|
(انتبه تساعد احد وتورط ) السلام عليكم ورحمة الله وبركاته صباح الخير ع الجميع بدون استثناء ماعدا الشايب اللي صارت معه السالفه😆بالبدايه ب شهر يناير 2017 قلنا انا وخويي يلا على اندونيسا حجزنا وخلصنا كل شي وتوكلنا على الله ويلا على جاكرتا رحنا للمطار من القصيم الحبيبه للرياض الحبيبه وصلنا للمطار قصينا البوردنق وجلسنا نحتسي القهوه مادرينا الا ذا الولد ومعاه الشايب وقال الله يعافيكم وصلو ابوي لمقعده وخلاص تنتهي مهمتكم قلنا يالله ماعليه حسبة الوالد الله يرحمه ونخدمه من عيوننا المهم نادو على الرحله دخلنا الطياره محدثكم جلس الشايب بمقعده ومعاه شنطه قديمه اللي فيها رموز اصفار 😂 وفوق مقعده الحقائب فل ناديت ع المضيف وحطها بالخلف بالظبط حطيتها وقلت للشايب ياعم هذي حقيبتك وراك قال تمام الله يعافيك انتهت مهمتك وصلنا جاكرتا نزلنا المطار انا وخويي جينا بنختم جوازاتنا الا فيه صوت يشق الاذاني شق الا هذا الشايب يقول هذا هو هذا هو الحرامي اللي مايخاف الله قلت يالله صباح الخير جاء الامن لعندي واخذني ورحت افهمهم ساعه وجاء من طاقم الطائره واحد الله يجزاه خير وفهمته السالفه وتواصل مع الملاحين انا بذي اللحظه اقول يالله يارب تخارجني من هالادمي اللي بلاني بلوى واخذنا شوي الا المضيف قالي حصلوها حصلوها طرت من الفرحه انا والله وقتها قلت بيتبلاني ويعكر جو السفره حصلوها وجابوها له وجلس يعتذر مني ساعه وانا الصراحه منصدم من الموقف اللي اتمنى مايحصل ل احد انا بصراحه حاليا اساعد بلساني فقط لكن انك تتدخل وتشيل وتنزل مستحيل ودمتم بخير واسف ع الاطاله♥ |
:32::32: وش ورطك مع هالشايب انتبه تساعد أحد في المطارات يمكن معه بلا ويبلشك مرة طلع جنبي بالطيارة واحد أول مرة يسافر حتى القميص يقول فكيته بالسيارة في المطار ولبسته وهو مطبق المضيفة مغربية سمعت كلامه أنه أول مرة يسافر بالطيارة وما قال لأحد قالت له لو خربت الطيارة وجات الكاميرات وصورت الحدث قال والله أن قايل لهم أني مستلم في الحج سألته وين رايح تسكن ؟ قال صديق لي معطيني ورقة فيها السكن والمزارات واشوف الورقة الا السكن في فندق سنترال السفارة السعودية محذرة منه وكله بلاوي ومخدرات الرجال على نياته قلت تكفى لا تسكن فيه كله خراب قال سعيد ما يوديني مكان فيه خراب قلت له: الله يهني سعيد بسعيدة :32::32: |
اقتباس:
شنطته الظاهر 😆 |
| الساعة الآن 07:45 AM |
Powered by vBulletin® Copyright ©2000 - 2026, Jelsoft Enterprises Ltd.
Search Engine Friendly URLs by vBSEO