء بعد كل هذا يجي دور الاطباء تأكدي من التشخيص الصحيح اولاً وتوكلي على الله ولو وضعك يحتاج علاج بالخارج اكيد الدولة ماراح تقصر لكن انصحك بمستشفى الملك فيصل التخصصي مثل ماقال ابو غسان طمنينل عنك كل ماسمح وقتك |
طوق الياسمين 🌸 جزاج الله خير لكلامج الايجابي وان شاءالله انا مؤمنه ومحتسبه والحين ارتسل كذا مكان وربي ييسر لي اللي فيه خير يارب الف شكر وعسى ربي يديمكم اجمعين 🙏💕 |
سأل الله العظيم ان يشفيك ويعافيك |
اختي جواهر اتمنى ان تكوني في افضل حال تذكرت معلومة علها تفيد حاولي تراسلي الدكتور هاني بن طلال الجهني طبيب سعودي في فرنسا مختص بالمخ والاعصاب عسى ان يكون الشفاء على يده بعد الله |
أختنا الغاليه جواهر المري أتمنى لك الشفاء العاجل مثل تفضل الأخوه والأخوات الزمي الأستغفار والصدقات وإطعام المساكين ونحن الأن في شهر رمضان شهر الخير والبركات أكثري من الدعاء أهم شئ عدم اليأس وتذكري أن المرض بلاء وأختبار من رب العباد |
الف سلامة ماتشوفِ شر ان شاء الله وددت التسجيل بالمنتدى لأجل المشاركة بهذا الموضوع بشكل خاص وفي المنتدى ككل بشكل عام اردت المشاركة بقصتي بعد الدعاء لك بالعافية القصة:- في 2019/8/19 بداية ذهابي لمركز ابصار للعيون قبلها بإسبوعين صحيت من النوم طبعي الشكل لكن فيه ازدواجية في النظر ( اشوف الشيء 2 واحد فوق واحد ) كنت اظنه مجرد ارهاق طفيف واني كثرت تحديق بالجوال وكثرت تمارين ..الخ مرت اسبوعين وانا كذلك . تبقت 3 ايام فقط على ابتداء المدرسة ( انا معلم ) قلت سوف انهي الموضوع واذهب الي مستشفى عيون وسوف ابدأ بوضع نظارات، بعدما يفحص الطبيب لعيوني. ذهبت الي مركز ابصار للعيون في البداية فحصني الأخصائي ماوجد شيء ثم حولني على استشاري العيون فحص فحص وفحص حتى الشبكية وعضلات العيون، ممكن الممرضة 10مرات وضعت لي قطرة بالعيون اجراءت فحص يعني .. ثم جلست بالإستراحة وقت ثم استدعتني الممرضة الي الأخصائي والإستشاري مجتمعين قالوا العيون والشبكية سليمة 100٪ لله الحمد لكن هذا مظروف اذهب به الي اي مستشفى اكبر في الإمكانيات واعطهم هذا مظروف فيه اجراءت الفحص وفيه طلب عمل اشعة رنين مغناطيسي للدماغ لكي نستبعد اي مرض بالدماغ ما خفت فانا عندي قناعة انه اذا فيني شيء اول خطوة لعلاجه هو اكتشافه ذهبت للمستشفي عملت الأشعة حق الرنين داخل الجهاز تبقى مستلقي ثابت بلا حركة 45 دقيقة وانا في الجهاز ادعي انها ماهي جلطة ولا ورم لكن اقول انا فيني عرض واضح ازدواجية النظر ( الشوفة ) كيف لاهي جلطة ولاهو ورم .. قسم بالله اشد ماخشيته ان جهاز الرنين للدماغ يطلعني سليم ! لان ذلك يعني انك بدك تتحمل اللي فيك ومشي حالك وماحد مكترث لك وانه عليّ ان ابحث اكثر عن مصيبتي اذا كان الرنين كله مافاد وين اروح وش اسوي عاد .. خلصت الأشعة على طول قلت للممرض بشر وش لقيت ان شاء الله حاجة تشفى قالي الممرض بصراحة الدكتور هو اللي يقولك بعد اسبوع موعدك لكن انا اقلك بس لاهي جلطة ولاهي ورم شعرت بصدمة اجل وش ! قال لاهي جلطة ولاهي ورم لا ورم حميد ولا ورم خبيث لكن فيه شيء .. اطمئنيت وفرحت ورحت بالسيارة مبسوط انه وجدت ضالتي وسوف ابدأ العلاج وماهو ورم ولا جلطة .. رحت بعد اسبوع قالي الدكتور اللي فيك مرض مزمن اسمه " التصلب اللوحي " وعلاجه مكلف جداً جداً انصحك بمستشفى حكومي ، ذهبت واول ماقلت للطبيب فيني التصلب اللوحي المتعدد ماصدقني اعطيته الأشعة شافها ثم سالفة طويله تحاليل وحقن لإختبار ردة فعل جهاز المناعة وبحث عن السبب ( لان سبب التصلب اللويحي المتعدد غير معروف ) منحني اجازة شهر وموعد بعد شهر وكل موعد يجدد لي الإجازة شهر وموعد للأشعة وهكذا حتى انتهى الترم الأول وكذلك الترم الثاني يعني السنة كلها مادومت ولا يوم .. خدمتي بالعمل 9سنوات ا الأعراض ازدواجة في النظر شهر كامل صعوبة في المشي مرة ومرة تختفي تنمل وخدر تعب شديد يجي مفاجئ ثقل في الكلام مرة ومرة يختفي الإصابة متوقع ان كملها فيني عدة سنوات لكن اشتدت مع ازدواجية النظر اسباب تأخر اكتشاف المرض 1- عندي السكري من النوع2 فكنت اغزي سبب التنمل والخدران للسكر 2-من 5سنوات وانا اتمرن حديد واعزي التعب الي ذلك 3-ايضاً كنت امشي عند البحر 4كيلو يومياً 5-المكابرة والشعور اني قوي 6- حب الجو الحر ( لايعني اني لا احب الجو البارد واجواء اوروبا ) الله يعافينا واياكم |
لاشي صعب على الله الصعب بنفسياتنا بس نفسيتنا تتقبل الشي اللي احنا فيه بكون كل شي سهل تقبلي خلي نفسيتك حلوه النفسيه نص علاج المرض ماعليك شر ربي يشافيك ويعافيك اكثري من الحوقله بنية الشفاااء العاجل ربي يشافيك ويشافي كل مريض |
حبيبتي الله يشفيك ويعافيك يارب طمنينا عنك ان شاء الله تكوني بصحة وعافية |
| الساعة الآن 11:58 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO