|
ذكريات اول سفرة لك !!! السلام عليكم ورحمة الله السفرة الاولى دائماً تكون على البال طبعاً انا اقصد السفرة العائلية وليست المفردة اكتب لنا عن ترتيباتك لها ! مخاوفك ! مواقف حصلت لكم ! ايجابيات ! سلبيات ! هل كانت السفرة موفقة ام لا ؟ اي الدروس تعلمتها من السفرة الاولى وطبقتها على باقي السفرات ؟ هل السفره الاولى عائلياً تختلف عن السفرة الاولى المفردة من ناحية الترتيبات والمخاوف ؟ هل تتسيد الموقف في السفرة العائلية بحيث تكون انت الآمر الناهي بحكم انك رب الاسرة ؟ ام تترك الحرية نطاقها واسع للجميع ؟ :e01d: تحياتي :e01d: |
اهلا اهلاا اول سفره كانت بتنظيم المنتدى الجميل استفسرت واعطوني كل المعلومات ورتبوو لي الجدول كانت لتركيا المخاوف اكيد في مخاوف وقلق اول سفرده دوليه واللغه لك عليها والدوله عليها كلام فيها مشاكل ةسرقات وغيره تعلمنا نحجز لنفسنا الفنادق كانت خفيفه لطيفه وباقي السفرات تخللها مشاكل دفعنا فيهم :مبالغ هباءاا منثورااا:e419: اخر سؤوال بعتبره موجهه للجميع وليس لوب الاسره فقط غالبا انا امسك زمام بعض الامور والباقي عليه انا احدد الوجهه اختار المناطق اللي بنيات فيها احدد كم يوم حسب تقارير المنتدى ويعض المفاطع والباقي عليه |
و عليكم السلام و رحمة الله و بركاته ... و الله يا ابو عبدالله .. أنت تطلب من البعض الغوص في غبار السنين أيام كان علشان تسافر لازم تزور مكتب سفريات و هو اللى يسفرك على كيفه يحجز لك فندق على كيفه و يسوي لك التنقلات على كيفه "المهم هو كم يكسب" https://m.al-sharq.com/get/maximage/...732-694887.jpg التذاكر تجيك كذا " و الكتابة تقل طلاسم سحرية" https://pbs.twimg.com/media/DZljfnEXkAETK4f.jpg و كل مصاريف الرحلة معاك كاش https://almalnews.com/wp-content/upl...86%D9%8A-1.jpg قديماً السفر ما فيه أي أيجابية لو قارنته بالوضع الحالي ... ممكن بجاوبك بس على السؤال الأخير اللى هو: هل تتسيد الموقف في السفرة العائلية بحيث تكون انت الآمر الناهي بحكم انك رب الاسرة ؟ ام تترك الحرية نطاقها واسع للجميع ؟ شخصياً عندي مجال الحرية مفتوح للجميع في شتى النواحي لأن السفر للجميع و المتعة مشتركة و في الأساس تبدأ حرية السفر قبل السفر بمشاركة جميع من بالرحلة في التخطيط و لاحقاً في التنفيذ تسلم يا أبو عبدالله على الموضوع اللطيف |
فعلا فيه فرق كبير جدا بين السفر أول والسفر الان .. اول كان الترتيب للسفر شاق مره .. الان ولله الحمد مع الانترنت و خاصة بعد ما طلع موقع بوكينق صارت الامور كلها سهالات ولله الحمد .. ترتب امورك وتحجز كل شي وانت جالس في البيت .. |
مع الاخوان قبل السفر على المكاتب واختياراتها طبعا للفنادق اذكر اول سفرات مع الاهل نزور الدول القريبه بالسيارة وناخذ المدن بالطريق او اللي سمعنا عنها بارده او حلوة رحنا لها او زيارة اقارب او معارف في هذه الدول اما اول سفرة لي مع ابوحسين والاطفال طبعا قررنا السفر لقبرص لان ابو حسين كان رايح لها مع الدوام وعجبته قلنا سفرنا قال قبرص حلوة قلنا قبرص قبرص المهم نركب طيارة الدوله جديدة علينا والعيال صغار ومعانا حماتي صغيرة والخادمة طيب العم قال ماتروحون الا معاكم رجل ثاني قال بوحسين خلاص ناخذ معانا اخوج يام حسين قلنا يلا حجزنا من المكتب الطيران على الكويتيه والفندق والله قطونا بفندق اكثر من نص ساعه واحنا نمشي بالليل بالظلمة طلع منتجع بعيد عن المدينة المهم ان دايما كنا نحجز يوم او يومين وتالي نبحث هناك عن فندق اوشقه نشوفها بعيونا لازم تناسبنا والا لأ طبعا هذا الكل يسويه قبل البوكينغ وترتيبات الرحله واجنا هناك نسأل السواق وكنا تأقلمنا مع سائق قبرصي اسمه جورج ريال كبير بالعمر وكانت سيارته مناسبه لنا ولانه بشوش وحريص علينا اعتمده بوحسين بكل ايامنا هناك وكان يودينا الاماكن الحلوة والاسواق وجذيه والحمدلله طلعت الدوله مافيها مخاوف وكانت الرحله جميله تنقلنا فيها بين لارنكا ونيقوسيا وليماسول وبعدها تعلمت ام حسين على السفر بس طبعا الحجوزات بمكاتب لحد ما كبروا العيال وقامو يحجزون لنا بالاون لاين وطبعا المسئولية قبل على بوحسين وانا اساعده بس الحين المسئوليات للكل والطلعات على اقتراحات البنات والشباب شكراا للموضوع |
اقتباس:
شهادتنا في المنتدى مجروحه نكن لكل طاقم الإداره بالشكر والامتنان تقديراً لتعبهم وتفانيهم في توصيل المعلومة الى السائل وتذليل عقبات السفر وعوائقة . طبيعي كأول سفره ان تكون بمثابة الدرس الذي نتعلم منه الكثير والاخطاء التي لن نكررها مرة اخرى . جميل هو تعاون افراد الاسرة في التخطيط والترتيب . |
اقتباس:
الغوص جميل ياصديقي ابو معتز في اعماق البحار تكمن اللآلئ والدرر . فعلاً قفزة نوعية مابين الماضي والحاضر الماضي كانت كل الاعضاء والجوارح تتحرك وتتأهب للسفر ، والحاضر فقط الإبهام :62: بس صورة التذاكر ذو شجون ذكرتني بجسر البحرين يوم كان ردمية :20: مشاركتك افراد اسرتك في الترتيب والتخطيط يجعل منك شخص دبلماسي جميل وينزاح من على كاهلك الحمل الكثير مستقبلاً . دمت بعافية |
الله ما أجمل البديات |
| الساعة الآن 09:05 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO