|
بلاكبول ( رأيي بصراحة ) السلام عليكم - اول شي استهدوا بالله وتعوذوا من ابليس واللي ضايق صدره يقفل الموضوع لا يفرغ حرته فيني :(57): طبعا كلنا نتعب في البحث والتجهيز للسفر ومعروف ان السفر يرهق ميزانية الكثير منا ( السفر بصراحه مكلف للكثيرين ) وغالبا هي سفره واحد في السنه والبعض كل سنتين او اكثر ... - كل واحد ينقل الصورة بمنظاره وحسب رأيه واكيد اكيبد اكيد انه ماتعنى وتعب وصور وسوى تقرير الا انه يبي يفيد المسافرين الاخرين سواء يوجهم لمكان او يحذرهم من اخر او يفيدهم بمعلومه او يشرح لهم آلية معينة الخ ... في سفره لي لماليزيا اللي كانت 16 يوم اعتقد الى الان احس اني اكلت مقلب مدته ( 3 ايام ) وما الوم احد فيه لان الجميع مجتهد .....بس ادين لهم بالشكر والفضل لجمال 13 يوم اخر ... الاسبوع هذا رحنا لمانشستر ( تمت التغطيه في سناب شات العرب المسافرون ) ويمكن اسوى تقرير عنها لان رحت معها لويندرمير ايضا .... بلاكبول ... صداها في اذني ... وضجيج جمالها يملأ رأسي ... وحسرة عدم رؤيتها تحرقني ان لم ازرها وانا سأكون بالقرب منها .... عقدت العزم بالمبيت ليلة فيها ولعلها تكفيها من ( 3 ليال ) ... ولكن رغبتي في زيارة البحيرات ايضا طاغية ... فأنا طماع ... فجشع المسافر في كثرة التنقل لا يعدله شيء ... وصلنا مانشستر وكان الحجز مبدئيا ليلتين ... لا اخفيكم ان شوقي الى بلاكبول افسد علي شي من متعتي في مانشستر .... قضينا اليوم الاول في مانشستر ... اليوم الثاني ومن ( النجمه على قولة اخوانا المصريين ) انطلقنا بسيارتنا الى بلاكبول ووصلناها بعد ساعة وكانت المواقف متوفرة بكثرة ..... واخذنا تذكرة مواقف لمدة 3 ساعات ... لكن الصدمه والصدمه والصدمه .... لا بل هو حادث شنيع مزق كل الاشواق والاماني الجميله :yolks00250: ... فالحسناء انقلبت ساحره :(37): والجميله سقط قناعها :(37): ... رأيي بتجرد ( اكرر انه رأيي الشخصي ) مدينة اقل من عادية ، مجرد متنفس لمانشستر وماحولها لمشاهدة البحر ربما ( اشك انهم يجون لها ) الاسواق ( مانشستر اجمل بكثير ففيها ترافورد سنتر من اكبر مولات اوربا ) intu Trafford Centre | Manchester Shopping الالعاب : لايوجد شي ( يستاهل العنوه ) و التون تاورز ( مدينة الالعاب المشهورة ) تبعد ساعه ونصف عن مانشستر ( نفس المسافه تقريبا ) https://www.altontowers.com/ - اقصد بالنسبة لي حرام لما يجي واحد او عائلة دافعين ومتكلفين ( فيزا ، تذاكر طيران ) اقول لهم رحوا بلاكبول ... بلاكبول قرية ساحليه اخذت اكبر من حجمها بكثير واشوفها مثل مدينه قريبه منا اسمها ( كلاكتون ) سبق زرتها وفكرت اسوي تقرير عنها بس ( وش اقول ) وشكل هذا نمط كثير من القرى الساحليه هنا ... - انا هربت منها الى وندرمير مع حسرة على الـ ( 3 ) ساعات + ساعة المشوار لها ... - اذا كنت غلطان لاتقسون بالرد علي :(57)::surrender: واعتذر سلفا عن كلامي اللي مارح يعجب يمكن كثيرين ... بس تبقى اذواق وتجارب ... والمهم ان الواحد يكون مبسوط في سفره ويختار اللي يناسبه هو بعينه موب اللي ناسب احد اخر ... |
رد: بلاكبول ( رأيي بصراحة ) وعلكيم السلام ورحمة الله وبركاته الحمدلله على السلامه وواضح من سناباتك انكم استمتعو فالسفره وعساها دوم ان شاء الله وبالفعل اتفق معك ان بعض الاشخاص يرفع ويمدح فمحل معين لدرجة انك تقول بزيد كمان يوم زياده ضمن المخطط من درجة الحماس الي تجيك وانت تقرا مدحه ويوم تروح فالواقع تاكل مقلب اليم وهذا الشي يمكن يرجع لعدة اسباب الاذواق مو واحد اختلاف حالة السفر سواء شخص لحاله او معه عائلته او مع اصدقائه وكل نوع له نكهه خاصه ولا تنسى الفتره الي يكون السفر فيها فبكذا الشخص يوصف المكان على هواه الشخصي وهواه اكيد غير هواك وتختلف الاذواق هنا والبعض ياكل مقلب من الناحيه هذي وبالنسبه لي اخذ مدح الشخص بعين الاعتبار وبعدها انا شخصيا اقرر المده الي بقضيها فالمكان واظن الاراء قريبه من بعض كنت اسمع فبلاكبول واشوف تقارير بس الي يتضحك دايم بمنظوري الشخصي انها عاديه جدا ومانشستر افضل الفرق بحر ولقناعتي بكلامي للحين ما زرتها وافضل مانشستر وليفربول عليها ويالله شد حيلك حبتين يا ابو عبدالله ونبي تقرير جامد حتى عن بلاكبول :(37): الصور الي فالسناب جميله جدا واكيد لديك المزيد تحياتي لك |
رد: بلاكبول ( رأيي بصراحة ) كلامك صحيح .. والتغطية في السناب كانت رااائعة ورأيك الشخصي يحترم .. بصراحة ما اعرف شيء عن هالمكان اصلا ننتظر تقريرك وصور هالمكان ونشوف ايش اللي ما عجبك يا بوعبدالله ههههههه لكني اتفق معك والاخ مهند في كل ما قلتوا مشكور والله يعطيك العافية Sent From Samsung Galaxy S6 |
رد: بلاكبول ( رأيي بصراحة ) اشاطرك الرأي ابوعبدالله بريطانيا كلها لندن ومانشيستر وغيرها عليه السلام هذا الي يصلح لنا حنا كعرب صحيح ان بريطانيا دولة عريقة وضاربه في القدم لين الله شاف لها لذلك لها طابع خاص ورونق خاص يرضي جميع الأذواق من محبين للطبيعة وللتاريخ لذلك اغلب القرى والمدن الي في بريطانيا لها قصة مع التاريخ كالبحيرات مثلا كانت متنفسا للعوائل الأرستقراطية في القرن الثامن عشر والتاسع عشر والآن لو نجيها احنا نقول ياحسرة وش فيها غير كم قلعة وبحيرة وبطة وكم مبنى وشارع لكن هم يعتبرونها شي كبير وكل مبنى له قصة وتاريخ بلاك بول كبرايتون وويلز ويورك وبرمنجهام لاتتخيل انها وااااو شي لايوصف لاعادية طبيعة انجليزية بحتة وتاريخية اكثر من كونها عصرية مع ذلك هي مدن حضريه وعرفوا كيف يدمجون التاريخ بالحاضر ولا ماشفت هالصناعة الي عندهم والتقدم يكفيك انها كانت الامبراطورية التي لاتغيب عنها الشمس |
رد: بلاكبول ( رأيي بصراحة ) وعليكم السلام وجهه نظرك نحترمها اكيد حقيقه أنا مع أنا ننقل للمسافر وجهه نظرنا ودوما الأختلاف صحي علي الأٌقل الشخص أن حصل ما لا يرضيه يكون مقتنع كل الشكر لك يا خبير |
رد: بلاكبول ( رأيي بصراحة ) اقتباس:
اقتباس:
اقتباس:
اقتباس:
- يقال بأن التغيير في المكان جميل حتى لو كان للأسوأ .. احيانا ( تطلع من البيت ، اثاث وتكييف وثلاجات ونعم ربي حولك ) وتروح للبر وتستانس اكثر ... شكرا الله لكم عطاءكم وحضوركم ... |
بلاكبول ( رأيي بصراحة ) رايك يجب ان يحترم ولكن لاننكر الاجتهاد عند بعض الاشخاص لكن الحماس الزايد مشكله ،، انا طالع ويندرمير في 23 سبتمبر و بتكون باااارده جدا ،، بما انك زرتها هل تنصحني بها في هذا الوقت لان بجلس فيها يومين بحول الله قبل السفر من مطار مانشستر ،، و شاكرين لك تعقيبك على بلاك بول Sent from my iPhone using Tapatalk |
رد: بلاكبول ( رأيي بصراحة ) :(33): :(33): :(33): :(33): ماراح اتكلم بس بقول لولا الأذواق لبارت السلع بلاكبول حلوووووة وتشرح الصدر وغير الشارع الرئيسي اللي فيها ومدينة ملاهي بليتشر بيتش هناك حديقة ستانلي والبحيرة اللي فيها وهناك البرج انا اعتبر بلاكبول مدينة الترفيه للعائلة رحت لها ٣ مرات حبيتها واذا عندي فلوس اشتري بيت فيها الأسواق رحت للسوق مره وحدة بس باجي المرات خلاص نكتفي باسواق لندن ومانشستر بلاكبول للترفيه التون تاورز ما حبيتها لان من كل لعبه ولعبه ساعة مشي ما احب الاماكن الكبيره على غير سنع مشي مشي مشي ما يخليك تشتهي تلعب بس البليتشر بيتش الالعاب عند بعض والعاب حلوة وفيها اقدم قطار موت خشبي وبوعبدالله تقول لي ٣ ساعات اعتقد ما فريتها كلها وخلاص اعتقد فشييييت خلقي الحين هههههه يابو عبدالله لولا الاذواق لبارت السلع انا معاك ان مانشستر احلى ولندن احلى واحلى بس بلاكبول حلوة لا تهضم حقها بس وانت مفترها ٣ ساعات فقط يعطيك العافية نبييييي صور |
رد: بلاكبول ( رأيي بصراحة ) اقتباس:
ويندرمير اذا انت من اللي يحبون الطبيعة وراعي كشتات ومشي فعز الله انك تبي تنبسط مررره ... وبالنسبة للبرد فانا يوم اروح الاسبوع الماضي كان جوها حلو مره ولابسين صيفي ... بتنبسط من المناظر ومن الريحه والهواء المنعش ...بس الله يرزقكم جوا حلو ومايكون هوا .. واذا انت متردد تروح او لا فهي ترا مشوار ساعه ونص تقريبا بالسيارة من مانشستر وفيها محطة قطارات ( تروح اول النهار وترجع اخره ) بس انصح يكون معك سيارة لانها ماتصلح بدون سيارة عشان تتمشى زين وتوقف بالطريق لان فيه اماكن كثيرة تستحق التوقف لوجود اطلالات رائعه وجدا مميزة وان كان يعيب الطرق هنا عدم وجود مواقف عند هذه الاماكن بس مجرد انك تقفل القارمن هناك وتمشي بلا وجهة محددة هو نعيم واحساس جدا حلو فالجمال لايفارقك مقرونا بالنظافة ... انا رحت تمشيت بدون احداثيات او توصيات وعقدت النية على العودة لها لوحدها - بس ترا لازلت اؤكد ان المنطقة ريفية يعني من الساعه خمس العصر( قبل المغرب بثلاث ساعات يمكن ) يبدون يقفلون محلاتهم ...المنطقه جميله مررره ( بالنسبة لي من جنان الارض ) وحسافه اللي يروح قريب منها مايمر عليها اقتباس:
بس الموضوع ماخذ طابع هجوم ودفاع بس بشكل ودي:surrender: |
رد: بلاكبول ( رأيي بصراحة ) اقتباس:
مثل ما ذكرت لك لندن لا يعلى عليها وتصدق وايد يروحون لندن يقولون شنو يعجبكم فيها يا اخوي مثل ما قلت لك لولا الاذواق لبارت السلع انا لو توديني بر بدون اي ترفيه بس قعده وسوالف يمكن تكون عندي وناسه حدها على حسب الناس اللي معاك وعلى حسب نفسية الشخص بذاك الوقت واحنا بانتظار كل ما تكتب عن بريطانيا ككل بس متعنا بالصور وعلى فكرة فيديوات السناب والصور روووعه وربي يحفظ عبود واخته ويوفقكم بالبعثة |
رد: بلاكبول ( رأيي بصراحة ) يا هلا بالمبدع ابو عبدالله سنابات و لا اروع عاد لو قلت شي عن البحيرات قامت بيننا هوشه :(37): لكن بلاكبول اختصاص ام حسين عاد انا بصراحة مانشستر بكبرها ما اعجبتني و توقعتها افضل من كذا لكن لندن و البحيرات أبصم لهم بالعشرة لك وحشة يابو عبدالله الله يوفقك و يحفظ لك الصغار |
رد: بلاكبول ( رأيي بصراحة ) اقتباس:
اقتباس:
|
رد: بلاكبول ( رأيي بصراحة ) اقتباس:
الله يجزاك خير و ماقصرت ،، مابيكون عندي سياره ، هل يوكد هناك مطاعم و كوفي شوب حول البحيره ؟ و هل باستطاعتي الذهاب لمحطه القطار مشي ؟ و بيض الله وجهك ، Sent from my iPhone using Tapatalk |
رد: بلاكبول ( رأيي بصراحة ) اقتباس:
البحيره من التاون تقريبا مشي 20 دقيقة وفيه عندها اكشاك ( اخذنا ايسكريم من واحد ) والبقيه مدري عنها ...وفيه الاكيد فندق ومعه مطعم ...وفيه تاجير قوارب انا رحت لجهة منها وهي اللي تمشينا فيها وما اطلعت على المكان بشكل كويس عشان الوقت كان ضيق بس رجعنا تغدينا بالتاون ... |
رد: بلاكبول ( رأيي بصراحة ) تسلم اخوي ابو عبدالله شاكر و مقدر تعقيبك Sent from my iPhone using Tapatalk |
اقتباس:
|
اخي بو عبدالله جزاك الله كل خير عالموضوع وبالنسبه لي تستاهل مبيت ليله فقط وميزها وجود برج و اكواريوم ومتحف مدام تسو والعاب وهم قرب بعض ... فيها ميزه توفير التنقل من واحد الي الثاني وتغني عن صعوبة زيارة هذه الاماكن بلندن. وليدز احلي طبعا |
اقتباس:
|
مرحبا مميزنا الغالي ابوعبدالله رايك اكيد يهمنا ولولا اختلاف الاذواق لبارت السلع اول شي خلني اقسم السفره على حسب المدد في مناطق جميله جدا لكن ماتستحق القعده او المبيت فيها مثل بلاك بول انا لو اروح شهر لندن او مانشستر مستحيل ابات فيها فقط هي مالت زياره سريعه والعوده بنفس اليوم لان المدينه كلها الساحل نفس ومدن الالعاب الي فيها والاكواريوم والمحلات الي جنبه والحديق خلف الاكواريوم فقط لاغير فما تستحق المبيت فيها الف شكر على نقل تجربتك يا الغالي |
اقتباس:
رأيك على العين والراس ... ما اقول شي :(47): ... انت ودك تقول لا تروحون بس متورط بناس هنا :yolks00520: امزح معك ترا ... فعلا هي اذواق وبالنهاية كل واحد ينام ع الجنب اللي يريحه ... بس ادارة الميزانية لكثير من الناس مهم وهذا مقصدي ... سعدت جدا جدا بتواجدك في موضوع لي وموافقتك لي من تحت لتحت :(47): |
اقتباس:
حبيييييييييييييييب بوعبدالله مميزنا الجميل هههههههه والله انا للأمانه استمتعت فيها رحت الصبح ورجعت العصر والجو كان روعه والله لو ادري انك كنت بتروح ثلاث ايام بحاول معاك ماخليك تقعد هالفتره فيها وفعلا كلامك صحيح جدا جدا ان الناس اذواق بس الدنيا تجارب انا السنه الي راحت طلعت من فيينا ورحت مع العيال سلوفاكيا في عاصمتها براتيسلافا بلد كئيبه وشعب عنصري يعني ما توقع حد يعارضني الرأي ودوله مافيها شي كلش حاجز في ارقى فندق هناك 3 ليالي وحياتك ماكملت يوم واحد خخخخخخ وصلت قريب المغرب الضحى انا طالع من الفندق راحع فيينا مال الفندق يقول انت دافع المبلغ كامل حق غرفتين قلت الفلوس حلال عليكم :yolks0060: اهم شي اطلع بأسرع وقت ممكن هههههههه الدنيا تجارب و مواقف :(89): حياك معي لندن الاسبوع الجاي :(60): |
اقتباس:
|
بوعبدالله بعض الناس تسأل وماتعرف ايش يبي رأيك صح ورأي غيرك صح وكل الآراء كل شخص ينظر من زاويه معينه الجواب يحتاج معرفه نقاط كثيره ومعيار لكل مكان وبلد ومدينه ايا كانت مثلا : 1- الشخص مسافر لوحده . مع شباب . مع زوجه . مع اطفال. وأعمارهم 2- مدة السفره وعدد الأيام 3-هل هي السفره الاولي او الثانيه او العاشره (سبب رئيسي ) 4- هل عنده سياره او لا 5- ماذا يحب وميوله وهواياته و غيرها الكثير |
اقتباس:
منورنا ابو سلطان :(47): |
| الساعة الآن 05:29 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO