|
الرحلة باقي لها يومين صباحكم لندني :(40): الرحلة ان شاء الله يوم الجمعة وابي استفسر عن شغلتين الاولى مسار الجمارك قالوا فيه 3 خطوط واحد منها للاتحاد الاوروبي والاثنين الباقية للمسافرين الاخرين واحد منهم جمارك والثاني للي ما يحتاج الجمارك انا يا مسافر ومعي شنطة ملابسي وش اخذ ابو جمارك والا الثاني :(38): والسؤال الثاني انا ساكن في فندق ذا ليونارد عند الهايد بارك تقاطع اظن شارع العرب وسمعت ان الاندر قراوند ما ينفع اركب فيه ومعي شنطتي :(58): هل ذا صحيح او كلام منتديات :dunno: والله يعينكم على استفساراتي الجاية :detective2: |
الجمارك مو انت اللي تختار انت تتبع المسار اللي يوقفونك فيه بتلاقي المسافرين اللي معاك من العرب روح وراهم وراح توقف بالطابور الصح وما انصحك تروح بالاندر قراوند من المطار اخذ تاكسي افضل لان معاك شنط واذا حاب تروح بالاندر قراوند عادي الشنطه مو مشكله دايما الاجانب تلاقيهم يجرون شنطهم داخل الاندرقراوند ومادري اذا في تغيير بيرجعون اخوانا الخبراء يعلمونك |
يسعد صباحك اتمنى لك رحلة سعيدة و ترجع لنا بالسلامة مع احلى تقرير مسار الجمارك واضح و بدون تفتيش الافضل تاكسي مثل ما قالت أم حسين لأن ممكن تقابل ساعة الذروة في الاندرقراوند و ما تلقى مكان لشنطتك لو حبيت تجربه و أنت لوحدك لا مشكلة بس شيك توقيت الوصول اما اذا كان معك عائلة فـ بدون شك تاكسي بلا تفكير هنا طريقة عمل الاندرقراوند و ساعات الذروة http://www.arabtrvl.com/vb/t1947.html |
التاكسي افضل زي ما قال ابو غسان اذا تقدر تحجز من النت تاكسي او سيارة تجيبك من المطار بيكون ارخص تاكسي من المطار الى ادجوار رود بحدود 50 باوند ، اذا حاجز ممكن تلافيه 35-40 باوند |
هلا اخوي بالنسبه لجوازات المطار عندهم شباك للأتحاد الاوروبي والشباك الثاني فاست تراك ( للجوازات الدبلوماسيه والخاصه وغيرها ) وفي عدد كبير من الشبابيك لباقي المسافرين بالنسبه لشباك باقي المسافرين الي مثل حالتي وحالتك هو الطابور واحد يعني مافي لكل شباك طابور ولما يوصل دورك يقولون لك اي شبام تروح كلام الاخوان صحيح بس اخر مره رحت لندن قبل شهرين كانت عندهم اشويه تصليحات بالشارع من المطار الى لندن وخذت تقريبا ساعه وربع لين وصلت بما انك لحالك والي فهمته منك ان عندك شنطه واحده فقط الافضل تروح عن طريق هيثرو اكسبرس وهو القطار السريع من هيثرو الى محطه بانديغتون في لندن قريبه نوعا من فندقك المسافه من مطار هيثرو لين لندن فقط 15 دقيقه وفي قطار يتحرك من المطار الى لندن كل ربع ساعه وسعر التذكره ارخص من التاكسي 21.5 باوند |
|
بارك الله فيكم يا اخوان ابي اخذ تاكسي واريح مخي ^_^ عندي سؤال ثاني :( تذاكر عين لندن ومتحف الشمع و الاماكن السياحية لازم اطبع التذكرة في حال اني حجزت عن طريق اونلاين او يكتفون بمشاهدتها من الجوال |
الله يعافيك اخوي كفايه يشوفون الحجز من الجوال مافي داعي تطبع وعلى مسؤوليتي :204: بس ضرور تحجز اون لاين لمتحف الشمع عشان ماتزهق من الطابزر الممل وبروح قبل وقت الحجز بفتره قليله بالتوفيق |
اختفيت عقب موضوع الفيزا بس يلا مبروك ولو متاخر:(6): الله يمهل لك وتنبسط وترجع سالم غانم بحول الله انا مع مشرفنا ابو سعد اذا خفافي وشنطه وحده مثلا خذا القطار اسرع واوفر .... لندن فيها اوقات زحمه لاتطاق ودك تنزل وتاخذ المشوار كعابي ... وحاول تتاقلم مع المتروا لانه انسب واسرع من زحمات المواصلات الباقيه ومايضيع وقتك في التكاسي او الباصات . بالنسبة لمتحف الشمع وعين لندن فتحجزها من النت وتاخذ التذاكر من اول مكان بتروح له وبقية الاماكن يفضل تروح له قبل موعد زيارتك وتأكد الحجز لانك ماراح تقدر تدخل على طول بالحجز اللي اخذته من اول مكان بتروح له فلازم تنتبه عشان ماتخسر زيارة المكان ... - اذا لسى ماحجزت فلا تختار الحجز اللي فيه الاكواريوم ( بدل الاكواريوم بشي ثاني ) - عين لندن اذا خلصت منها خلها على يسارك وامش جنب النهر شوي بتجيك منطقة ( على نفس الشارع فيها اكشاك يسمونها ( اكل الشوارع ) ومن بلدان مختلفة ولذيذة اذا تحب تجربها موفق بحول الله |
لاهنت qa6ar911 بحجز والله يعين ابو عبدالله ما سمعت بالهدوء اللي يسبق العاصفة ^_______^ اختفيت وجيتكم اقول لكم اني بروح بالنسبة للتذاكر من وين احجزها اذا عندك الموقع زودني به لا عدمتك الاكورايم دابله تسدبي من سنين خلاص ما عاد ابي اشوفها ولا اجي مكان يعرضها احسها ضحك على العالم :( |
| الساعة الآن 01:06 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO