|
أبي نصيحتكم 😑 السلام عليكم أنا رحلتي راح تكون يوم 12 يناير و العوده 23 يناير و كلها راح تكون في لندن بس وش رايكم تمام ولا لا ؟ و بعد فكرت أستاجر سياره من مطار هيثرو ولا تنصحوني بالمواصلات الأخرى بدلاً من أستأجار سياره ؟ و اذا ممكن أبي جدول ممتع خلال 12 يوم اللي بقضيها في لندن شكرراً مقدما ❤ |
الله يعينج على البرد تقدرين تطلعين طلعات خارج لندن بالقطار ممكن بيرمينغهام، بورتسموث، برايتون، مانشيستر، بيستر فيلج من المطار خذي تكسي، في لندن الباصات والاندرقراوند ممتازين Sent from my iPad using Tapatalk |
اقتباس:
بلندن السيارة اذية والله ... زحمات ومواقف غاليه وما تتوفر بسهوله بعد ... المواصلات العامه جميله جدا ( باص + اندر قراوند ) ورخيصه ومتوفرة بكل محل .. لندن كلها جدول:detective2: وما انصحك برا لندن بشي في هالوقت الا كان بيستر فيلج اذا لك نظر في التسوق من اوت لت .... معك اطفال او لا ؟ لان بعض الامكان ماتصلح لهم لان بيكون برد مره عليهم مثل كامدن تاون او كوفنت قاردن |
كثير 12 يوم للندن إلا اذا معاها مدن اخرى مانصحكم تاجرون سياره في هالوقت الدنيا برد وثلوج وماراح تستفيدون منها زحمة مدينه وغلا مواقف والاجواء اتوقع بتكون امطار وكمان اتوقع ثلوج ليش ماتقسمون الايام 6 ايام لندن و6 ايام باريس يكون افضل وتستفيدون زيارة دولتين لاتنسون كثرو الملابس الشتويه والله ياعندهم برد لدرجة التجمد |
ياهلا ومرحبا فيج اختي نفس ماقالو لج الاخوان انا غير مؤيد للبحيرات والارياف في هالوقت من السنه ماراح تستمتعون بعكس لو كانت السفره بجو معتدل لان اجواء يناير بارده جدا والحياه شبه متوقفه في هذه المناطق ممكن نفس اقتراح مشرفنا فارس لندن مع باريس او بلجيكا وامستردام معاهم يعني حاولي تخلين سفرتج بالمدن افضل بالنسبه حق لندن غير مؤيد تستأجرين سياره انا عمري ماسقت داخل لندن شبكه المواصلات في لندن من افضل شبكات المواصلات بالعالم الباصات والمترو ممتازه جدا وتفي المطلوب واكثر شوفي المناسب لج وعطيني خبر ونشوف لج الترتيب ان شاء الله بالتوفيق يارب |
لا أزيد عن الشباب شيء ماقصروا نصيحتي اذا كانت الرحله سياحيه 3 لندن 3 برشلونه أو ملقا في أسبانيا 3 فلورنسا في إيطاليا 3 لندن |
و عليكم السلام المدة 10 أيام يا دوب تكفي لندن و مزاراتها موجود عندنا جدول 10 أيام مثبت و ممكن الشباب عندهم اقتراحات اخرى لندن بهذا الوقت باردة جداً لكنها متميزة جداً و ما تنفع فيها سيارة أبداً و الافضل اندرقراوند و باصات و قطارات |
| الساعة الآن 11:43 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO