|
التنقل بالباص داخل لندن السلام عليكم إن شاء الله بنهاية جولاي رايحين بريطانيا حيل شايلة هم التنقل بعد البحث العميق شفت إن أنسب شي لنا كعائلة 5 كبار و طفلين و رضيع هو استخدام الباص للحين مو متخيلة قرب الأماكن و مو عارفة ايش الباص المناسب اللي ممكن يوديني الاماكن اللي جنب بعض بدون ما اضطر استخدم الباص اكثر من مرة؟ و كيف الباص بيوقف و متى و هل يمشي بسرعة غير الزحمة؟ هل أقدر أتفاهم معاهم بسهولة مع إن لغتي جيدة بس أخاف ما يفهمون علي ؟ و ايش أنسب بطاقة أويستر آخذها لمدة 6 أيام ؟ و من وين آخذها ؟ مع العلم إني بحث كثير و الله بس كأني في بعض المواقع معلومات متناقضة شوي أحس محتاجة تطمين أكثر من معلومة :26: |
ياهلا ومرحبا فيج اختي تطمني ان شاء الله اوعدك راح اعطيك ادق التفاصيل عنها واهم المحطات الي تنزلين لها واشرح لج عمل الباص في لندن بكل تفاصيله بدون البحث في اماكن اخرى وتشتت افكارج راجع لج الليله ان شاء الله وابتدي معاج الشرح بس ممكن اعرف وين السكن بأي فندق !! |
بيجلدني ابو سعد بس يالله كل شي بأجره عند الله :20: مع هذا الموضوع وبهذي الطريقة مستحيل احد يضيع في لندن http://www.arabtrvl.com/vb/t8590.html والتفاهم معهم جدا جدا سهل وهم شعب ودود ... بس مايحبون يكلمون احد يخافون انه يبي فلوس :14: |
هههههه بوعبدالله بوعبدالله وبوسعد ما يقصرون بالشرح صدقيني اختي الباص سهل جدا وما في استعجال واذا كان معاج عربانة طفل بينتظرك لحد ما تصعدين وكمان لحد ماتنزلين ما يمشي بسرعه اذا كنتي واقفه عند المحطه قبل لا يوقف الباص |
ماشاء الله عليك مميزنا ابوعدبالله دووم مبدع موضوع ممتاز جدا ورائع راح يفيد الكثير بالرغم من اطلاعه على السريع توني منتبه له وان شاء الله اشوفه على رواق تسلم يدينك على الموضوع الجميل وان شاء الله يفيد الجميع ولك الاجر يا غالي وبعد ان شاء الله بعد ماعرف مكان سكنهم راح اشرح لها بطريقه عمليه ويدويه ههههه جعلك تسلم يا غالي |
اقتباس:
ماعليج زود ام حسين عاد انتي ماتقصرين سواء للمنتدى او اعضاءه بارك الله فيج يارب صح كلامج بخصوص الانتظار وبعد لو حد كبير بالسن وهو على قاري ينزلون له نفس الدرج المسطح لصعود الكرسي المتحرك والكل يساعد سواء السايق او الركاب با الانتظار او المساعده في حمل القاري بأقل مهل |
فعلا مثل ماقالوا ام حسين وابو سعد لو معكم عربية طفل ينزل لكم الباص عشان تقدرون تطلعون بالعربية في الباص والعربية لها مكان مباشرة بعد الباب وتقريبا كل باص يشيل عربيتين ... والباص مايتحرك الين يركبون كل الناس اللي بالموقف ويبون يركبون معاه ويتحرك الين ينزلون كل اللي يبون ينزلون ايضا ..وهو مايوقف الا عند الموقف الخاص بالباصات يعني مايوقف ومايفتح الباب بمكان ثاني ( عند اشارة مثلا ) .. واذا ركبتوا معه وقربتوا من المحطه فيه تقريبا عند كل صف كراسي زر مكتوب عليه (Stop) تضغطونه عشان يوقف بالمحطه الجاية .. لانه لو ماكان فيه ناس واقفين فيها ومحد ضغط الاستوب مايوقف ... - الاويستر خذو حقت اسبوع شاملة المترو والباص اذا تبغون باص وتقدرون تاخذون بس للمترو والاطفال تحت 13 سنة ببلاش . وتاخذون البطاقة من اي محطة مترو |
للحذف |
qa6ar911 و بو عبدالله و الجميع مشكوريييييييييييين ما قصرتوا جزاكم الله خير فردا فردا كلامكم ريحني و أغناني عن ألف خريطة و الله السكن في بليكمور هايد بارك أنا سويت تجربة <<<< من ما كثر ما حفظت قوقل ماب و حفظت لندن قبل لا أروح لها و أنا قائدة الرحلة :24: أطلع ل Bayswater Road و أركب في باص رقم 148 لين الله يفرجها و أوصل حق لندن آي :13::24::e434: بس يوم إني وصلت ما عرفت أرجع بحث بمواقع طبعا بس مو كلهم يعطوني نفس رقم الباص و بعضهم يتطلب أنزل لتغيير الباص و شفت هذا الباص رقم 148 أنسب شي اقتباس:
المشكلة أنا خايفة من اللي هم خايفين منه :26: شكرا للمرة الثانية |
العفو اختي حاضرين لج ليش مركزه على الباصات بكلشي لاتروحين من فندق الى لندن اي بالباص عشان توصلين له راح تاخذين باص 148 وتغيرينه بمحطه Westminster Cathedral ومنها تاخذين باص 211 وتغيرينه بمحطه Waterloo Station/Upper Taxi Rd وبعدها تاخذين باص رقم 77 الى لندن اي الافضل تروحين لندن اي بالمترو من فندقكم اقرب محطه مترو هي بيز ووتر في شارع كوينز وي وقريبه من مجمع الوايت ليز تصعدين المترو ودايركت الى ساعه بغ بن ومن جنب لندن اي والعوده بنفس الطريقه هذي محطه البيز ووتر وتصعدين على اي خط براحتج الاصفر او الاخضر http://up.arabseyes.com/uploads2013/...1155417811.png العاب انتي اهم شي وقت الوصول تاخذين الاويستر للباص والمترو مع بعض لزون 1 مده اسبوع لان راح تحتاجين الاثنين وانا بعطيج بعض الاشياء الي تسهل لج ان شاء الله الموضوع هنا راجع لج |
| الساعة الآن 08:56 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO